| schema:text
| - Cilësimet e ekzagjëruara për vendimin e Qeverisë për qortim të qytetarëve për targa ilegale
Deklarata
“FILLON TERRORI NDAJ SERBËVE: Në Jarinjë është dhënë paralajmërimi i parë për një automjet të regjistruar me targa KM.”
Vlerësimi
Me kos
Titulli “FILLON TERORI NDAJ SERBËVE: Në Jarinjë është dhënë paralajmërimi i parë për një automjet të regjistruar me targa KM”, është i ekzagjeruar dhe i pambështetur në fakte. Në artikull nuk ka asnjë burrim kredibil që e vlerëson këtë vendim të Qeverisë së Kosovës si veprim që do t’i terrorizojë serbët. Fjala ‘terror’ sipas fjalorit do të thotë “dhunë e egër, tmerruese që e bën një regjim a një organizatë ndaj populltit apo kundërshtarëve të tij’. Titulli konstatues se “fillon terrori ndaj serbëve” nuk përkon me gjendjen në teren.
Artikulli
Më 1 nëntor 2022 media online Novosti.rs ka publikuar artikullin me titull “FILLON TERRORI NDAJ SERBËVE: Në Jarinjë është dhënë paralajmërimi i parë për një automjet të regjistruar me targa KM.”
Artikulli ka të bëjë me nisjen e fazës për lëshimin e fletëqortimeve nga Policia e Kosovës për qytetarët që kanë vetura me targa ilegale serbe dhe që qarkullojnë në territorin e Kosovës.
Në artikull nuk ka asnjë burrim kredibil që e vlerëson këtë vendim të Qeverisë së Kosovës si veprim që do t’i terrorizojë serbët.
Fjala ‘terror’ sipas fjalorit do të thotë “dhunë e egër, tmerruese që e bën një regjim a një organizatë ndaj popullit apo kundërshtarëve të tij’.
Titulli konstatues se “fillon terrori ndaj serbëve” nuk përkon me gjendjen në teren.
Branislav Radoviq, zëdhënësi i Policisë së Kosovës në veri në një deklaratë për media ka thënë se situata në veri është e qetë.
Që nga 1 nëntori, autoritetet në Kosovë kanë thënë se qytetarëve që kanë automjete me targa ilegale do të marrin fletëqortime. Kjo është faza e parë e planit prej tri etapave që Qeveria e Kosovës ka thënë se do të zbatojë nga 1 nëntori deri më 21 prill të vitit 2023.
Faza e dytë parasheh gjobë në vlerë 150 eurosh për shoferët që kanë automjete me targa serbe, ndërkaq në fazën e tretë do të përdoren targa provuese. Pas 21 prillit, sipas Qeverisë, nuk do të lejohet qarkullimi i automjeteve që nuk kanë targa RKS.
Të zhgënjyer me vendimin e Qeverisë së Kosovës janë shprehur Shtetet e Bashkuara të Amerikës dhe Bashkimi Evropian.
Në deklaratën e lëshuar nga zëdhënësi i Departamentit Amerikan i Shtetit, Ned Price, thuhej se janë të zhgënjyer që Qeveria e Kosovë ka refuzuar kërkesat e partnerëve ndërkombëtarë.
“Shtetet e Bashkuara janë të zhgënjyera dhe të shqetësuara që qeveria e Kosovës ka refuzuar kërkesat për ta bërë këtë nga partnerët e saj ndërkombëtarë. Kosova dhe Serbia duhet të punojnë urgjentisht dhe në mënyrë fleksibël për të arritur një marrëveshje gjithëpërfshirëse për marrëdhëniet e normalizuara, me në qendër njohjen reciproke. Është e rëndësishme që të dyja palët të reduktojnë retorikën nxitëse dhe të ndërmarrin veprime konkrete për të demonstruar angazhimin e tyre për bashkëpunim konstruktiv për të siguruar një të ardhme të qëndrueshme dhe të begatë për rajonin” – thuhet në reagim.
Të zhgënjyer janë shprehur edhe Bashkimi Evropian. Sipas BE-së, Kosova mund t’i heq gradualisht tabelat KM, por duhet procesi të shkojë me dialog.
“Kosova ka të drejtë të heqë gradualisht tabelat KM, por procesi duhet të zhvillohet në mënyrën e dakorduar në Dialog dhe të zbatohet në mënyrë gjithëpërfshirëse dhe konsultative” – thuhet nga BE.
Sipas tyre, vendimi i Qeverisë së Kosovës nuk është në përputhje me marrëveshjet e dialogut.
“Derisa, vendimi është një hap në drejtimin e duhur, nuk është në përputhje me marrëveshjet e dialogut, të cilat janë të detyrueshme për të dyja palët” – thuhet më tej në reagimin e BE-së.
Sipas BE-së, marrëveshja e vitit 2016 parashikonte proces të renditur dhe të përcaktuar qartë me një afat kohor 12-mujor për procesin e largimit, i cili nuk është ndjekur.
Për shkak të dyshimeve për rezistencë dhe sabotim të vendimit të Qeverisë për lëshimin e fletëqortimeve, Inspektorati Policor i Kosovës e ka suspenduar drejtorin e Policisë në Mitrovicën e Veriut, Nenad Gjuriq.
Si reagim ndaj këtij veprimi, kryetari i Listës Serbe, Goran Rakiq, ka thirrur për të shtunën, më 5 nëntor, mbledhje të jashtëzakonshme me kryetarët e katër komunave me shumicë serbe në veri të Kosovës. Ai ka thënë se në mbledhje do të propozojë largimin e serbëve nga institucionet në veri, përfshirë ato gjyqësore, të policisë dhe në institucione të tjera.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)