| schema:text
| - Alarmi i rremë për mbyllje si pasojë e rritjes së numrit të rasteve me COVID
Deklarata
Përsëri në Itali mund të ketë mbyllje, sepse ndodhi prapë ajo që pritej
Vlerësimi
Rrenë
Titulli i artikullit të publikuar nga Ingazetaa, më 13 korrik 2022: “Përsëri në Itali mund të ketë mbyllje sepse ndodhi prapë ajo që pritej”, është i rremë. Në ditën që është publikuar artikulli nuk kishte asnjë paralajmërim nga institucionet se Italia mund të mbyllet. Për më tepër, në artikullin e publikuar nuk ka asnjë deklaratë apo paralajmërim që kjo do të ndodhë. Gazetarët gjatë raportimit duhet të thirren në burime të identifikueshme të informacionit, e ky artikull nuk e përmbushë këtë standard. Të dhënat nga raportimet në mediat italiane tregojnë se ky shtet nuk është duke e diskutuar mundësinë e mbylljes si pasojë e rritjes së numrit të rasteve të infektimit me COVID-19. Ministri i Shëndetësisë, Roberto Speranza, ka rekomanduar dhënien e dozës së dytë përforcuese/booster për personat e moshuar.
Artikulli
Më 13 korrik portali InGazetaa publikoi një lajm me titull “Përsëri në Itali mund të ketë mbyllje, sepse ndodhi prapë ajo që pritej”.
Titulli i këtij artikulli nuk është i mbështetur në fakte e deklarata nga Qeveria Italiane, apo ekspertë të këtij shteti. Shteti italian nuk ka ende opsion për mbyllje vendi, përkundër rritjes së rasteve me COVID-19.
Në një raportim të Euronews të datës 12 korrik, 2022 thuhet se: Italia do fillojë administrimin e vaksinës së dytë përforcuese/booster tek moshat mbi 60 vjeç si shkak i rritjes së rasteve me COVID-19. Por në këtë raportim nuk flitet për mbyllje të vendit.
Italia pati rritje të rasteve të koronavirusit në këtë korrik. Numri i infeksioneve ditore javën e kaluar kaloi 100 mijë persona për herë të parë që nga shkurti i këtij viti, përfshi këtu edhe personat e shtruar në spitale, raportoi Reuters para një jave, raport në të cilin po ashtu nuk u përmend mbyllja e vendit.
Doza e dytë përforcuese (përpos atyre dy obligative) është për ata persona që konsiderohen më të rrezikuar nga virusi, tha të hënën më 12 korrik 2022, ministri italian i shëndetësisë, Roberto Speranza.
Të martën (12 korrik, 2022), Italia raportoi 132,274 raste me COVID-19.
Derisa, të enjten më 14 korrik Italia regjistroi 107,122 raste të reja dhe 105 vdekje, kurse numri i personave të shtruar në spitale deri tani ka shkuar në mbi 10 mijë.
Mundësia për ndonjë izolim ende nuk është përmendur si opsion, kjo për shkak se pjesa më e madhe e popullësisë në Itali janë imunizar me doza të vaksinës anti COVID-19.
Italia ka vaksinuar plotësisht (me dy doza) mbi 80% të popullsisë, duke e bërë vendin me shkallën më të lartë të vaksinimit në Evropë.
Kjo mund të jetë si arsye shtesë përse Italia mund të mos e ketë si opsion mbylljen e vendit, përkundër rritjes së rasteve me COVID-19.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)