| schema:text
| - Dezinformata se Ushtria do ta marrë veriun para datës 25 gusht
Deklarata
Prishtina po përgatit për të marrë veriun e Kosovës dhe ‘kufirin’ në një operacion e radhës.
Vlerësimi
Rrenë
Artikulli me titull “Ushtria do ta marr veriun ne dorë para datës 25 gusht” është i rremë. Ky artikull nuk është mbeshtetur në asnjë vendim apo deklaratë të dhënë nga ndonjë zyrtar apo burim. Nga Ministria e Mbrojtjes kanë thënë se artikulli në fjalë është dezinformatë dhe u është bërë thirrje qytetarëve të Kosovës të mos bien pre e dezinformatave të tilla.
Artikulli
Një artikull në faqen e internetit “dardaniaonline” dhe “skenderajpress” është publikuar më 1 gusht 2022 me titullin “Ushtria do ta marr veriun ne dorë para datës 25 gusht”.
I njëjti lajm është shpërndarë në disa faqe në Facebook, si: “Ushtria e Kosovës”, “Kosova Army”, “RKS News”, “Shqiptaro madhi”, “Gazeta Kosova”, “Orë e çast news.com”.
Fjalia e parë brenda lajmit thotë se “Prishtina po përgatit për të marrë veriun e Kosovës dhe ‘kufirin’ në një operacion e radhës”.
Lajmi në fjalë nuk ka të cekur asnjë burim të informacionit.
“Prishtina po përgatit për të marrë veriun e Kosovës dhe “kufirin” në një operacion e radhes. Në të njëjtën kohë, KFOR po heton gatishmërinë e Ushtrisë Serbe në Rashkë. Po planifikojm që të marrin veriun e Kosovës me forcë në dhjetë ditët e ardhshme dhe më së voni deri më dt. 25. Kanë marrë ‘dritën e gjelbër’ nga SHBA dhe NATO të për të marrë kontrollin e veriut të Kosovës dhe se operacioni do të ndodh, në mënyrë që të mos krijohet shumë zhurmë në mediat botërore”, thuhet në lajm.
Kufijtë e Kosovës kontrollohen nga institucionet e Kosovës. Policia e Kosovës është e vendosur në gjitha pikat kufitare, duke përfshirë edhe ato në veri. Ndërsa, KFOR-i vazhdon të ketë misionin e njëjtë, ruajtjen e paqes në Kosovë.
Më 2 gusht 2022, koloneli Sefer Isufi, zëdhënës i Ministrisë së Mbrojtjes, në një prononcim për KALLXO.com ka thënë se informacioni është i rremë.
“Ky lajm është plotësisht i pavërtetë. Dhe kërkojmë kujdes nga qytetarët që të mos bien pre e dezinformatave dhe lajmeve të pakonfirmuara”, ka thënë Isufi.
Ai ka thënë se FSK-ja është në proces të zhvillimit dhe kjo është duke u bërë në bashkëpunim dhe koordinim më partnerët ndërkombëtarë.
“Ministria e Mbrojtjes dhe Forca e Sigurisë së Kosovës çdo veprim e ndërmarrin në bashkëpunim dhe koordinim të plotë me KFOR-in dhe institucionet e tjera të sigurisë së vendit. Jemi në proces të zhvillimit të FSK-së”, ka thënë ai.
Ky artikull është publikuar në kohën kur kishte një krizë në veriun e Kosovës për shkak se ishte planifikuar të hynte në fuqi vendimi i Qeverisë së Kosovës për reciprocitet ndaj Serbisë për çështjen e dokumenteve të udhëtimit.
Ky vendim i Qeverisë ka bërë që të vendosen 9 barrikada në komunat veriore të Kosovës. Njëkohësisht, Policia e Kosovës ka njoftuar se ka pasur sulme me armë zjarri ndaj Policisë, ndërsa janë raportuar të paktën 4 raste kur janë maltretuar qytetarët nga grupet e organizuara dhe të armatosura.
Gjatë kësaj kohe, zyrtarë të Qeverisë së Serbisë kishin dhënë deklarata të pabazuara gjoja se insitucionet e Kosovës kanë përgatitur “një ferr” për qytetarët serbë.
Ministri i Jashtëm i Serbisë, Nikolla Selakoviq, ka thënë se shqiptarët po “përgatisin ferr” në Kosovë, ka raportuar media serbe B92.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)