| schema:text
| - ഓണത്തോടനുബന്ധിച്ച് സംസ്ഥാന സര്ക്കാര് നല്കുന്ന ഓണക്കിറ്റിന്റെ വിതരണം സെപ്റ്റംബര് 9നാണ് ആരംഭിച്ചത്. ആറ് ലക്ഷത്തോളം വരുന്ന എഎവൈ(മഞ്ഞ) കാര്ഡ് ഉടമകള്ക്കും ക്ഷേമസ്ഥാപനങ്ങളിലെ അന്തേവാസികളായ എന്പിഐ കാര്ഡ് ഉടമകള്ക്കും വയനാട് ദുരന്ത ബാധിത മേഖലയിലെ എല്ലാ കര്ഡുടമകള്ക്കുമാണ് ഇത്തവണ ഓണക്കിറ്റ് നല്കുന്നത്. അതിനിടെ ഓണക്കിറ്റില് വിതരണം ചെയ്ത ശര്ക്കരയില് മാലിന്യമുണ്ടെന്ന രീതിയില് ഒരു വീഡിയോ സമൂഹമാധ്യമങ്ങളില് പ്രചരിക്കുന്നുണ്ട്. ശര്ക്കര പൊട്ടിക്കുന്ന വീഡിയോയില് തുണിയുടെ അവശിഷ്ടം കാണുമ്പോള് അടിവസ്ത്രമാണെന്ന് പറയുന്നത് കേള്ക്കാം.
"ഇപ്രാവശ്യത്തെ PV സര്ക്കാര് ഓണകിറ്റില് ശര്ക്കരയോടൊപ്പം ഒരു ഷഡ്ഡി കൂടെ തികച്ചും ഫ്രീ" എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം.
എന്നാല്, വൈറല് വീഡിയോ 2020 മുതല് പ്രചരിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ഇത്തവണത്തെ ഓണക്കിറ്റില് ശര്ക്കര വിതരണം ചെയ്യുന്നില്ല.
പോസ്റ്റിന്റെ ആര്ക്കൈവ് ചെയ്ത ലിങ്ക്
അന്വേഷണം
വൈറല് പോസ്റ്റുകളില് ചിലതില് ഓണക്കിറ്റില് വിതരണം ചെയ്യുന്ന സാധനങ്ങളില് ശര്ക്കരയില്ലെന്നും വീഡിയോ വ്യാജമാണെന്നും കമെന്റ് ചെയ്തിരിക്കുന്നത് ശ്രദ്ധയില്പ്പെട്ടു. തുടര്ന്ന് ഞങ്ങള് ഓണക്കിറ്റ് വിതരണം സംബന്ധിച്ച റിപ്പോര്ട്ടുകള് പരിശോധിച്ചപ്പോള് ഇത്തവണത്തെ ഓണക്കിറ്റ് വിഭവങ്ങളില് ശര്ക്കരയില്ല എന്ന കാര്യം വ്യക്തമായി. ചെറുപയര് പരിപ്പ്, സേമിയ പായസം മിക്സ്, മില്മ നെയ്യ്, കശുവണ്ടിപ്പരിപ്പ്, വെളിച്ചെണ്ണ, സാമ്പാര്പൊടി, മുളക്പൊടി, മഞ്ഞള്പൊടി, മല്ലിപ്പൊടി, തേയില, ചെറുപയര്, തുവരപ്പരിപ്പ്, പൊടിയുപ്പ് എന്നീ ആവശ്യസാധനങ്ങളും തുണിസഞ്ചിയും ഉള്പ്പെടെ 14 ഇനങ്ങള് ഉള്പ്പെട്ടതാണ് ഇത്തവണത്തെ ഓണക്കിറ്റ്.
സിവില് സപ്ലൈസിന്റെ ഔദ്യോഗിക ഫേസ്ബുക്ക് പേജില് ഈ വര്ഷത്തെ ഓണക്കിറ്റ് വിതരണം സംബന്ധിച്ച് നല്കിയ പോസ്റ്റില് വിഭവങ്ങളുടെ വിശദവിവരങ്ങളുണ്ട്. പോസ്റ്റന്റെ സ്ക്രീന്ഷോട്ട് ചുവടെ കാണാം.
2024ലെ ഓണക്കിറ്റില് ശര്ക്കര വിതരണം ചെയ്യുന്നില്ലെന്ന വിവരം വ്യക്തമായെങ്കിലും വൈറല് വീഡിയോയെപ്പറ്റിയും ഞങ്ങള് അന്വേഷിച്ചു. വീഡിയോയില് കാണുന്ന വാട്ടര്മാര്ക്കുകളുടെ സഹായത്തോടെ പരിശോധിച്ചപ്പോള് ഈ വീഡിയോ 2020 മുതല് പ്രചാരത്തിലുള്ളതാണെന്ന് വ്യക്തമായി.
ശര്ക്കരയില് നിന്ന് അടിവസ്ത്രം ലഭിച്ചുവെന്ന രീതിയിലാണ് ഈ വീഡിയോ അന്ന് പ്രചരിച്ചത്. ഇതുസംബന്ധിച്ച് മാധ്യമ റിപ്പോര്ട്ടുകളുണ്ടോയെന്നും ഞങ്ങള് പരിശോധിച്ചു. ഓണക്കിറ്റിലെ ശര്ക്കരയില് നിന്ന് പാറ്റയുടെയും തവളയുടെയും അവശിഷ്ടങ്ങളും ബീഡിക്കുറ്റിയും ലഭിച്ചതായി വാര്ത്തകള് ലഭിച്ചു. ഇവയെല്ലാം ലഭിച്ച വ്യക്തികളുടെ പേരും അവ വിതരണം ചെയ്ത റേഷന്കടകളുടെ പേരും റിപ്പോര്ട്ടില് നല്കിയിട്ടുണ്ട്. എന്നാല് അടിവസ്ത്രം ലഭിച്ചതായി സ്ഥിരീകരിക്കാവുന്ന റിപ്പോര്ട്ടുകളൊന്നും ലഭ്യമായതുമില്ല.
2020ല് ഈ വീഡിയോ പങ്കുവച്ച ഒരു ഫേസ്ബുക്ക് യൂസറുമായി ഞങ്ങള് സംസാരിച്ചു. പഴയ വീഡിയോയാണെന്നും വാട്സ്ആപ്പില് ഫോര്വേഡ് ചെയ്ത് ലഭിച്ചതാണെന്നും അദ്ദേഹം വ്യക്തമാക്കി. 2020ല് വിതരണം ചെയ്ത ശര്ക്കരയുടെ ഗുണനിലവാരത്തെപ്പറ്റി പരാതി ഉയര്ന്നതോടെ പിന്നീട് ഓണക്കിറ്റില് നിന്ന് ശര്ക്കര ഒഴിവാക്കുകയായിരുന്നു. അതേസമയം, വീഡിയോയുടെ യഥാര്ഥ ഉറവിടം ലഭ്യമായില്ല. എന്നിരുന്നാലും ഇത് പഴയ വീഡിയോയാണെന്ന് ഉറപ്പിക്കാനായി. വൈറല് വീഡിയോ വ്യാജമാണെന്ന് കേരള പിആര്ഡിയുടെ ഫാക്ട് ചെക്ക് വിഭാഗവും സ്ഥിരീകരിച്ചിട്ടുണ്ട്.
ലഭ്യമായ വിവരങ്ങളില് നിന്ന് ഇത്തവണത്തെ ഓണക്കിറ്റില് വിതരണം ചെയ്ത ശര്ക്കരയില് അടിവസ്ത്രത്തിന്റെ അവശിഷ്ടം ലഭിച്ചുവെന്ന പ്രചാരണം തെറ്റിദ്ധരിപ്പിക്കുന്നതാണെന്ന് വ്യക്തമായി.
ഇത്തവണ വിതരണം ചെയ്ത ഓണക്കിറ്റിലെ ശര്ക്കരയില് അടിവസ്ത്രത്തിന്റെ അവശിഷ്ടം.
വൈറല് വീഡിയോ 2020 മുതല് പ്രചാരത്തിലുള്ളതാണ്. ഇത്തവണത്തെ ഓണക്കിറ്റില് ശര്ക്കര ഉള്പ്പെടുത്തിയിട്ടില്ല.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)