| schema:text
| - Rrena e Kadri Veselit për Mitrovicën
Deklarata
Kadri Veseli: Jemi të gjithë për Mitrovicën. Mitrovica është e Kosovës dhe Mitrovica është një
Vlerësimi
Rrenë
Mitrovica nuk është një. Mitrovica është ndarë në dy komuna, Mitrovicën Jugore dhe atë Veriore. Ndarja në dy komuna është bërë bazuar në Pakon e përgatitur nga Martti Ahtisari, ndërsa është jetësuar gjatë kohës sa kryeministër ka qenë ish-kryetari i PDK-së, Hashim Thaçi. Për të zhbërë këtë, kryetari i Mitrovicës Jugore e ka iniciuar një peticion për bashkimin e Mitrovicës në vetëm një komunë.
Artikulli
Kryeparlamentari Kadri Veseli gjatë ditës së djeshme ka bërë hapjen e fushatës së PDK-së në Komunat Veriore të Kosovës. Në këto komuna do të zhvillohen zgjedhjet e jashtëzakonshme për kryetar të komunave, pas dorëheqjeve të kryetarëve serb.
Komunikata e Partisë Demokratike të Kosovës nisë duke treguar se Gonxhe Çaushi është “kandidate për kryetare të Mitrovicës së Veriut”.
Përkundër kësaj, Veseli ka thënë se ka vetëm një Mitrovicë.
“Jemi të gjithë për Mitrovicën. Mitrovica është e Kosovës dhe Mitrovica është një. Ajo për çfarë duhet të gjithë të angazhohemi është me arrit një prosperitet më të mirë, komunikim më të mirë, për faktin se sa më mirë të jetojnë qytetarët në Mitrovicë, Zveçan, Zubin Potok, Leposaviq dhe gjithandej, aq më mirë do t’i ketë punët edhe shteti ynë i pavarur dhe sovran. Shqiptarët duhet me qenë sa më të bashkuar dhe sa më unikë, me përdorë edhe këtë mundësi të cilën e ka krijuar fushata zgjedhore dhe jo me u nda mes vete”, tha Veseli.
Ai e ka dhënë edhe një premtim. Veseli ka thënë se do të vazhdojë iniciativa e nisur më herët e që kishte mbetur në gjysmë, për rindërtimin e gjitha shtëpive të djegura gjatë luftës në veri, për tu mundësuar qytetarëve kthimin në pronat e tyre.
Mirëpo që nga viti 2007, përkatësisht që nga përfundimi i negociatave të Vjenës, propozimi gjithëpërfshirës I përgatitur nga Martti Ahtisari parasheh ndarjen e Mitrovicës në dy komuna, në Mitrovicë të Veriut dhe Mitrovicë të Jugut. Kjo ndarje është jetësuar gjatë kohës sa në pushtet ka qenë Hashim Thaci, ish kryetar i PDK-së.
“Në pajtim me Aneksin III të Propozimit Gjithëpërfshirës për Zgjidhjen e Statusit të Kosovës, i përgatitur nga i Dërguari i Posaçëm i Organizatës së Kombeve të Bashkuara Martti Ahtisaari, dy komunat e reja të Mitrovicës Veriore dhe Mitrovicës Jugore duhet ta zëvendësojnë komunën aktuale të vetme të Mitrovicës”, thuhet në propozim.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)