| schema:text
| - Rrena se ish-kryeministri Hoti e ka falënderuar Vuçiq për lirimin e tre policëve
Deklarata
Edhe ky servili më i nënshtruar ndaj Isa Mustafës e ka falenderuar Vuçiçin për lirimin e policëve të kindapuar nga Albin Kurti!
Vlerësimi
Rrenë
Pretendimi se deputeti Avdullah Hoti nga Lidhja Demokratike e Kosovës, ka falënderuar presidentin serb Aleksandër Vuçiq për lirimin e tre policëve të kidnapuar me 14 qershor 2023, është i rremë. Në postimin e bërë në Facebook rreth lirimit të tre policëve, ish-kryeministri Hoti i ka falenderuar ndërkombëtaret dhe Shqipërinë për angazhimin e tyre për lirimin e tre policëve.
Artikulli
Më 26 qershor 2023, faqja e facebook-ut “Maqedonia Shqiptare”, ka publikuar një postim me përshkrim “Edhe ky servili më i nënshtruar ndaj Isa Mustafës e ka falenderuar Vuçiçin për lirimin e policëve të kindapuar nga Albin Kurti!”.
I njëjti informacion është shpërndarë edhe në faqen “Televizioni SuperSky” dhe në grupin “Thënie të mençura”.
Deputeti Avdullah Hoti në postimin e bërë në profilin e tij në Facebook rreth lirimit të tre policëve të Policisë së Kosovës nuk e ka falenderuar Serbinë për lirimin e tyre, si pretendohet në këtë postim.
Ish-kryeministri Hoti i ka falënderuar ndërkombëtarët dhe Shqipërinë për lirimin e tre policëve kufitarë të kidnapuar më 14 qershor 2023 .
“Falënderojmë miqtë ndërkombëtarë për përkushtimin për lirimin e tyre. Republika e Kosovës është mbështetur gjithmonë tek miqtë. Falënderim i veçantë për Shqipërinë për angazhimin e fuqishëm dhe koordinimin me aleatët e Kosovës për lirimin e policëve”- ka shkruar deputeti i LDK-së.
KALLXO.com ka kontaktuar me ish-kryeministrin Avdullah Hoti rreth pretendimeve se i ka falenderuar Serbinë dhe Aleksandër Vuçiqin. Hoti ka thënë se nuk e ka falënderuar Serbinë për lirimin e policëve.
“Këto janë informata të rreme”- ka thënë shkurt Hoti.
Ish-kryeministri, ditë më parë pati thënë se janë bërë katër muaj që kur policët nuk marrin shtesat për rrezikshmërinë në punë.
Sipas Hotit, kjo “tregon mungesën e vullnetit dhe papërgjegjësisë ndaj policëve që dërgohen çdo ditë në veri”.
“Ky është muaji i katërt që policët nuk i marrin shtesat e rrezikshmërisë në punë. Vonesa për një muaj do të ishte e kuptueshme, pasi duhet futur të dhënat në sistemin e Thesarit në Ministrinë e Financave. Por të mos paguhen për katër muaj tregon mungesën e vullnetit dhe papërgjegjësinë ndaj policëve që dërgohen çdo ditë në veri, si dhe ndaj familjeve të tyre që çdo ditë janë të shqetësuar kur i përcjellin për punë”- ka shkruar Hoti në Facebook.
Arrestimet
Policia e Kosovës më 14 qershor 2023 kishte thënë se tre zyrtarë policorë kufitarë patrullues janë kidnapuar nga autoritetet serbe. E Serbia kishte thënë se policët janë arrestuar në territorin e Serbisë. KFOR-i përmes një njoftimi për media ka thënë se mbetet e paqartë vendnodhja se ku gjendeshin policët e Kosovës kur janë ndaluar nga policia e Serbisë.
Policia e Kosovës (PK), kanë thënë se njësia policore patrulluese e kufirit ka qenë me detyrë në pikë statike në vendin e quajtur Tresave/Bare, thellë brenda në territorin e Republikës së Kosovës, për të parandaluar shfrytëzimin e rrugëve ilegale nga grupet kriminale për kalim ilegal dhe kontrabandë.
Ndërkaq, kryeministri i Kosovës, Albin Kurti ka thënë se dyshojnë që zyrtarët e Policisë së Kosovës janë rrëmbyer si hakmarrje e Serbisë për arrestimin e Millun Millenkoviq – Lune.
Tre policëve të Kosovës iu shqiptua masa e paraburgimit nga Gjykatën e Lartë në Kralevë pas kërkesës së prokurorit publik. E njëjta gjykatë ka vendosur që ndaj tre policëve të ndërpritet paraburgimit dhe të njëjtit të vazhdojnë të mbrohen në liri.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)