| schema:text
| - Fact Check: ശ്രീ രാംചരിത് മാനസ് ഇന്ത്യയുടെ ‘ദേശീയ പുസ്തക’മായി പ്രഖ്യാപിച്ചിട്ടില്ല, വ്യാജ അവകാശവാദം വൈറലാകുന്നു
വിശ്വാസ് ന്യൂസ് അന്വേഷണത്തിൽ വൈറലായ അവകാശവാദം തെറ്റാണെന്ന് കണ്ടെത്തി. ഇത് സംബന്ധിച്ച് കേന്ദ്രസർക്കാർ ഔദ്യോഗിക പ്രഖ്യാപനം നടത്തിയിട്ടില്ല. 2024 ലോക്സഭാ തെരഞ്ഞെടുപ്പിന് മുമ്പ് ബിഹാറിലെ തുളസി പീതാധീശ്വർ രാമഭദ്രാചാര്യ ബിജെപി സർക്കാർ അധികാരത്തിൽ വരുമ്പോൾ ‘ശ്രീ രാംചരിത മാനസ്’ ‘ദേശീയ പുസ്തകം’ ആക്കുമെന്ന് അവകാശപ്പെട്ടിരുന്നു.
- By: Sharad Prakash Asthana
- Published: Nov 25, 2024 at 06:01 PM
ന്യൂഡൽഹി (വിശ്വാസ് ന്യൂസ്) : ‘ശ്രീ രാംചരിത മാനസ്’ ‘ദേശീയ പുസ്തക’മായി പ്രഖ്യാപിക്കുമെന്നും അതിനെ അപലപിക്കുന്നവർക്കെതിരെ രാജ്യദ്രോഹത്തിന് കേസെടുക്കുമെന്നുമുള്ള ഒരു പോസ്റ്റ് സോഷ്യൽ മീഡിയയിൽ വൈറലാകുകയാണ്. ഉപയോക്താക്കൾ ഈ പോസ്റ്റ് ഷെയർ ചെയ്യുന്ന രീതി കേന്ദ്രസർക്കാരാണ് ഈ പ്രഖ്യാപനം നടത്തിയതെന്ന് തോനിക്കുന്ന വിധമാണ്.
വിശ്വാസ് ന്യൂസ് അന്വേഷണത്തിൽ വൈറലായ അവകാശവാദം തെറ്റാണെന്ന് കണ്ടെത്തി. ഇത് സംബന്ധിച്ച് കേന്ദ്രസർക്കാർ ഔദ്യോഗിക പ്രഖ്യാപനം നടത്തിയിട്ടില്ല. 2024 ലോക്സഭാ തെരഞ്ഞെടുപ്പിന് മുമ്പ് ബിഹാറിലെ തുളസി പീതാധീശ്വർ രാമഭദ്രാചാര്യ ബിജെപി സർക്കാർ അധികാരത്തിൽ വരുമ്പോൾ ‘ശ്രീ രാംചരിത മാനസ്’ ‘ദേശീയ പുസ്തകം’ ആക്കുമെന്ന് അവകാശപ്പെട്ടിരുന്നു.
എന്താണ് വൈറൽ പോസ്റ്റിൽ ഉള്ളത്?
2024 നവംബർ 9-ന് ഫേസ്ബുക്ക് ഉപയോക്താവ് ഭൂപേന്ദ്ര സിംഗ് എന്ന അടിക്കുറിപ്പോടെ പോസ്റ്റ് (ആർക്കൈവ് ലിങ്ക്) പങ്കിട്ടു.
“ബ്രേക്കിംഗ് ന്യൂസ്, ശ്രീ രാംചരിത മാനസ് ദേശീയ പുസ്തകമാകും, അതിനെ വിമർശിക്കുന്നവർക്കെതിരെ രാജ്യദ്രോഹക്കുറ്റം ചുമത്തും, സീതാ റാം വിജയിക്കട്ടെ “
അന്വേഷണം:
വൈറൽ ക്ലെയിം സ്ഥിരീകരിക്കുന്നതിന്, പ്രസക്തമായ കീവേഡുകൾ ഉപയോഗിച്ച് ഞങ്ങൾ ഗൂഗിൾ സെർച്ച് നടത്തിയെങ്കിലും അത് സ്ഥിരീകരിക്കുന്ന മാധ്യമ റിപ്പോർട്ടുകളൊന്നും കണ്ടെത്തിയില്ല. കേന്ദ്രസർക്കാർ ഇത്തരമൊരു ഔദ്യോഗിക പ്രഖ്യാപനം നടത്തിയിരുന്നെങ്കിൽ അത് മാധ്യമങ്ങളിൽ വാർത്തയാകുമായിരുന്നു.
എന്നിരുന്നാലും, 2023 നവംബർ 4-ന് ദൈനിക് ജാഗരൻ്റെ വെബ്സൈറ്റിൽ പ്രസിദ്ധീകരിച്ച ഒരു റിപ്പോർട്ടിലേക്കാണ് ഞങ്ങളുടെ അന്വേഷണം ഞങ്ങളെ നയിച്ചത്. ബീഹാറിലെ വെസ്റ്റ് ചമ്പാരനിൽ സംഘടിപ്പിച്ച രാംകഥയിൽ തുളസി പീതാധീശ്വർ ജഗദ്ഗുരു രാമഭദ്രാചാര്യ ‘ശ്രീരാമചരിത മാനസ്’ ദേശീയ പുസ്തകമാകുമെന്ന് അവകാശപ്പെട്ടിരുന്നു. ‘.
2023 മാർച്ച് 24 ന് എബിപി ലൈവിൻ്റെ വെബ്സൈറ്റിൽ പ്രസിദ്ധീകരിച്ച വാർത്ത അനുസരിച്ച്, ബാബറി മസ്ജിദ് കേസിലെ വ്യവഹാരക്കാരനായ ഇഖ്ബാൽ അൻസാരി ‘ശ്രീ രാംചരിത മാനസ്’ ‘ദേശീയ പുസ്തകം’ ആയി പ്രഖ്യാപിക്കണമെന്ന് ആവശ്യപ്പെട്ടിരുന്നു. ഏതെങ്കിലും മതത്തിൻറെ വിശുദ്ധ ഗ്രന്ഥത്തെ അവഹേളിക്കുന്നവരെ ശിക്ഷിക്കുന്നതിനെക്കുറിച്ചും അദ്ദേഹം സംസാരിച്ചു.
അതുപോലെ ധീരേന്ദ്ര ശാസ്ത്രിയും സമാനമായ ആവശ്യം ഉന്നയിച്ചിട്ടുണ്ട്. ഈ റിപ്പോർട്ട് TV9-ൻ്റെ വെബ്സൈറ്റിൽ വായിക്കാം.
ഞങ്ങളുടെ അന്വേഷണത്തിൽ, ‘ശ്രീ രാംചരിത് മാനസ്’ ദേശീയ പുസ്തകമായി പ്രഖ്യാപിക്കണമെന്ന് ആവശ്യപ്പെടുന്ന റിപ്പോർട്ടുകൾ ഞങ്ങൾ കണ്ടെത്തി, എന്നാൽ കേന്ദ്ര സർക്കാർ ഇത് സംബന്ധിച്ച് ഔദ്യോഗിക പ്രഖ്യാപനം നടത്തിയതായി ഞങ്ങൾ കണ്ടെത്തിയില്ല..
ഈ അവകാശവാദം നേരത്തെയും വൈറലായിരുന്നു, ആ സമയത്ത് വിശ്വാസ് ന്യൂസ് ബിജെപിയുടെ ദേശീയ വക്താവ് വിജയ് സോങ്കർ ശാസ്ത്രിയെ സമീപിച്ചു, ബിജെപി അങ്ങനെയൊരു പ്രഖ്യാപനമോ പദ്ധതിയോ നടത്തിയിട്ടില്ലെന്ന് അദ്ദേഹം വ്യക്തമാക്കി. വൈറലായ അവകാശവാദം തെറ്റാണെന്ന് അദ്ദേഹം പറഞ്ഞു.
അവസാനമായി, തെറ്റായ അവകാശവാദം ഉന്നയിച്ച ഉപയോക്താവിൻ്റെ ഫേസ്ബുക്ക് പ്രൊഫൈൽ ഞങ്ങൾ സ്കാൻ ചെയ്തു. ഉപയോക്താവ് ഒരു പ്രത്യേക പ്രത്യയശാസ്ത്രത്താൽ സ്വാധീനിക്കപ്പെട്ടതായി തോന്നുന്നു, കൂടാതെ അയാൾക്ക് 5000-ലധികം അനുയായികളുമുണ്ട്.
നിഗമനം: ശ്രീ രാംചരിത മനസ് ദേശീയ പുസ്തകമായി പ്രഖ്യാപിക്കുന്നത് സംബന്ധിച്ച് കേന്ദ്ര സർക്കാരിൽ നിന്ന് ഔദ്യോഗിക പ്രഖ്യാപനം ഉണ്ടായിട്ടില്ല. ജഗദ്ഗുരു രാമഭദ്രാചാര്യ, ധീരേന്ദ്ര ശാസ്ത്രി, ഇഖ്ബാൽ അൻസാരി എന്നിവർ ഇത് ‘ദേശീയ പുസ്തക’മായി പ്രഖ്യാപിക്കണമെന്ന് ആവശ്യപ്പെട്ടിട്ടുണ്ട്.
- Claim Review : ശ്രീ രാംചരിത് മാനസ് ഇന്ത്യയുടെ
- Claimed By : ഫേസ്ബുക്ക് ഉപയോക്താവ് ഭൂപേന്ദ്ര സിംഗ്
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)