About: http://data.cimple.eu/claim-review/2ce7aeac1c64b68ee8c7332f52e14dacfee2952e5ad53b1b39c3fce1     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കോവിഡ് വാക്സിനേഷനുമായി ബന്ധപ്പെട്ട് നിരവധി സന്ദേശങ്ങളാണ് സമൂഹമാധ്യമങ്ങളില് പ്രചാരത്തിലുള്ളത്. കോവിഡ് ഭീതി ഒഴിഞ്ഞ ശേഷം ഇത്തരം പ്രചാരണങ്ങളില് കുറവ് വന്നിരുന്നു. എന്നാലിപ്പോള് കോവിഡ് വാക്സിനേഷന് എടുത്തവര് മരണപ്പെടുന്നുവെന്ന രീതിയില് ഭീതി ജനിപ്പിക്കുന്ന പോസ്റ്റുകള് പ്രചാരത്തിലുണ്ട്. കോവഡ് വാക്സിനെടുത്തവരില് ഹൃദയാഘാത നിരക്ക് കൂടുതലാണെന്നും രക്തം കട്ട പിടിച്ചിട്ടുണ്ടോ എന്നറിയാന് ഡി-ഡൈമര് ടെസ്റ്റ് നടത്താന് നിര്ദ്ദേശിച്ചുകൊണ്ടും എറണാകുളത്തെ പാതാളം ഇഎസ്ഐ ആശുപത്രിയുടെ പേരില് ഒരു പോസ്റ്റ് പ്രചാരത്തിലുണ്ട്. ' എറണാകുളം പാതാളം ESI ഹോസ്പിറ്റലില് പതിച്ചിരിക്കുന്ന നോട്ടീസ് ആണത്രേ എന്തര് പറയാന് ?? ഇത് സത്യമോ? സത്യമാണെങ്കില്.... വാക്സിന് എടുക്കാത്തവര് ഭാഗ്യവാന്മാര്' എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. ഇത്തരമൊരു അറിയിപ്പ് പാതാളം ഇഎസ്ഐ ആശുപത്രി നല്കിയിട്ടില്ല. AFWA അന്വേഷണം കോവിഡ് വാക്സിനേഷന് സംബന്ധിച്ച് ഇത്തരമൊരു അറിയിപ്പ് കളമശേരി ഇഎസ്ഐ ആശുപത്രി നല്കിയിട്ടുണ്ടോ എന്ന വിവരമാണ് ഞങ്ങള് ആദ്യം പരിശോധിച്ചത്. ഇതേപ്പറ്റി തിരഞ്ഞപ്പോള് കേരള കൗമുദി മാര്ച്ച് 16ന് പ്രസിദ്ധീകരിച്ച വാര്ത്തയുടെ കട്ടിംഗ് നിരവധിപ്പേര് പങ്കുവച്ചിരിക്കുന്നതായി കണ്ടെത്തി. ഇതില് പറയുന്നത് ഇഎസ്ഐ ആശുപത്രിയില് ഇത്തരമൊരു നിര്ദ്ദേശം നല്കിയിട്ടില്ലെന്ന വിവരമാണ്. ആശുപത്രി അധികൃതര് ഏലൂര് പൊലീസ് സ്റ്റേഷനില് പരാതി നല്കിയതായും വാര്ത്തയില് പറയുന്നുണ്ട്. വാര്ത്താ കട്ടിംഗ് താഴെ കാണാം. വിശദീകരണത്തിനായി ഞങ്ങള് പാതാളം ഇഎസ്ഐ ആശുപത്രിയില് ബന്ധപ്പെട്ടു. കോവിഡ് വാക്സിനേഷന് മൂലം അപ്രതീക്ഷിതമായി ഹൃദയാഘാതമുണ്ടാകുന്നുവെന്ന രീതിയിലുള്ള അറിയിപ്പ് പാതാളം ആശുപത്രിയില് നിന്ന് നല്കിയിട്ടില്ലെന്ന് ആശുപത്രി അധികൃതര് വ്യക്തമാക്കി. ഇതുസംബന്ധിച്ച് മെഡിക്കല് സൂപ്രണ്ട് നല്കിയ വാര്ത്താ കുറിപ്പും ഞങ്ങള്ക്ക് ലഭ്യമായി. ഇത് താഴെ കാണാം. ഡി-ഡൈമര് ടെസ്റ്റുമായി ബന്ധപ്പെട്ട് 2020 മുതല് തന്നെ സമൂഹമാധ്യമങ്ങളില് പ്രചാരണം നടക്കുന്നതായി കണ്ടെത്താനായി. ഈ ടെസ്റ്റിനെപ്പറ്റിയാണ് പിന്നീട് ഞങ്ങള് തിരഞ്ഞത്. എന്താണ് ഡി-ഡൈമര് ടെസ്റ്റ് രക്തത്തിലുള്ള ഒരു പ്രൊട്ടീനാണ് ഡി-ഡൈമര്. രക്തം കട്ടപിടിക്കുമ്പോള് രൂപപ്പെടുന്ന ഫൈബ്രിന് ഡീഗ്രഡേഷന് പ്രൊഡക്ടുകളില്(FDP) ഒന്നാണിത്. സാധാരണ ടെസ്റ്റുകളില് ഇത് കണ്ടുപിടിക്കാനാകില്ല. ഡി-ഡൈമര് ടെസ്റ്റ് വഴി ഇതിന്റെ അളവ് കണ്ടുപിടിക്കാന് സാധിക്കും. ഇതുവഴി രോഗിക്ക് ഏത് തരം ചികിത്സ നല്കണമെന്ന് മനിസിലാക്കാന് സാധിക്കും. ഹൃദയാഘാതം ഉള്പ്പെടെ വിവധ രോഗലക്ഷണങ്ങള് ഉള്ളവര്ക്ക് ഈ ടെസ്റ്റ് നടത്താറുണ്ട്. ഡി-ഡൈമര് ടെസ്റ്റ് സംബന്ധിച്ച് കൂടുതല് വിവരം ഇവിടെ വായിക്കാം. കോവിഡും ഡി-ഡൈമറും തമ്മിലുള്ള ബന്ധമാണ് പിന്നീട് ഞങ്ങള് അന്വേഷിച്ചത്. ഇതിനായി തിരുവനന്തപുരം മെഡിക്കല് കോളെജിലെ ഇന്ഫെക്ഷ്യസ് ഡിസീസ് ഡിപ്പാര്ട്ട്മെന്റ് തലവനും കോവിഡ്-19 സംസ്ഥാന നോഡല് ഓഫിസറുമായ ഡോ. ആര്.അരവിന്ദുമായി ഞങ്ങള് സംസാരിച്ചു. അദ്ദേഹം നല്കിയ വിവരം അനുസരിച്ച് ഡി-ഡൈമറിനെക്കുറിച്ച് പ്രചരിക്കുന്നത് തെറ്റായ വിവരമാണ്. ' ഡി-ഡൈമര് രക്തം കട്ടപിടിക്കുന്നത് മനസിലാക്കാന് സാധിക്കുന്ന ടെസ്റ്റാണ്. എന്നിലിത് എല്ലാ രോഗികള്ക്കും നിര്ദ്ദേശിക്കാനാവില്ല. രോഗിയുടെ അപകടസാധ്യതാ ഘടകങ്ങള് നിര്ണ്ണയിച്ചതിനുശേഷം മാത്രമേ അത്തരം പരിശോധനകള് നിര്ദ്ദേശിക്കപ്പെടുകയുള്ളൂ. കോവിഡ് 19 വന്ന രേഗികള്ക്കെല്ലാം ഈ ടെസ്റ്റ് നിര്ദ്ദേശിക്കേണ്ട ആവശ്യമില്ല. മാത്രവുമല്ല പ്രചരിക്കുന്നതുപോലെ കൊവിഡ് വാക്സിനെടുത്തവരില് ഹൃദയാഘാത നിരക്ക് വര്ദ്ധിച്ചതായി പറയാനാവില്ല. ഹൃദയാഘാതത്തിന് പല കാരണങ്ങളുണ്ട്. കോവിഡിന് മുമ്പുള്ള കാലഘട്ടവുമായി താരതമ്യപ്പെടുത്തുമ്പോള് കാര്യമായ വ്യത്യാസം ഉണ്ടെന്ന് തോന്നുന്നില്ല. ഇതുമായി ബന്ധപ്പെട്ട് നിരവധി പഠനങ്ങള് നടന്നിട്ടുണ്ട്. അവയില് ഇത്തരമൊരു ശാസ്ത്രീയ തെളിവ് അടിവരയിട്ട് പറയുന്നില്ല. കേവിഡിനു ശേഷം അപകടകരമായ രീതിയില് ഹൃദയാഘാത നിരക്ക് വര്ധനയുണ്ടെന്ന് കരുതുന്നില്ല, ' ഡോ. അരവിന്ദ് പറഞ്ഞു. കോവിഡിന് ശേഷമുള്ള ഹൃദയാഘാത നിരക്കും മുന്പുള്ളതും തമ്മിലുള്ള പഠനവും ഞങ്ങള് പരിശോധിച്ചു. എന്നാല് കോവിഡിന് ശേഷം ഹൃദയാഘാത നിരക്ക് കൂടി എന്നതിന് യാതൊരു ശാസ്ത്രീയ അടിത്തറയുമില്ലെന്ന റിപ്പോര്ട്ടുകള് ലഭ്യമായി. കായിക താരം മത്സരത്തിനിടെ ഹൃദയാഘാതം വന്നു മരണപ്പെട്ടതുമായി ബന്ധപ്പെട്ട് 2021 മുതല് പ്രചാരണങ്ങള് സജീവമായിരുന്നു. റോയിട്ടേഴ്സ് നല്കിയ റിപ്പോര്ട്ടില് ഇതേപ്പറ്റി വിശദമായി പ്രതിപാദിക്കുന്നുണ്ട്. യുഎസ് സെന്റര് ഫോര് ഡിസീസ് കണ്ട്രോള് ആന്ഡ് പ്രിവന്ഷന് (സിഡിസി), ബ്രിട്ടനിലെ മെഡിസിന്സ് ആന്ഡ് ഹെല്ത്ത് കെയര് പ്രൊഡക്ട്സ് റെഗുലേറ്ററി ഏജന്സി (എംഎച്ച്ആര്എ) എന്നിവയില് നിന്നുള്ള പ്രതികരണങ്ങളും വിവിധ പഠന റിപ്പോര്ട്ടുകളും ഉള്പ്പെടുത്തിയാണ് വാര്ത്ത നല്കിയിട്ടുള്ളത്. അമേരിക്കന് ഫുട്ബോള് താരം ഡാമര് ഹാംലിനുണ്ടായ ഹൃദയാഘാതം, കോവിഡ് വാക്സിനേഷനുമായി ബന്ധപ്പെടുത്തി പ്രചരിച്ചിരുന്നു. 24കാരനായ ഹാംലിന് കോവിഡ് വാക്സിന് എടുത്തതിനാലാണ് ഹൃദയാഘാതത്തിന് കാരണമെന്നായിരുന്നു പ്രചാരണം. എന്നാല് ഇത് യാതൊരു അടിസ്ഥാനവുമില്ലാത്ത വിവരമാണെന്ന് ആരോഗ്യവിദഗ്ധര് പറഞ്ഞതായി യുഎസ്എ ടുഡേയും റിപ്പോര്ട്ട് ചെയ്യുന്നുണ്ട്. വിവിധ ഗവേഷണ പഠനങ്ങള് ഉദ്ധരിച്ചാണ് ഈ റിപ്പോര്ട്ടും പ്രസിദ്ധീകരിച്ചിട്ടുള്ളത്. അതായത് കോവിഡ് വാക്സിന് എടുത്തവരില് ഹൃദയസ്തംഭന നിരക്ക് കൂടുന്നു എന്ന പ്രചാരണത്തിന് ശാസ്ത്രീയ അടിത്തറയില്ല. ഹൃദയ സ്തംഭനത്തിന് നിരവധി കാരണങ്ങളുണ്ട്. എന്നാല് ഇവ വാക്സിന് എടുത്തതു കൊണ്ട് മാത്രം ഉണ്ടായി എന്ന് പറയാനുമാകില്ല എന്നതാണ് വാസ്തവം. ലഭ്യമായ വിവരങ്ങളില് നിന്ന് ഡി-ഡൈമര് ടെസ്റ്റ് സംബന്ധിച്ച് പാതാളം ഇഎസ്ഐ ആശുപത്രിയുടെ നിര്ദ്ദേശം എന്ന രീതിയില് പ്രചാരത്തിലുള്ളത് തെറ്റിദ്ധരിപ്പിക്കുന്ന വിവരമാണെന്ന് വ്യക്തം. കോവിഡ് വാക്സിന് എടുത്തിട്ടുള്ളവര് ഡി-ഡൈമര് ടെസ്റ്റ് എടുക്കണമെന്ന് കളമശേരി ഇഎസ്ഐ ആശുപത്രിയില് നിന്ന് നിര്ദ്ദേശിക്കുന്നു. ഇഎസ്ഐ ആശുപത്രി ഇത്തരമൊരു നിര്ദ്ദേശം നല്കിയിട്ടില്ല. പ്രചാരണം വ്യാജമാണെന്ന് വ്യക്തമാക്കി ആശുപത്രി അധികൃതര് പൊലീസില് പരാതി നല്കി.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software