| schema:text
| - Rrena se Glauk Konjufca nuk është trajtuar në QKUK
Deklarata
Konjufca nuk shkoi në QKUK për trajtim pas lëndimit të këmbës
Vlerësimi
Rrenë
Artikulli i publikuar në Klan Kosova dhe në Gazetën Metro me titull “Konjufca nuk shkoi në QKUK për trajtim pas lëndimit të këmbës” është i rremë. Ortopedi Blerim Qosja, i cili ka qenë mjek kujdestar në ditën kur është lënduar Konjufca, ka thënë se e ka trajtuar Konjufcen në QKUK pasi i njëjti kishte lëndim të gjurit. I njëjti informacion është konfirmuar edhe nga drejtori i Ortopedisë, Gani Jashanica.
Artikulli
Në portalin “Klankosova.tv”, më 6 tetor 2022 është publikuar një artikull me titullin “Konjufca nuk shkoi në QKUK për trajtim pas lëndimit të këmbës”.
Informacionin e njëjtë duke cituar Klan Kosovën e ka publikuar edhe portali Gazeta Metro dhe faqja e internetit “ngjarja.press” me datën 6 tetor 2022.
Në të njëjtën ditë, kjo përmbajtje u shpërnda edhe në faqet e “Facebook-ut”, Gazeta Metro dhe Ngjarja Plus.
Në artikull thuhet se kryeparlamentari Glauk Konjufca nuk ka shkuar për të marrë tretman në Qendrën Klinike Universitare të Kosovës (QKUK) pas lëndimit që kishte pësuar në këmbë.
Në artikull Klan Kosova nuk ka cituar ndonjë deklaratë nga QKUK-ja apo mjekët kujdestar, ndërsa lajmin e ka bazuar në “burime brenda Emergjencës dhe Klinikës së Ortopedisë”.
Ky informacion u demantua nga shefi i kabientit të kryekuvendarit, Ilir Kërçeli përmes një postimi në rrjetin social “Facebook”.
“Kryetari Konjufca është trajtuar në QKUK dhe me këtë rast falenderojmë stafin e mrekullueshëm të doktorëve”- ka shkruar Kërçeli duke bashkangjitur linkun e lajmit të Klan Kosovës me titullin “Konjufca nuk shkoi në QKUK për trajtim pas lëndimit të këmbës”.
KALLXO.com ka biseduar me ortopedin Blerim Qosja, i cili ka qenë mjek kujdestar në ditën kur është lënduar Konjufca.
“Po, është trajtuar në QKUK, në Ortopedi. Unë kam qenë kujdestar dhe e kam trajtu. Gjurin e ka lënduar”- u shpreh Qosja, në një deklarim për KALLXO.com.
Gjithashtu edhe drejtori i Ortopedisë, Gani Jashanica ka bërë të ditur për KALLXO.com se mjeku Blerim Qosja, dhe nga i cili tha se e mori vesh sot [7 tetor].
“Po, Blerim Qosja e kish kontrollu, nuk e ka bë të madhe, sot [7 tetor] fola me të [Blerim Qosajn] më tha që e ka kontrollu dhe i’a ka shkru një raport edhe se ka bë të madhe hiç”- tha Jashanica.
Mimoza Kusari, shefja e grupit parlamentar të Lëvizjes Vetëvendosje ka njoftuar më 7 tetor 2022 se kryetari i Kuvendit të Kosovës, Glauk Konjufca nuk do të jetë në gjendje për ta drejtuar institucionin për shkak të një lëndimi fizik që ka marrë.
“Kryetari i Kuvendit prej sot e 10 ditë tjera nuk do të jetë në Kuvend, në vendin e tij të punës për arsye shëndetësore. Kryetari ka pasë një lëndim fizik mbrëmë dhe për këtë arsye me rekomandimin e mjekut duhet të qëndrojë në shtëpi që të ketë rikuperim të këmbës”– tha ajo.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)