About: http://data.cimple.eu/claim-review/35f5aa0ace2a2e7307d92d61b8f475a4475faf5f8eebd9f9be1b4d33     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഗോവയിലെ അന്താരാഷ്ട്ര ചലച്ചിത്രമേളയില് (IFFI) ജൂറി ചെയര്മാനായിരുന്ന ഇസ്രയേലി ചലച്ചിത്രകാരന് നദാവ് ലാപ്പിഡ് കാശ്മീര് ഫയല്സിനെതിരെ പ്രതികരിച്ചത് വാര്ത്തയായിരുന്നു. ചലച്ചിത്രമേളയുടെ അവസാന ദിവസമായ നവംബര് 28ന് നടന്ന ചടങ്ങിലാണ് സിനിമകളെക്കുറിച്ച് വിശദീകരിക്കുന്നതിനിടെ കാശ്മീര് ഫയല്സ് 'പ്രൊപ്പഗാണ്ട മൂവി' ആണെന്ന് ലാപ്പിഡ് പറഞ്ഞത്. ഇതോടെ ഇതു സംബന്ധിച്ച് വാദപ്രതിവാദങ്ങള് സജീവമായിരുന്നു. അതിനിടെ നദാവ് ലാപ്പിഡ് തന്റെ പ്രതികരണത്തില് മാപ്പ് പറഞ്ഞെന്നും കാശ്മീര് ഫയല്സ് മികച്ച ചിത്രമാണെന്ന് അവകാശപ്പെട്ടതായും പ്രചാരണം വൈറലായി.. 'കരഞ്ഞ് മാപ്പ് പറഞ്ഞ് നദാവ് ലാപിഡ്. ഇസ്റായേലില് എവിടെ ചെന്നാലും അടി യും ചീമുട്ടയേറും... ചതിയനെന്നും നന്ദി യില്ലാത്തവന് എന്നുമുള്ള അപമാനം. ഇത്രയ്ക്ക് നന്ദിയില്ലാത്തവന്റെ കൂടെ ജീവിക്കാന് തന്നെ കിട്ടില്ലന്ന് ഭാര്യ നാമ പ്രീയിസ് ... ഇസ്റായേല് കേസ് എടുക്കാ നും ഒരുങ്ങി ... സഹികെട്ട് ജിഹാദി / ടൂള്കിറ്റ് / ലിബറല് നാവായ നാദാവ് മാപ്പ് പറഞ്ഞ് തലയൂരി... ' എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. നദാവ് ലാപ്പിഡ് ഇതുവരെ കാശ്മീര് ഫയല്സിസിനെപ്പറ്റിയുള്ള പ്രതികരണം തെറ്റായിപ്പോയെന്ന് പറഞ്ഞിട്ടില്ല. AFWA അന്വേഷണം നദാവ് ലാപ്പിഡിന്റെ പരാമര്ശം ഏറെ ചര്ച്ചകള്ക്ക് വഴിവച്ചിരുന്നു. കാശ്മീര് ഫയല്സ് നിര്മ്മാതാവായ വിവേക് അഗ്നിഹോത്രി ലാപ്പിഡിനെതിരെ പ്രതികരിച്ചു. ഇത് ലാപ്പിഡിന്റെ വ്യക്തിപരമായ അഭിപ്രായം മാത്രമാണെന്ന് IFFI ജൂറി അംഗമായിരുന്ന സുദീപ്തോ സെന് പ്രസ്ഥാവനയിറക്കി. കാശ്മീര് ഫയല്സിനു സമാനമായി 'ദി കേരള സ്റ്റോറി' എന്ന പേരില് ഇറങ്ങാനിരിക്കുന്ന ചിത്രത്തിന്റെ സംവിധായകനാണ് സുദീപ്തോ സെന്. ലാപ്പിഡ് മാപ്പ് പറയണമെന്ന് ഇന്ത്യയിലെ ഇസ്രായേല് അംബാസഡര് നൂര് ഗിലോണ് വരെ ആവശ്യപ്പെട്ടിരുന്നു. ഇത്രയേറെ വിവാദമായ പരാമര്ശം നദാവ് ലാപ്പിഡ് പിന്വലിച്ചാല് അത് വാര്ത്തയാകേണ്ടതാണ്. അതിനാല് ചലച്ചിത്രമേളയ്ക്ക് ശേഷം നദാവ് ലാപ്പിഡ് നടത്തിയ പ്രതികരണങ്ങളാണ് ഞങ്ങള് പരിശോധിച്ചത്. നവംബര് 30ന് ഇന്ത്യാ ടുഡേയ്ക്ക് , ലാപ്പിഡ് പ്രത്യേക അഭിമുഖം നല്കിയിരുന്നു. ഇതില് എവിടെയും അദ്ദേഹം തന്റെ പ്രസ്ഥാവന പിന്വലിക്കുന്നതായി പറയുന്നില്ല. ' ഇതൊരു മികച്ച സിനിമയെന്ന് അഭിപ്രായമുള്ള ഈ സിനിമയെ ഇഷ്ടപ്പെടുന്ന ഒരുപാട് പേരുണ്ടെന്ന വസ്തുതയെ ഞാന് അംഗീകരിക്കുന്നു. എന്നെ ജൂറി ചെയര്മാനായി വിളിച്ചത് എന്റെ സിനിമാ മേഖലയിലെ നേട്ടങ്ങള് കൊണ്ടാണ്. സിനിമയെക്കുറിച്ചുള്ള എന്റെ അഭിപ്രായവും കാഴ്ചപ്പാടുകളും പ്രകടിപ്പിക്കാന് തീര്ച്ചയായും എനിക്ക് അവകാശമുണ്ട്. അതുകൊണ്ടാണ് ഞാന് പറയുന്നത് ഇതൊരു അവശ്വസനീയമായ സിനിമയാണെന്ന്. എന്റെ കമെന്റുകള് ആരും സാധൂകരിക്കേണ്ട ആവശ്യമില്ല.' എന്നിങ്ങനെയാണ് ലാപ്പില് പ്രതികരിച്ചത്. ഇന്ത്യാ ടുഡേ നല്കിയ നദാല് ലാപ്പിഡിന്റെ അഭിമുഖത്തിന്റെ പൂര്ണ്ണരൂപം താഴെ കാണാം. മറ്റ് മാധ്യമങ്ങളില് വന്ന വാര്ത്തകളും ഞങ്ങള് പരിശോധിച്ചു. CNN News 18, The wire തുടങ്ങിയ മാധ്യമങ്ങളില് ഇതുസംബന്ധിച്ച് വിശദമായി റിപ്പോര്ട്ടുണ്ട്. സിനിമയെക്കുറിച്ചുള്ള പരാമര്ശത്തിന് നദാവ് മാപ്പ് പറഞ്ഞിട്ടില്ല. എന്നാല്, തന്റെ പരാമര്ശം ദുരിതബാധിതരുടെ ബന്ധുക്കളെ അപമാനിക്കുന്നതാണെങ്കില് അതില് ക്ഷമ ചോദിക്കുന്നതായി അദ്ദേഹം പറഞ്ഞതായാണ് റിപ്പോര്ട്ടിലുള്ളത്. ''ഞാന് ആരെയും അപമാനിക്കാന് ആഗ്രഹിച്ചില്ല, കഷ്ടത അനുഭവിക്കുന്ന ആളുകളെയോ അവരുടെ ബന്ധുക്കളെയോ അപമാനിക്കുക എന്നതായിരുന്നില്ല എന്റെ ലക്ഷ്യം. അത്തരത്തിലാണ് ഇത് വ്യാഖ്യാനിച്ചതെങ്കില് ഞാന് അവരോട് പൂര്ണ്ണമായും ക്ഷമ ചോദിക്കുന്നു." എന്നായിരുന്നു ലാപ്പിഡ് പറഞ്ഞത്. എന്നാല് സിനിമയെക്കുറിച്ച് പ്രൊപ്പഗാണ്ട മൂവി ആണെന്ന് പറഞ്ഞ അഭിപ്രായം തിരിച്ചെടുക്കുന്നില്ലെന്നും അദ്ദേഹം ആവര്ത്തിച്ചു. അതായത്, പ്രചാരത്തിലുള്ള പോസ്റ്റുകളില് ആരോപിക്കുന്നതുപോലെ കാശ്മീര് ഫയല്സിനെതിരായ പരാമര്ശത്തില് ഇസ്രയേലി ചലച്ചിത്രകാരനും IFFI ജൂറി ചെയര്മാനുമായിരുന്ന നദാവ് ലാപ്പിഡ് മാപ്പ് പറഞ്ഞു എന്നത് തെറ്റിദ്ധരിപ്പിക്കുന്ന വിവരമാണെന്ന് വ്യക്തം. കാശ്മീര് ഫയല്സിനെ വിമര്ശിച്ച ഇസ്രയേലി ചലച്ചിത്രകാരന് ഒടുവില് മാപ്പ് പറഞ്ഞു. ഗോവ ആന്താരാഷ്ട്ര ചലച്ചിത്രമേളയുടെ സമാപന ചടങ്ങിലാണ് ജൂറി ചെയര്മാനായിരുന്ന നദാവ് ലാപ്പിഡ് കശ്മീര് ഫയല്സ് പ്രൊപ്പഗാണ്ട മൂവി ആണെന്ന് അഭിപ്രായം ഉന്നയിച്ചത്. ഇതേത്തുടര്ന്ന് ഇന്ത്യയിലെ ഇസ്രയേല് അംബാസിഡര് ഉള്പ്പെടെ നിരവധിപ്പേര് ലാപ്പിഡിനെതിരെ രംഗത്തു വന്നെങ്കിലും ചിത്രത്തെക്കുറിച്ചുള്ള അഭിപ്രായം അദ്ദേഹം തിരുത്തിയിട്ടില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software