About: http://data.cimple.eu/claim-review/36453852162789d98b29d96dc858b8b8925bc64f1c5597327b0bc253     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കുറച്ച് കുട്ടിള് നിലത്തിരുന്ന് വാഴയിലയില് നല്കിയ ഭക്ഷണം കഴിക്കുന്ന ഒരു ചിത്രം പങ്കുവചച്ചുകൊണ്ട് ജര്മനിയില് ഗുരുകുല വിദ്യാഭ്യാസം നടത്തുന്ന കുട്ടികളാണിത് എന്ന അവകാശവാദവുമായി ഒരു സോഷ്യല് മീഡിയ പ്രചാരണമുണ്ട്. വെളുത്ത മുണ്ടുകളും ഷോളും ധരിച്ച ആണ്കുട്ടികളില് ചിലര് വിദേശ ബാലന്മാരാണെന്ന് മനസിലാകുന്നുണ്ട്. 'നിങ്ങള് കാണുന്ന ഈ ചിത്രം ഇന്ത്യയിലെ അല്ല .. ജര്മ്മനിയില് നിന്നുള്ളതാണ്. അവിടെ ഉള്ള കുട്ടികള് പഠിക്കുന്ന ഗുരുകുലത്തില് നിന്നുള്ള ചിത്രമാണിത്. നമ്മള് മറക്കുന്ന നമ്മുടെ സംസ്കൃത സംസ്കാരം അവര് സ്വീകരിക്കുന്നു. കാരണം, അവര് സനാതന ധര്മ്മത്തിന്റെ ശാസ്ത്രീയത മനസ്സിലാക്കി കഴിഞ്ഞു. മറ്റു മതങ്ങള് പഠിക്കാനോ വിശ്വസിക്കാനോ വിലക്ക് ഇല്ലാത്ത രാജ്യങ്ങളില് എല്ലാം സനാതന ധര്മ്മത്തെപറ്റി പഠിക്കാന് അനേകം പേര് തയ്യാറാകുന്നതില് നമുക്ക് അഭിമാനിക്കാം. സന്ധ്യക്ക് നാമം ചെല്ലാന് പോലും മടിക്കുന്ന നമ്മുടെ കുട്ടികള് ഇത് കണ്ടു പഠിക്കട്ടെ. ' എന്നുള്ള ഫേസ്ബുക്ക് പോസ്റ്റിന്റെ പൂര്ണരൂപം താഴെ കാണാം. എന്നാല് പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക്ന്യൂസ് വാര് റൂം(AFWA ) കണ്ടെത്തി. ഈ ചിത്രം ജര്മനിയില് നിന്നുള്ളതല്ല. സമാനമായ പോസ്റ്റുകളുടെ ആര്ക്കൈവ് ചെയ്ത ലിങ്കുകള് AFWA അന്വേഷണം പ്രചരിക്കുന്ന ചിത്രം റിവേഴ്സ് ഇമേജില് സെര്ച്ച് ചെയ്തപ്പോള് സമാനമായ ചിത്രം ചില ഫേസ്ബുക്ക് പേജുകളില് പങ്കുവച്ചിരിക്കുന്നതായി കണ്ടെത്താനായി. vedic science , the last nationalist എന്നീ പേജുകളില് പങ്കുവച്ചിരിക്കുന്ന പോസ്റ്റുകളില് പറയുന്നത് ഇത് വെസ്റ്റ് ബംഗാളിലെ മയാപുരിലുള്ള ഭക്തിവേദാന്ത ഗുരുകുലത്തില് നിന്നുള്ള ചിത്രമെന്നാണ്. 2020 ഒക്ടോബറിലാണ് ഈ ചിത്രം പങ്കുവച്ചിട്ടുള്ളത്. ഈ സൂചന ഉപയോഗിച്ച് മയാപുരിലെ ഭക്തിവേദാന്ത ഗുരുകുലത്തെക്കുറിച്ച് ഞങ്ങള് അന്വേഷിച്ചു. International Society for Krishna Consciousness (ISKCON) സ്ഥാപിച്ചിട്ടുള്ള ഗുരുകുലമാണ് ഭക്തിവേദാന്ത അക്കാദമി. ഇവിടെ എട്ടു മുതല് 16 വയസുവരെയുള്ള ആണ്കുട്ടികളാണ് പഠിക്കുന്നത്. സംസ്കൃതം, വേദാന്തം, പുരാണം, ജ്യോതിഷം എന്നിങ്ങനെയുള്ള വിഷയങ്ങളിലാണ് പഠനം നടക്കുന്നത്. ഇപ്പോള് ഫേസ്ബുക്കില് പ്രചരിക്കുന്ന ചിത്രങ്ങളിലേതിനു സമാനമായ വസ്ത്രം ധരിച്ച കുട്ടികളെ അക്കാദമിയുടെ വെബ്സൈറ്റിലും, ഔദ്യോഗിക ഫേസ്ബുക്ക് പേജിലുമുള്ള ചിത്രങ്ങളില് കണ്ടെത്താനായി. മാത്രമല്ല ചിത്രത്തില് കാണുന്ന തൂണുകളും പരിസരവും ഭക്തിവേദാന്ത ആശ്രമത്തിലേതു തന്നെയാണെന്ന് ചിത്രങ്ങള് താരതമ്യം നടത്തുമ്പോള് മനസിലാക്കാനാകും. രണ്ടു ചിത്രങ്ങളുടെയും താരതമ്യം താഴെ കാണാം കൂടുതല് വ്യക്തതയ്ക്കായി ഞങ്ങള് മയാപുരിലെ ഭക്തിവേദാന്ത ഗുരുകുലത്തില് ബന്ധപ്പെട്ടു. അക്കാദമി പ്രിന്സിപ്പാളായ ബാലദേവ് ശ്രീമാന് ദാസ് ഞങ്ങളുമായി സംസാരിച്ചു. ' ഈ ഫോട്ടോ ഭക്തിവേദാന്ത ഗുരുകുലത്തിലേതാണ്. ഇത് ഞങ്ങളുടെ വിദ്യാര്ഥികളാണ്. ഈ ചിത്രം ചില കുട്ടികളുടെ മാതാപിതാക്കള് സോഷ്യല് മീഡിയയില് പങ്കുവച്ചതായി പറഞ്ഞിരുന്നു. അങ്ങനെയാവാം ഇവ പ്രചരിച്ചത്.' പ്രിന്സിപ്പാള് ഇന്ത്യാ ടുഡേയോട് പറഞ്ഞു. ഭക്തിവേദാന്ത ഗുരുകുലത്തിലെ ചില ചിത്രങ്ങളും വീഡിയോകളും ചുവടെ ചേര്ക്കുന്നു. കഴിഞ്ഞവര്ഷവും ഈ ചിത്രം സമാനമായ വാദത്തോടെ സോഷ്യല് മീഡിയയില് പ്രചരിച്ചിരുന്നു. അന്ന് ഇന്ത്യാ ടുഡേ ഇത് ഫാക്ട് ചെക്ക് നടത്തിയിരുന്നു. ലഭ്യമായ വിവരങ്ങളില് നിന്ന് പ്രചരിക്കുന്ന ചിത്രം ജര്മനിയിലെ ഒരു ഗുരുകുലത്തിന്റേതല്ലെന്നും പശ്ചിമബംഗാളിലെ മയാപുരിലുള്ള ഭക്തിവേദാന്ത ഗുരുകുലത്തിന്റേതാണെന്നും വ്യക്തമായി. ജര്മനിയിലെ ഗുരുകുലത്തില് നിന്നുള്ള ദൃശ്യം. ഇത് ജര്മനിയില് നിന്നുള്ള ചിത്രമല്ല. പശ്ചിമബംഗാളിലെ മയാപുരിലുള്ള ഭക്തിവേദാന്ത ഗുരുകുലത്തില് നിന്നുള്ള ചിത്രമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software