About: http://data.cimple.eu/claim-review/38385708a908d1fc38ef623176f47f83ca5af5811f01a2a7941e1e0f     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മൊബൈല് ഫോണ് റേഡിയേഷന് മാരക രോഗങ്ങള്ക്ക് കാരണമാകുമെന്ന സന്ദേശം വര്ഷങ്ങളായി സമൂഹമാധ്യമങ്ങളില് പ്രചാരത്തിലുള്ളതാണ്. യാതൊരു ശാസ്ത്രീയ അടിത്തറയുമില്ലാതെ പ്രചരിക്കുന്ന ഇത്തരം സന്ദേശങ്ങള് പൊതുജനങ്ങളെ പലപ്പോഴും ആശങ്കയിലാഴ്ത്താറുണ്ട്. മൊബൈല് ഫോണ് റേഡിയേഷനുമായി ബന്ധപ്പെട്ട മറ്റൊരു വീഡിയോ ഇപ്പോള് വൈറലാണ്. ഒരു ഐഫോണിന് ചുറ്റുമായി സ്റ്റീലിന്റെ സ്പോഞ്ച് വൃത്താകൃതിയില് വച്ചശേഷം ഫോണിലേക്ക് കോള് ചെയ്യുമ്പോള് സ്റ്റീല് വളയം കത്തുന്നതായാണ് കാണാനാകുന്നത്. "ഐഫോണിന്റെ റേഡിയേഷന് ശക്തി എന്താണെന്ന് കണ്ടു നോക്കൂ..." എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ഈ വീഡിയോ ഡിജിറ്റല് എഫക്ട്സ് ഉപയോഗിച്ച് നിര്മിച്ചതാണ്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് വീഡിയോ സൂക്ഷ്മമായി നിരീക്ഷിക്കുമ്പോള് സ്റ്റീല് വയറിന് തീപിടിക്കുന്നത് പെട്ടെന്നാണെന്നും ഇടയ്ക്ക് ഇത് ഫെയ്ഡ് ആകുന്നതും കാണാം. മാത്രമല്ല ഒരു ഭാഗത്ത് തീപിടിച്ച ശേഷം മറ്റിടങ്ങളിലേക്ക് വ്യപിക്കുന്നതായല്ല, ചുറ്റിലും ഒരുമിച്ച് തീ പിടിക്കുന്നതായാണ് കാണുന്നത്. വീഡിയോയുടെ കീ ഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് ഇതേ വീഡിയോ 2019 ഡിസംബര് 28ന് ViralVideo Lab എന്ന യുട്യൂബ് പേജില് പങ്കുവച്ചിട്ടുള്ളതായി കണ്ടെത്തി. ഐഫോണ് 6 ഉപയോഗിച്ചുള്ള പരീക്ഷണമാണെന്ന് വീഡിയോയുടെ വിവരണത്തില് പറയുന്നുണ്ട്. കൂടാതെ സ്റ്റീല് വൂളിന് തീപിടിക്കാന് ഇന്കമിംഗ് കോള് കാരണമായതിനെപ്പറ്റി അറിവുള്ളവര് കമെന്റ് ചെയ്യൂ എന്നും വീഡിയോയുടെ ഡിസ്ക്രിപ്ക്ഷനില് സൂചിപ്പിക്കുന്നു. എന്നാല് പരീക്ഷണത്തെപ്പറ്റിയുള്ള യാതൊരു വിവരവും വ്യക്തമാക്കിയിട്ടുമില്ല. അതേസമയം, സമാനമായ പരീക്ഷണം നടത്തിയെന്നും സ്റ്റീല് വൂളിന് തീപിടിച്ചില്ലെന്നും നിരവധിപ്പേര് ഈ വീഡിയോയില് കമെന്റ് ചെയ്തിട്ടുണ്ട്. പലരും വീഡിയോ ഡിജിറ്റല് ക്രിയേഷനാണെന്നും വ്യക്തമാക്കുന്നുണ്ട്. യുട്യൂബ് വീഡിയോ ചുവടെ കാണാം. മൊബൈല് കോളുകളില് നിന്നുള്ള റേഡിയേഷന് സ്റ്റീല് വൂളിനെ കത്തിക്കാന് മാത്രം ശക്തിയുള്ളതാണോ എന്ന വിവരമാണ് പിന്നീട് ഞങ്ങള് പരിശോധിച്ചത്. സ്റ്റീല് വൂളുകള് പെട്ടെന്ന് കത്തുന്നവയാണ്. സ്റ്റീല് വൂളുകള് നേര്ത്ത ഇഴകള് കൊണ്ടാണ് നിര്മ്മിച്ചിരിക്കുന്നത്, അതിനാല് ഇവയിലെ ഇരുമ്പ് ആറ്റങ്ങള് വായുവിലെ ഓക്സിജനുമായി സമ്പര്ക്കം പുലര്ത്തുന്നു. ഇവയ്ക്ക് ചൂട് പിടിച്ചാല് അത് ഇരുമ്പിനെ വായുവിലെ മറ്റ് മൂലകങ്ങളുമായി പ്രതിപ്രവര്ത്തിക്കാനുള്ള സാധ്യത വര്ദ്ധിപ്പിക്കുന്നു. അതിനാല് അവ വേഗത്തില് കത്തും. എന്നാല് മൊബൈല് ഫോണ് കോളുകള്ക്ക് സ്റ്റീല് വൂള് കത്തിക്കാനുള്ള ശേഷിയില്ലെന്ന് വിദഗ്ധര് ചൂണ്ടിക്കാട്ടുന്നു. മൊബൈല് ഫോണുകള് ഇത്ര വലിയ തോതില് ചൂട് പുറപ്പെടുവിക്കുന്നില്ലെന്ന് മസാച്യുസെറ്റ്സ് ഇന്സ്റ്റിറ്റ്യൂട്ട് ഓഫ് ടെക്നോളജിയിലെ (Massachusetts Institute of Technology) ഇലക്ട്രിക്കല് എഞ്ചിനീയറിംഗ് പ്രൊഫസറായ മ്യൂറിയല് മെഡാര്ഡ് അസോസിയേറ്റഡ് പ്രസിനോട് വിശദീകരിച്ചിരുന്നു. ഇതേ വീഡിയോ വൈറലായപ്പോള് 2020 ഏപ്രില് 16ന് എപി പങ്കുവച്ച റിപ്പോര്ട്ടിലാണ് മ്യൂറിയല് മെ ഡാര്ഡിന്റെ (Muriel Médard) ഉദ്ധരണി ഉള്പ്പെടുത്തിയിട്ടുള്ളത്. കൂടാതെ സ്നോപ്സ് 2020ല് ഈ വീഡിയോ ഫാക്ട് ചെക്ക് ചെയ്തിരുന്നു. വൈറല് വീഡിയോയില് ചെയ്തതുപോലെയുള്ള പരീക്ഷണം അവര് ആവര്ത്തിച്ചെങ്കിലും സ്റ്റീല് വൂളുകള്ക്ക് തീപിടിച്ചില്ല. സ്നോപ്സ് പങ്കുവച്ച വീഡിയോ ചുവടെ കാണാം. ലഭ്യമായ വിവരങ്ങളില് നിന്ന് വൈറല് വീഡിയോയില് പറയുന്നതു പോലെ ഐഫോണിലെ ഇന്കമിംഗ് കോളിന്റെ റേഡിയേഷന് സ്റ്റീല് വൂളിനെ തീപിടിപ്പിക്കുന്നില്ലെന്നും വൈറല് വീഡിയോ ഡിജിറ്റല് ക്രിയേഷനാണെന്നും വ്യക്തമായി. ഐഫോണിലെ ഇന്കമിംഗ് കോളിന്റെ റേഡിയേഷന് കാരണം സ്റ്റീല് വൂളിന് തീപിടിയ്ക്കുന്ന വീഡിയോ. വൈറല് വീഡിയോ ഡിജിറ്റല് ക്രിയേഷനാണ്. സ്റ്റീല് വൂളുകള് പെട്ടെന്ന് തീ പിടിക്കുമെങ്കിലും മൊബൈല് ഫോണുകള് പുറപ്പെടുവിക്കുന്ന റേഡിയേഷന് അവയെ തീപിടിപ്പിക്കാന് മാത്രം പര്യാപ്തമല്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software