| schema:text
| - Informacioni i rremë se gruaja e vrarë në Pejë kishte dhuruar 50 euro për tërmetin në Shqipëri
Deklarata
Gjyljeta Ukella e vrarë nga burri i saj në Pejë dikur kishte dhuruar 50 euro për tërmetin në Shqipëri
Vlerësimi
Rrenë
Përshkrimi i videos “Gjyljeta Ukella e vrarë nga burri i saj në Pejë dikur kishte dhuruar 50 euro për tërmetin në Shqipëri” është i rremë. Gjyljeta Ukella nuk i kishte dhuruar 50 euro për Shqipërinë përmes një lidhje të drejtëpërdrejtë në një emision në Televizionin Klan Kosova. Gruaja që i kishte dhuruar 50 euro ishte Gjyljeta Devolli. Ajo këtë e kishte konfirmuar në një emision në Televizionin Klan Kosova, si dhe me një postim që ka bërë në Facebook. E kontaktuar nga Krypometër, Gjyljeta Devolli ka thënë se përshkimi i videos së bërë në rrjetet sociale është i rremë.
Artikulli
Më 16.04.2024, faqja në Facebook, “Kaçaniku 05” (arkiva) ka publikuar një video me mbishkrimin “Gjyljeta Ukella e vrarë nga burri i saj në Pejë dikur kishte dhuruar 50 euro për tërmetin në Shqipëri”.
Në këtë video që është marrë nga emisioni ‘Ndrrimi i natës’ në Klan Kosova që kishte organizuar një fushatë për të ndihmuar Shqipërinë pas termetit të vitit 2019. Në këtë video dëgjohet zëri i një gruaje e cila thotë “Jam Gjyljeta nga Peja, për këtë rastin që ka ndodh në Shqipëri, unë jam e sëmurë prej kancerit, dëshiroj 50 euro me i dorëzu”.
Faqja në Facebook ka pretenduar se gruaja që ka folur në këtë emision është Gjyljeta Ukella, gruaja nga Peja e cila është vrarë më 16.04.2024.
E njëjta video me ketë përshkrim është publikuar edhe në faqet tjera në Facebook, “Kaçaniku me rrethinë”(arkiva), “Ku me shku n’Ferizaj?”(arkiva).
Krypometër, përmes kërkimeve në postimet e bëra nga Televizioni Klan Kosova, ka gjetur se gruaja e cila dëgjohet në këtë video nuk është Gjyljeta Ukella, por është një person tjetër që quhet Gjyljeta Devolli.
Më 27.11.2019 në emisionin “Ndrrimi i natës”, ishte transmetuar intervista Gjyljeta Devollit, e cila kishte telefonuar për të dhuruar 50 euro për dëmet e shkaktuara nga tërmeti në Shqipëri.
Përmes kërkimeve në Facebook, Krypometër ka arritur të gjejë profilin e Gjyljeta Devollit. Kjo e fundit ka bërë një postim në Facebook (arkiva) ka njoftuar se gruaja që dëgjohet në këtë video është ajo.
Ajo ka thënë se do të denoncojë portalet që e kanë vendosur videon e saj duke pretenduar se është Gjyljeta Ukella, gruaja që u vra më 16.04.2024.
Krypometër më 18.04.2024 ka kontaktuar me Gjyljeta Devollin, e cila ka thënë se video e saj është keqpërdorur.
“Unë jam Gjyljeta Devolli, unë aty jam tu fol, nuk është Gjyljeta Ukella. Kur e kam pa jam çuditë. Unë jam qajo që kam thirrë, që i kam dhuru 50 euro kur është bë tërmeti në Shqipëri, kjo punë i ka katër vjet. Nuk e di çka kanë bërë.”- ka thënë ajo për Krypometër.
Gjyljeta Ukella dyshohet se u vra nga bashkëshorti i saj mëngjesin e 16.04.2024 në Pejë.
Gjykata e Pejës ka caktuar një muaj paraburgim për Edmod Lajqin, i arrestuar si i dyshuar për vrasjen Ukelles.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)