About: http://data.cimple.eu/claim-review/397bd415141a6a6307ee4d0afd5c562eb6cf79e3d8bd9441d5c24e2a     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • വയനാട്ടില് പത്ത് നാള് നീണ്ട രക്ഷാപ്രവര്ത്തനം അവസാനിപ്പിച്ച് സൈന്യം തിരികെപ്പോയെങ്കിലും കേന്ദ്ര-സംസ്ഥാന ദുരന്ത നിവാരണ സേനകള്, പൊലീസ്, അഗ്നിശമന സേന ഉള്പ്പെടയെുള്ളവര് ഇപ്പോഴും തിരച്ചില് തുടരുകയാണ്. ദുരന്തത്തില് നിന്ന് രക്ഷപെട്ടവര് സര്ക്കാരിന്റെ ദുരിതാശ്വാസ ക്യാമ്പുകളിലും ബന്ധുവീടുകളിലുമെല്ലാം സുരക്ഷിതരാണ്. എന്നിരുന്നാലും ദുരന്തമേഖലയിലെ സാധാരണ ജീവിതം തിരികെയെത്താന് ഇനിയും നാളുകള് വേണ്ടിവരും. അതിനിടെ വയനാടുമായി ബന്ധപ്പെടുത്തി ഒരു സ്കൂളില് നിന്നുള്ള വീഡിയോ ഇപ്പോള് സോഷ്യല് മീഡിയയില് വൈറലാണ്. വിദ്യാര്ഥികള് കരയുന്നതും ഏതാനും അധ്യാപകരെയും വീഡിയോയില് കാണാം. ദുരന്തത്തിനുശേഷം വയനാട്ടിലെ ഒരു സ്കൂള് തുറന്നപ്പോഴുള്ള ദൃശ്യമെന്നാണ് ഇതോടൊപ്പമുള്ള കുറിപ്പ്. "*വയനാടില് ഇന്നലെ School തുറന്നപ്പോള് കണ്ട കുട്ടികളുടെ കണ്ണിര് കാഴ്ചക്കള്" എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ഇത് വയനാട് വാരാമ്പറ്റ ജിഎച്ച്എസിലെ അധ്യാപകര്ക്ക് വിദ്യാര്ഥികള് യാത്രയയപ്പ് നല്ക്കുന്ന ദൃശ്യമാണ്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് വീഡിയോയില് കരയുന്ന വിദ്യാര്ഥികളില് ചിലര് രണ്ട് മുതിര്ന്നയാളുകളെ കെട്ടിപ്പിടിക്കുന്നതും വിഷമത്തോടെ സംസാരിക്കുന്നതും കാണാം. 29 സെക്കന്റ് ദൈര്ഘ്യമുള്ള വീഡിയോയുടെ 17-ാമത്തെ സെക്കന്റില് സ്കൂള് കെട്ടിടത്തില് 'ഗവ.ഹൈസ്ക്കൂള് വാരാമ്പറ്റ, വയനാട് ' എന്ന് എഴുതിയിരിക്കുന്നത് കാണാനാകും. കൂടാതെ കമെന്റുകളില് ചിലര് ഇത് പഴയ വീഡിയോ ആണെന്നും വാരാമ്പറ്റ സ്കൂളിലെ സ്ഥലം മാറ്റം കിട്ടിയ അധ്യാപകര് യാത്ര പറയുന്ന രംഗമാണെന്നും സൂചിപ്പിച്ചിട്ടുള്ളത് ശ്രദ്ധയില്പ്പെട്ടു. ഈ സൂചനകള് ഉപയോഗിച്ച് കീവേര്ഡ് സെര്ച്ച് നടത്തിയപ്പോള് വാരാമ്പറ്റ ഹൈസ്ക്കൂളിന്റെ ഫേസ്ബുക്ക്, ഇന്സ്റ്റഗ്രാം പേജുകളില് വൈറല് വീഡിയോ പങ്കുവച്ചിട്ടുള്ളതായി കണ്ടെത്തി. "അധ്യാപനത്തിന്റെ മഹത്വവും, മാഹാത്മ്യവും ഒട്ടും ഒളിമങ്ങിയിട്ടില്ല എന്ന് വ്യക്തമാക്കുന്ന ഒരു സന്ദര്ഭമായിരുന്നു അത്. അധ്യാപന ജീവിതത്തിന്റെ തുടക്കകാലം തൊട്ട് വാരാമ്പറ്റയോട് ചേര്ന്ന് നിന്ന രണ്ട് അധ്യാപകര് മനോജ് മാഷും കിരണ് മാഷും* , *നീണ്ട കാലത്തെ സേവനത്തിന് ശേഷം വിദ്യാലയത്തില് നിന്നും പടിയിറങ്ങി പോകുമ്പോള് പ്രിയപ്പെട്ട വിദ്യാര്ത്ഥികള് നല്കിയ യാത്രയയപ്പ് ആരുടെയും കണ്ണ് നനയിപ്പിക്കും*. *വ്യക്തിപരമായ പ്രതിസന്ധികള്ക്കിടയിലും തന്റെ മുന്നിലെത്തുന്ന മക്കളെ തങ്ങളുടെയും മക്കളാണെന്ന് തിരിച്ചറിഞ്ഞ് സ്നേഹം കൊണ്ട് മനസ്സ് കവര്ന്ന പ്രിയപെട്ട അധ്യാപകരുടെ സ്ഥലംമാറ്റം വിദ്യാലയത്തെ തന്നെ കണ്ണീരണിയിച്ചു. " എന്നുള്ള വിവരണത്തോടെ ജൂണ് 15ന് GHS Varambetta എന്ന ഫേസ്ബുക്ക് പേജില് പങ്കുവച്ച വീഡിയോ ചുവടെ കാണാം. തുടര്ന്ന് ഈ വിവരങ്ങള് സ്ഥിരീകരിക്കുന്നതിനായി ഞങ്ങള് വാരാമ്പറ്റ ഗവ. ഹൈസ്കൂള് അധികൃതരെയും ബന്ധപ്പെട്ടു. സ്കൂളിന്റെ പിടിഎ വൈസ് പ്രസിഡന്റും വാരാമ്പറ്റ വാര്ഡ് മെമ്പറും കൂടിയായ പിഎ അസീസ് നല്കിയ വിവരം അനുസരിച്ച് വൈറല് വീഡിയോ വാരാമ്പറ്റ സ്കൂളിലെ അധ്യാപകരുടെ യാത്രയയപ്പ് ചടങ്ങാണ്. " ഇത് ജൂണ് മാസത്തില് രണ്ട് അധ്യാപകര് സ്ഥലം മാറിപ്പോയപ്പോള് പകര്ത്തിയ രംഗമാണ്. സ്കൂളിലെ തന്നെ മറ്റൊരു അധ്യാപകനായ സഫ്വാന് മാഷാണ് വീഡിയോ പകര്ത്തിയത്. ദീര്ഘകാലമായി ഇവിടെ ജോലി ചെയ്തിരുന്ന അധ്യാപകരോട് കുഞ്ഞുങ്ങള്ക്കുണ്ടായിരുന്ന ഹൃദയ ബന്ധമാണ് വീഡിയോയില് കാണുന്നത്, " പിഎ അസീസ് ഇന്ത്യാ ടുഡേയോട് പറഞ്ഞു. വൈറല് വീഡിയോ പകര്ത്തിയ വാരാമ്പറ്റ ഹൈസ്കൂള് അധ്യാപകന് സഫ്വാന് മാഷിനെയും ഞങ്ങള് ബന്ധപ്പെട്ടു. "ജൂണ് 15നാണ് ഈ വീഡിയോ സ്കൂളിന്റെ ഇന്സ്റ്റഗ്രാം പേജില് പങ്കുവച്ചത്. അധ്യാപകരും വിദ്യാര്ഥികളും തമ്മിലുള്ള ഹൃദ്യമായ ബന്ധമായതിനാലാകാം അന്ന് നിരവധിപ്പേര് വീഡിയോ ഷെയര് ചെയ്തിരുന്നു. 17 വര്ഷം വാരാമ്പറ്റ സ്കൂളില് പഠിപ്പിച്ച മനോജ് മാഷും(വീഡിയോയിലുള്ള നീല ഷര്ട്ട് ധരിച്ചയാള്) 12 വര്ഷമായി ഇവിടെയുണ്ടായിരുന്ന കിരണ് മാഷുമാണ്( ചുവപ്പ് നിറത്തിലുള്ള ഷര്ട്ട് ധരിച്ചയാള്) സ്ഥലം മാറിപ്പോയത്. ഇരുവരോടും കുട്ടികള്ക്ക് നല്ല ഹൃദയബന്ധമുണ്ട്. യാത്രയയപ്പിന്റെ വീഡിയോ അസംബ്ലി സമയത്താണ് ഞാന് ചിത്രീകരിച്ചത്. പിന്നീട് സ്കൂളിന്റെ സോഷ്യല്മീഡിയ പേജുകളില് പങ്കുവയ്ക്കുകയായിരുന്നു. ചൂരല്മലയുമായി ബന്ധപ്പെടുത്തി വീഡിയോ പ്രചരിക്കുന്നത് ശ്രദ്ധയില്പ്പെട്ടിരുന്നു. അത് തെറ്റായ വിവരമാണ്, " അധ്യാപകന് ഇന്ത്യാ ടുഡേയോട് പറഞ്ഞു. വയനാട് ജില്ലയിലെ വെള്ളമുണ്ട പഞ്ചായത്തിലാണ് വാരാമ്പറ്റ ഹൈ സ്കൂള് സ്ഥിതി ചെയ്യുന്നത്. വയനാടിന്റെ ദുരന്തബാധിത മേഖലയായ ചൂരല്ല, മുണ്ടക്കൈ എന്നീ ഭാഗങ്ങളില് നിന്ന് വളരെ അകലെയാണ് വെള്ളമുണ്ട. ലഭ്യമായ വിവരങ്ങളില് നിന്ന് പ്രചരിക്കുന്ന വീഡിയോ വയനാട് ദുരന്തത്തിന് ശേഷം ചിത്രീകരിച്ചതല്ലെന്നും ജൂണ് 15ന് വാരാമ്പറ്റ സ്കൂളിലെ അധ്യാപകര്ക്ക് യാത്രയയപ്പ് നല്കുന്ന ദൃശ്യമാണെന്നും വ്യക്തമായി. വയനാട്ടിലെ ദുരന്തത്തിന് ശേഷം പ്രദേശത്തെ സ്കൂള് തുറന്നപ്പോള് വിദ്യാര്ഥികള് കരയുന്ന സങ്കടകരമായ കാഴ്ച. പ്രചരിക്കുന്ന വീഡിയോ വയനാട് ദുരന്തത്തിന് ശേഷം ചിത്രീകരിച്ചതല്ല. ജൂണ് 15ന് വയനാട് ജില്ലയിലെ വാരാമ്പറ്റ ഹൈസ്കൂളിലെ രണ്ട് അധ്യാപകര്ക്ക് വിദ്യാര്ഥികള് യാത്രയയപ്പ് നല്കുന്ന ദൃശ്യമാണിത്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software