About: http://data.cimple.eu/claim-review/3b035b9241a4173205005ff5dc527b6186635ba9f1f803dca794e470     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ഇന്ത്യയിൽ നിന്നുള്ള അനധികൃത കുടിയേറ്റക്കാരെ അമേരിക്ക വിലങ്ങണിയിച്ച് തിരിച്ചയതുമായി ബന്ധപ്പെട്ട രാഷ്ട്രീയ വിവാദങ്ങൾ തുടരുകയാണ്. ഇതുമായി ബന്ധപ്പെടുത്തി ഇപ്പോൾ ഓഷോ രജനീഷിന്റെ പഴയൊരു ചിത്രം സമൂഹമാധ്യമങ്ങളിൽ പ്രചരിക്കുന്നുണ്ട്. രജനീഷിനെ വിലങ്ങണിയിച്ച് കൊണ്ടുവരുന്ന ഒരു ബ്ലാക്ക് ആന്റ് വൈറ്റ് ചിത്രമാണിത്. വിസ അപേക്ഷയിലെ സാങ്കേതികപ്രശ്നത്തിന്റെ പേരിലാണ് അമേരിക്ക അദ്ദേഹത്തെ വിലങ്ങണിയിച്ച് പുറത്താക്കിയതെന്ന രീതിയിലാണ് ചിത്രം പ്രചരിക്കുന്നത്. "അമേരിക്കക്കാരെ ഏറ്റവും ആകർഷിച്ച ഭാരതീയമായ ആധ്യാത്മികൻ, ജൈനമതക്കാരനായ വിശ്വഗുരു, ഓഷോ രജനീഷിനെ അദ്ദേഹത്തിൻ്റെ വിസാ ആപ്ലിക്കേഷനിലെ ഒരു സാങ്കേതിക പ്രശ്നത്തിൻ്റെ പേരിൽ അമേരിക്ക പുറത്താക്കിയപ്പോൾ കയ്യാമം വച്ച് അപമാനിച്ചിരുന്നു. ഇന്ന് അമേരിക്കൻ ജയിലുകളിൽ കിടക്കുന്ന അനധികൃത കുടിയേറ്റക്കാരെ കയ്യാമം വെച്ച് പുറത്താക്കുമ്പോൾ പ്രതിഷേധവുമായി വരുന്ന ഇടതുപക്ഷക്കാർ അക്കാലത്ത് ഓഷോയുടെ അറസ്റ്റും പുറത്താക്കലും ഉത്സവമാക്കുകയാണ് ചെയ്തത്. ഇന്ത്യക്കാരനായ ആധ്യാത്മികഗുരുവിനെ അമേരിക്ക പുറത്താക്കിയത് ഇന്ത്യൻ ഇടതുപക്ഷത്തെ അത്രയ്ക്കധികം സന്തോഷിപ്പിച്ചിരുന്നു..." എന്ന് തുടങ്ങുന്ന കുറിപ്പോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ളത് ഓഷോ രജനീഷിനെ തിരിച്ചയക്കുന്ന ചിത്രമല്ലെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. ഇമിഗ്രേഷനുമായി ബന്ധപ്പെട്ട കേസുകൾ രജിസ്റ്റർ ചെയ്തതിന് ശേഷം രജനീഷിനെ അറസ്റ്റ് ചെയ്ത് കോടതിയിൽ ഹാജരാക്കുന്ന ചിത്രമാണിത്. ഫേസ്ബുക്ക് പോസ്റ്റിന്റെ ആർക്കൈവ് ചെയ്ത ലിങ്ക്. അന്വേഷണം വൈറൽ ചിത്രം റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ അലാമി എന്ന ഫോട്ടോസ്റ്റോക്ക് വെബ്സൈറ്റിൽ സമാനമായ ചിത്രം കണ്ടെത്തി. അസോസിയേറ്റഡ് പ്രസ് എന്ന വാർത്താ ഏജൻസിയാണ് ഈ ചിത്രം പങ്കുവച്ചിരിക്കുന്നത്. "നോർത്ത് കരോലിനിലെ ഷാർലറ്റിൽ ഇമിഗ്രേഷൻ കുറ്റത്തിന് അറസ്റ്റിലായ ഇന്ത്യൻ ഗുരു ഭഗവാൻ ശ്രീ രജനീഷിനെ 1985 ഒക്ടോബർ 31ന് ഫെഡറൽ ഉദ്യോഗസ്ഥർ കൊണ്ടുപോകുന്നു. അമേരിക്കയിൽ നിന്ന് രക്ഷപ്പെടാൻ ശ്രമിക്കുന്നതിന് മുമ്പ്, രജനീഷ് സെൻട്രൽ ഒറിഗോണിൽ ആയിരക്കണക്കിന് അനുയായികളുള്ള രജനീഷ്പുരം എന്ന കമ്മ്യൂണിന് നേതൃത്വം നൽകിയിരുന്നു". എന്ന അടിക്കുറിപ്പോടെയാണ് ഫോട്ടോ പങ്കുവച്ചിരിക്കുന്നത്. അലാമി വെബ്സൈറ്റിന്റെ സ്ക്രീൻഷോട്ട് ചുവടെ കാണാം. അതേ ദിവസം തന്നെയെടുത്ത മറ്റൊരു ചിത്രം ഗെറ്റി ഇമേജസ് എന്ന വെബ്സൈറ്റിൽ അപ്ലോഡ് ചെയ്തിട്ടുണ്ട്. ആയുധ ധാരികളായ യുഎസ് മാർഷലുകൾ രജനീഷിനെ ഫെഡറൽ കോടതിയിലേക്ക് കൊണ്ടുപോകുന്നു എന്നാണ് ഈ ചിത്രത്തിന് നൽകിയിട്ടുള്ള അടിക്കുറിപ്പ്. ഇതിൽ നിന്നും രജനീഷിനെ ഇന്ത്യയിലേക്ക് തിരിച്ചയക്കുമ്പോൾ പകർത്തിയ ചിത്രമല്ല ഇതെന്ന് വ്യക്തമായി. ഗെറ്റി ഇമേജസ് വെബ്സൈറ്റിലെ ചിത്രം ഇവിടെ കാണാം. പിന്നീട് നടത്തിയ അന്വേഷണത്തിൽ 1985 ഒക്ടോബർ 28ന് വാഷിങ്ടൺ പോസ്റ്റ് പ്രസിദ്ധീകരിച്ച പത്രവാർത്തയുടെ ഡിജിറ്റൽ ആർക്കൈവ് ഞങ്ങൾക്ക് ലഭ്യമായി. ഒക്ടോബർ 28ന് പുലർച്ചെ നോർത്ത് കരോലിനിലെ ഷാർലറ്റ് വിമാനത്താവളത്തിൽ വെച്ച് സായുധരായ ഫെഡറൽ ഏജന്റുമാർ രണ്ട് ചാർട്ടേഡ് ജെറ്റുകൾ വളഞ്ഞുവെന്നും രാജ്യം വിടാൻ ശ്രമിച്ച ഇന്ത്യൻ ഗുരു ഭഗവാൻ ശ്രീ രജനീഷിനെയും ഒരു കൂട്ടം അനുയായികളെയും അറസ്റ്റ് ചെയ്തുവെന്നും റിപ്പോർട്ടിൽ പറയുന്നു. രജനീഷിനും അദ്ദേഹത്തിന്റെ ഏഴ് അനുയായികൾക്കുമെതിരെ ഇമിഗ്രേഷൻ നിയമങ്ങൾ ലംഘിക്കാൻ ഗൂഢാലോചന നടത്തിയതിന് 35 കേസുകൾ ഉൾപ്പെടുന്ന ഒരു കുറ്റപത്രം പോർട്ട്ലാന്റിലെ യുഎസ് അറ്റോർണി പുറത്തിറക്കിയതായും വാഷിങ്ടൺ പോസ്റ്റ് റിപ്പോർട്ടിൽ വ്യക്തമാക്കിയിട്ടുണ്ട്. ഇമിഗ്രേഷൻ ആൻഡ് നാച്ചുറലൈസേഷൻ സർവീസിന് തെറ്റായ പ്രസ്താവനകൾ നൽകിയതിനും നിയമവിരുദ്ധമായി വിദേശികളെ പാർപ്പിച്ചതിനും ഉൾപ്പെടെയാണ് കേസ് എടുത്തതെന്നും റിപ്പോർട്ടിൽ വ്യക്തമാക്കിയിട്ടുണ്ട്. ഇമിഗ്രേഷൻ നിയമങ്ങളിൽ നിന്നും രക്ഷപ്പെടാൻ അനുയായികൾക്കിടയിൽ വിവാഹ തട്ടിപ്പുകൾ നടത്തിയിട്ടുണ്ടെന്നും പോർട്ട്ലാന്റിലെ ഫെഡറൽ കോടതിയിൽ സമർപ്പിച്ച റിപ്പോർട്ടിൽ പറയുന്നതായി വാർത്തയിലുണ്ട്. വാഷിങ്ടൺ പോസ്റ്റ് റിപ്പോർട്ടിന്റെ സ്ക്രീൻഷോട്ട് ചുവടെ കാണാം. തുടർന്നുള്ള പരിശോധനയിൽ ജപ്പാൻ നഗോയ യൂണിവേഴ്സിറ്റിയിലെ പ്രൊഫസറായ സിമൺ പോട്ടർ 'Osho in America: A Look into the Federal Question of Conspiracy' എന്ന പേരിൽ പ്രസിദ്ധീകരിച്ച ലേഖനം ലഭ്യമായി. ഓഷോ അറസ്റ്റ് ചെയ്യപ്പെട്ടതിനെ കുറിച്ച് ലേഖനത്തിൽ പരാമർശിച്ചിട്ടുണ്ട്. 1985 ഒക്ടോബർ 23ന് ഓഷോ, ഷീല, മറ്റ് ആറ് സന്യാസിമാർ എന്നിവർക്കെതിരെ കുടിയേറ്റവുമായി ബന്ധപ്പെട്ട വഞ്ചന, ഗൂഢാലോചന എന്നിങ്ങനെയുള്ള 35 കേസുകൾ ചുമത്തി ഗ്രാന്റ് ജൂറി ഒരു കുറ്റപത്രം സമർപ്പിച്ചുവെന്നും ഓഷോ രജനീഷ് ഒക്ടോബർ 28ന് അറസ്റ്റ് ചെയ്യപ്പെട്ടുവെന്നും ഈ ലേഖനത്തിൽ പറയുന്നുണ്ട്. നാഷണൽ ഡയറ്റ് ലൈബ്രറിയുടെ ഡിജിറ്റൽ ലൈബ്രറി വെബ്സൈറ്റിൽ ഈ ലേഖനം ലഭ്യമാണ്. ഓഷോ രജനീഷിനെ 1985 ഒക്ടോബർ 28ന് അറസ്റ്റ് ചെയ്തുവെന്നും നവംബർ 8ന് അഞ്ച് ലക്ഷം ഡോളർ ബോണ്ടിൽ ഓഷോയ്ക്ക് ജാമ്യം അനുവദിച്ചെന്നും ഏഷ്യാനെറ്റ് ന്യൂസിന്റെ വല്ലാത്തൊരു കഥ എന്ന പരിപാടിയിൽ വ്യക്തമാക്കുന്നുണ്ട്. തന്റെ മേൽ ആരോപിച്ച കുറ്റങ്ങൾ സമ്മതിച്ചതിന് ശേഷം പിഴയൊടുക്കി ഓഷോ 1985 നവംബറിൽ തന്നെ ഇന്ത്യയിലേക്ക് തിരികെ വന്നുവെന്നും ഇതിൽ വ്യക്തമാക്കുന്നു. ഈ വീഡിയോ ഇവിടെ കാണാം. തുടർന്ന് ഞങ്ങൾ അക്കാദമിഷ്യനും എഴുത്തുകാരനുമായ ഡോ. പി കൃഷ്ണദാസിനെ ഫോണിൽ ബന്ധപ്പെട്ടു. ഇമിഗ്രേഷനുമായി ബന്ധപ്പെട്ട നിരവധി കേസുകൾ ഓഷോ രജനീഷിന്റെ പേരിൽ ഉണ്ടായിരുന്നുവെന്നും ഇതിനെ തുടർന്നാണ് അദ്ദേഹം 1985ൽ അറസ്റ്റ് ചെയ്യപ്പെട്ടതെന്നും അദ്ദേഹം സ്ഥിരീകരിച്ചു. ലഭ്യമായ വിവരങ്ങളിൽ നിന്നും പ്രചാരത്തിലുള്ള ചിത്രം ഓഷോ രജനീഷിനെ അമേരിക്ക തിരിച്ചയക്കുന്നതിന്റേതല്ലെന്നും കേസുകൾ ചുമത്തി അറസ്റ്റ് ചെയ്ത് കോടതിയിൽ ഹാജരാക്കിയ 1985 ഒക്ടോബർ 31ന് പകർത്തിയതാണെന്നും വ്യക്തമായി. വിസ അപേക്ഷയിലെ സാങ്കേതിക പിഴവ് കാരണം അമേരിക്ക ഓഷോ രജനീഷിനെ വിലങ്ങണിയിച്ച് തിരിച്ചയക്കുന്ന ചിത്രം. ഓഷോ രജനീഷിനെ അമേരിക്ക വിലങ്ങണിയിച്ച് തിരിച്ചയക്കുന്ന ചിത്രമല്ല ഇത്. ഇമിഗ്രേഷനുമായി ബന്ധപ്പെട്ട കേസിൽ അറസ്റ്റ് ചെയ്ത് കോടതിയിൽ ഹാജരാക്കുന്ന ചിത്രമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software