About: http://data.cimple.eu/claim-review/3be18d9a879bff5f073fb54081060c2df087e114eba55a4a384cce6c     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഡാലോചന നടത്തിയ കേസിൽ സിനിമാതാരം മഞ്ജു വാര്യരുടെ മൊഴി അന്വേഷണസംഘം രേഖപ്പെടുത്തിയത് ഈയടുത്താണ്. ഇതിനിടയിൽ മഞ്ജുവിനെപ്പറ്റി മറ്റൊരു വാർത്തയും സമൂഹമാധ്യമങ്ങളിൽ പ്രചരിച്ചിരുന്നു. നടിയുടെ എസ്ഡിപിഐ ബന്ധം പുറത്തായി എന്നും പൗരത്വ നിയമ (CAA) വിരുദ്ധ കലാപം നടത്താൻ മഞ്ജു വാര്യർക്ക് വിദേശഫണ്ട് ലഭിച്ചുവെന്നും അവകാശപ്പെടുന്ന 24ന്യൂസ് ലോഗോ അടങ്ങിയ കാർഡ് ഉപയോഗിച്ചുകൊണ്ടുള്ള പ്രചാരണമായിരുന്നു ഇത്. "കാശ് ഉണ്ടാക്കുന്ന വഴി നോക്കിയേ," എന്ന കുറിപ്പിനൊപ്പം പ്രചരിക്കുന്ന ഒരു പോസ്റ്റർ താഴേക്കാണാം. ഇന്ത്യാ ടുഡേ ആന്റി ഫേക്ക് ന്യൂസ് വാർ റൂം (AFWA) നടത്തിയ അന്വേഷണത്തിൽ വാദം തെറ്റിദ്ധരിപ്പിക്കുന്നതാണെന്ന് കണ്ടെത്തി. ഈ ന്യൂസ് കാർഡ് വ്യാജമാണ്. AFWA അന്വേഷണം 24ന്യൂസ് ചാനലിന്റെ ലോഗോ പ്രചരിക്കുന്ന കാർഡിൽ കണ്ടതിനെത്തുടർന്ന് മാധ്യമ സ്ഥാപനത്തിൻറെ ഫേസ്ബുക്ക്, ട്വിറ്റർ പേജുകൾ പരിശോധിക്കുകയാണ് ഞങ്ങൾ ആദ്യം ചെയ്തത്. പ്രചരിക്കുന്ന കാർഡിൽ ഏപ്രിൽ 19 എന്ന തീയതി നൽകിയിരിക്കുന്നത് കാണാം. ഇതേ ദിവസം മഞ്ജു വാര്യരേ സംബന്ധിച്ച് ട്വൻറി ഫോർ ന്യൂസ് നൽകിയ വാർത്തകൾ ഞങ്ങൾ പരിശോധിച്ചു. നടിയെ ആക്രമിച്ച കേസിൽ നിർണ്ണായകമായ ശബ്ദരേഖയുടെ കൂടുതൽ വിവരങ്ങൾ പുറത്തുവന്നതുമായി ബന്ധപ്പെട്ട ഒരു വാർത്തയിലാണ് ഈ ദിനത്തിൽ മഞ്ജുവിനെപ്പറ്റി പരാമർശമുള്ളത്. ഇതല്ലാതെ താരത്തെപ്പറ്റി മറ്റുവാർത്തകളൊന്നും ചാനൽ അന്ന് ഫേസ്ബുക്കിലും ട്വിറ്ററിലും നൽകിയിരുന്നില്ല എന്ന് ഞങ്ങൾക്ക് കണ്ടെത്താൻ സാധിച്ചു. സാധാരണ ആയി ചിത്രങ്ങളുടെ രൂപത്തിൽ വാർത്താ കാർഡുകളും, ചെറിയ വിവരണത്തോടൊപ്പം ടെലിവിഷൻ വാർത്താ റിപ്പോർട്ടുകളുമാണ് 24ന്യൂസ് സമൂഹമാധ്യമങ്ങൾ വഴി പ്രസിദ്ധീകരിക്കുന്നത്. എന്നാൽ ഇങ്ങനെ ചെയ്യാൻ സ്ഥാപനം ഉപയോഗിക്കുന്ന ലിപികൾക്ക് പ്രചരിക്കുന്ന കാർഡിൽ ഉപയോഗിച്ചിരിക്കുന്ന ലിപിയുമായി വ്യത്യാസമുണ്ടെന്ന് കണ്ടെത്താനായി. വൈറൽ കാർഡിൽ "മഞ്ജുവാര്യർ" എന്ന് ചേർത്ത് എഴുതിയിരിക്കുമ്പോൾ, 24ന്യൂസിന്റെ പേജിൽ "മഞ്ജു വാര്യർ"എന്ന് രണ്ട് വാക്കുകളായി ആണ് എല്ലായ്പ്പോഴും ഉപയോഗിക്കുന്നതെന്ന് ഞങ്ങൾ ഉറപ്പിച്ചു. കൂടുതൽ വ്യക്തതക്കായി ഞങ്ങൾ 24 ന്യൂസുമായി ബന്ധപ്പെട്ടപ്പോൾ ഇങ്ങനെയൊരു കാർഡോ വാർത്തയോ സ്ഥാപനം നൽകിയിട്ടില്ലെന്നും, ഇത് വ്യാജമായി ഉണ്ടാക്കിയതാണെന്നും സ്ഥിരീകരണം ലഭിച്ചു. ഇതോടെ പ്രചരിക്കുന്ന കാർഡ് വ്യാജമാണെന്ന് ഉറപ്പായെങ്കിലും പ്രചാരണത്തിൽ എന്തെങ്കിലും സത്യാവസ്ഥയുണ്ടോ എന്ന് കണ്ടെത്താൻ ഞങ്ങൾ ശ്രമിച്ചു. CAA പ്രക്ഷോഭത്തിന് പിന്നാലെ 2020 ജനുവരിയിൽ ഡൽഹിയിലെ ജവഹർലാൽ നെഹ്റു സർവകലാശാലയിൽ വിദ്യാർത്ഥികൾക്ക് നേരെ നടന്ന അക്രമം രാജ്യത്തുടനീളം പ്രതിഷേധങ്ങൾ ഉണ്ടാക്കിയിരുന്നു. ഈ സംഭവത്തിന് പിന്നാലെ മലയാളം സിനിമയിലെ പല പ്രമുഖ താരങ്ങളും സമൂഹമാധ്യമങ്ങളിലൂടെ സംഭവത്തെ അപലപിക്കുകയും വിദ്യാർഥികൾക്ക് ഐക്യദാർഢ്യം പ്രഖ്യാപിക്കുകയും ചെയ്തിരുന്നു. ഈ നിരയിൽ മഞ്ജുവാര്യരും ഉണ്ടായിരുന്നു. വിഷയത്തിൽ മഞ്ജു നടത്തിയ പ്രതികരണം ഇവിടെ കാണാം. പോസ്റ്റിൽ അവകാശപ്പെടുന്നതുപോലെ മഞ്ജുവാര്യർക്ക് എസ്ഡിപിഐയുമായി എന്തെങ്കിലും ബന്ധമുണ്ടോ എന്ന് ഞങ്ങൾ അന്വേഷിച്ചു. ഗൂഗിളിൽ മലയാളത്തിലും ഇംഗ്ലീഷിലും കീവേർഡുകൾ ഉപയോഗിച്ച് തെരഞ്ഞെങ്കിലും ഇതുമായി ബന്ധപ്പെട്ട റിപ്പോർട്ടുകൾ ഒന്നും കണ്ടെത്താൻ സാധിച്ചില്ല. CAA-വിരുദ്ധ നിലപാടിൻറെ ഭാഗമാകാൻ മഞ്ജുവാര്യർക്കൊ, മറ്റ് സിനിമ താരങ്ങൾക്കോ വിദേശത്തുനിന്നും സാമ്പത്തിക സഹായം ലഭിച്ചതിന്റെ തെളിവുകളും ലഭ്യമല്ല. ഇതിൽനിന്ന് മഞ്ജുവാര്യർക്ക് എസ്ഡിപിഐ ബന്ധമുണ്ടെന്നും CAA-വിരുദ്ധ കലാപങ്ങളിൽ പങ്കെടുക്കാൻ വിദേശത്തുനിന്ന് പണം ലഭിച്ചുവെന്നും അവകാശപ്പെടുന്ന വാർത്താ കാർഡ് പൂർണമായും വ്യാജമാണെന്ന് ഉറപ്പിക്കാനായി. സിനിമാതാരം മഞ്ജു വാര്യരുടെ SDPI ബന്ധം പുറത്തുവന്നു എന്ന് അവകാശപ്പെടുന്ന 24ന്യൂസ് ന്യൂസ് കാർഡ്. സിഎഎ വിരുദ്ധ കലാപം നടത്താൻ വിദേശഫണ്ട് ലഭിച്ച സിനിമാ താരങ്ങളുടെ കൂട്ടത്തിൽ മഞ്ജുവാര്യരുമുണ്ട്. ഈ ന്യൂസ് കാർഡ് വ്യാജമാണെന്ന് 24 ന്യൂസ് സ്ഥിരീകരിച്ചു. മഞ്ജുവാര്യരുടെ SDPIയുമായി ബന്ധിപ്പിക്കുന്ന യാതൊരു വാർത്തകളും സമീപകാലത്ത് പുറത്തുവന്നിട്ടില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software