| schema:text
| - Kurti nuk ka thënë se mërgimtarët ‘kurrë nuk e kanë ndihmuar shtetin tonë’
Deklarata
Mërgimtarët kurrë nuk e kanë ndihmuar shtetin tonë, por vetem familjet e tyre
Vlerësimi
Rrenë
Është i rremë pretendimi se Albin Kurti ka thënë “Mërgimtarët kurrë nuk e kanë ndihmuar shtetin tonë, por vetem familjet e tyre”. Zëdhënësi i Qeverisë së Kosovës, Përparim Kryeziu ka thënë se Kurti nuk e ka thënë një gjë të tillë për mërgatën. Krypometër i ka kontrolluar postimet e bëra nga Kurti për diasporën dhe në asnjë prej tyre nuk është dhënë ndonjë qëndrim i tillë për diasporën. Diaspora kontribon drejtpërdrejtë në ekonominë e Kosovës duke dërguar 1 miliard e 222 milionë euro brenda një viti (statistikat e BQK-së për dërgesat e diasporës gjatë vitit 2022).
Artikulli
Më 10.02.2024 faqja në Facebook “Komente Politike” (arkive) ka publikuar një fotografi të kryeministrit të Kosovës, Albin Kurti me përshkrimin: “Albin Kurti: Mërgimtarët kurrë nuk e kanë ndihmuar shtetin tonë, por vetem familjet e tyre”
Për të vertetuar këtë konstatim, Krypometër ka kërkuar të gjitha postimet në të cilat është përmendur diaspora që i ka bërë kryeministri Albin Kurti në profilin e tij në Facebook.
Në asnjë prej postimeve të bëra nga kryeministri Albin Kurti, nga data 22.03.2021 e deri më datën 10.02.2024, nuk është postuar ndonjë deklarim i tillë çfarë është postuar në faqen në Facebook ‘Komente Politike’.
Kryeministri i Kosovës, Albin Kurti, në profilin e tij në Facebook, më datë 10.02.2024 nuk ka bërë asnjë postim rreth diasporës. Më 06.02.2024, Kurti ka publikuar një postim rreth skemës së re mbështetëse të Qeverisë për mbështetjen e energjisë së ripërtritshme. Kurse, më datë 08.02.2024, Kurti ka publikuar videon e fjalimit të tij në Këshillin e Sigurimit. Më datën 10.02.2024, Kurti ka publikuar fotografi dhe një përshkrim nga përkujtimi i dy aktivistëve të Lëvizjes Vetëvendosje, të vrarë në protestat e organizuara në vitin 2007.
Kryepometri ka kontaktuar zëdhënësin e Qeverisë, Përparim Kryeziu, lidhur me këtë çeshtje i cili ka thënë se raportimi është i rrëmë.
“Nuk është thënë një gjë e tillë nga kryeministri i Kosovës, Albin Kurti. Është raportim i pavërtëtë”- u shpreh Kryeziu për Krypometër.
Kryeministri i Kosovës Albin Kurti në vazhdimësi ka përgëzuar diasporën për kontributin e tyre të dhënë në Kosovë, si gjatë kohës në opozitë ashtu edhe gjatë kohës kur mori postin e kreut të Qeverisë.
Më 19.05.2023 kryeministri i Kosovës, Albin Kurti deklaroi se diaspora luan rol të jashtëzakonshëm në zhvillim dhe se mbetet burimi kryesor në këtë drejtim.
Derisa, më 16.11.2023 në hapjen e Forumit Ndërkombëtar “Ulpiana”, Kurti foli për kontributet e diasporës në Kosovë.
Më 25.08.2022 Kurti përmes një videoje i bëri thirrje diasporës që të jenë pjesë e vendimmarrjes.
“Me Qeverinë tonë, ka ardhur koha që diaspora të jetë pjesë e vendimmarrjes në përpjekjet e Kosovës sonë për të zgjeruar prezencën e saj kudo në botë. Po e fillojmë këtë me profesionistë të rinj nga mërgata”- ishte shprehur Kurti.
Diaspora ka një kontribut të drejtëpërdrejtë në ekonominë e Kosovës, sipas Bankës Qendrore të Kosovës, duke dërguar mjete monetare dhe gjesende të vlefshme apo duke investuar në blerje të patundshmërive apo hapjen e bizneseve si dhe duke shpenzuar gjatë qëndrimit të tyre në Kosovë. Sipas të dhënave të Bankës Qendrore të Kosovës, diaspora vetëm në vitin 2022 ka dërguar 1 miliard e 222 milionë euro. Në vitin 2021, remitancat kishin vlerën prej 1 miliard e 153 milionë euro.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)