| schema:text
| - Pretendimi i rremë se me një kremë eliminohen të gjitha gjëndrat dhjamore në trup
Deklarata
Krem per zhdukjen e gjendrave dhjamore i pasur me vajra bimore te licensuar dhe vitamina. Zhdukja e gjendres behet pa efekte ansore
Vlerësimi
Me kos
Nuk ka bazë shkencore se gjëndra dhjamore mund të eliminohet me një kremë- si pretendohet në një postim në Facebook që thotë: “Krem per zhdukjen e gjendrave dhjamore i pasur me vajra bimore te licensuar dhe vitamina. Zhdukja e gjendres behet pa efekte ansore”. Në këtë postim, nuk është treguar emri i kremit dhe mënyra e prodhimit të saj e as nuk është treguar se kush e prodhon apo nëse është i licencuar. Kirurgët torakal, Frederik Çuperijani dhe Fitim Selimi, kanë thënë se kjo kremë në Facebook nuk e zgjidh problemin me lipomat dhe se gjëndrat dhjamore trajtohen në mënyrë kirurgjike. Drejtori i Klinikës se Kirurgjisë Torakale, Nazmi Kolgeci thotë se ai nuk ka njohuri për ekzistencën e ndonjë kreme për shërimin e lipomave.
Artikulli
Më 05.11.2024, faqja në në Facebook Market Online (arkiva) ka publikuar një njoftim për një kremë, për të cilin thotë se arrinë t’i heqë me sukses lipomat/gjëndrat dhjamore nëpër trup.
“Krem per zhdukjen e gjendrave dhjamore i pasur me vajra bimore te licensuar dhe vitamina. Zhdukja e gjendres behet pa efekte ansore”- shkruhet në këtë postim.
E njëjta faqe e ka publikuar të njëjtin postim edhe disa herë të tjera (shih këtu dhe këtu), në profilin e tyre, në Facebook.
Përderisa emri i kremës nuk publikohet, thuhet se ajo kushton 15 euro dhe se transporti bëhet falas në tërë vendin. Ndërsa, për të porositur produktin i duhet shkruar një mesazh direkt kësaj faqeje.
Market Online është krijuar më 25.08.2024, ndërsa nuk dihet asgjë për menaxherët e faqes.
Drejtori i Klinikës se Kirurgjisë Torakale, Nazmi Kolgeci ka thënë se nuk ka njohuri për ekzistencën e ndonjë kreme për shërimin e lipomave.
“Nuk kam ndonjë informacion që ekziston ndonjë kremë për zhdukjen e lipomave apo ndryshimeve të saj. Ato s’mund të hiqen me kremë, s’ka shanca, sepse janë të forta. Asnjëherë nuk e dimë se si bëhen apo si formësohen. Zakonisht janë të trashëguara nga nëna, gjyshja, stërgjyshja. Pra, shumica e njerëzve që kanë lipoma ‘e kanë trashëgimi’. Rruga e vetme deri më sot është ndërhyrja kirurgjikale”- ka thënë Kolgeci.
Ndërsa kirurgu torakal, Frederik Çuperijani ka thënë se kjo kremë ‘në Facebook’ nuk e zgjidh problemin me lipomat.
Ai shtoi se asnjë pacient nuk duhet të blejë asnjë lloj ilaçi pa u konsultuar me mjekun paraprakisht.
“Lipomat janë tumore beninje, apo siç i themi ne: “tumore të mira”. Kryesisht janë me tendenca gjenetike të shfaqjes. Unë i trajtoj zakonisht në mënyrë kirurgjike. Përmbajtja e tyre është yndyrore. Kjo krema në FB nuk besoj që e zgjidh problemin. Nuk ka trajtime pa kontrollime mjekësore. Është një rrugë e shkurtër që i mashtron njerëzit… Duhet të deklarohet publikisht përmbajtja e kremës… dhe shumë e shumë procedura tjera”- ka thënë Çuperijani për Krypometër.
Ndërsa kirurgu tjetër i torakales, Fitim Selimi ka shpjeguar për Krypometër se si krijohen lipomat, duke shtuar që nuk është në dijeni të ndonjë metode tjetër për heqjen e tyre nga organizimi- përveç asaj kirurgjikale.
“Deri tani nuk dimë teknikë apo procedurë tjetër për heqjen e lipomave përveç procedurës kirurgjike. Nuk kam njohuri që ndonjë kremë që të ketë efektet e nevojshme për ta eliminuar prezencën e lipomave nga organizmi. Lipomat janë tumore të indit yndyror. Sikur çdo ind tjetër në organizëm që mund të shfaqë devijime në kuptimin e rritjes së pakontrolluar, po ashtu edhe indi yndyror mund të rritet në mënyrë të pakontrolluar, në lokacione të ndryshme nëpër organizëm” – ka thënë Selimi.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)