About: http://data.cimple.eu/claim-review/3fed5aa7e6517eb74e9c4c180823d2a6c895bb12821fd6f99b6af470     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • സംസ്ഥാനത്ത് പ്രോപ്പര്ട്ടി അണ്ടര്വാല്യൂവേഷന് നടപടിക്രമത്തിന്റെ പേരില് 35 ലക്ഷം ആളുകള്ക്ക് നോട്ടീസ് അയച്ചുവെന്ന് അവകാശപ്പെട്ട് ഒരു പ്രചാരണം സമൂഹമാധ്യമങ്ങളില് വൈറലാണ്. നികുതി കുറയ്ക്കാനായി രജിസ്ട്രേഷന് സമയത്ത് ഭൂമിയുടെ യഥാര്ഥ വില മറച്ചുവയ്ക്കുന്ന വിവരം കണ്ടെത്തിയാല് സര്ക്കാര് പിഴ ഈടാക്കുന്ന നടപടിയാണ് അണ്ടര്വാല്യുവേഷന്. 30 വര്ഷത്തിനു മുന്പ് രജിസ്ട്രേഷന് നടത്തിയ വസ്തു കൈമാറ്റത്തിന് ഇപ്പോള് പിഴ അടയ്ക്കേണ്ടി വരുന്നതിനെ വിമര്ശിച്ചുകൊണ്ടാണ് പോസ്റ്റുകള്. ഇപ്പോള് സര്ക്കാരിന്റെ കടബാധ്യത വര്ധിച്ചതോടെയാണ് ഇത്തരത്തില് പഴയ ആധാരങ്ങളുടെ വില സംബന്ധിച്ച റിക്കവറി നടപടികളിലേക്ക് കടന്നിട്ടുള്ളതെന്നാണ് പോസ്റ്റുകളിലെ പ്രധാന ആരോപണം. "30 ലക്ഷം പേര്ക്ക് പിണറായിയുടെ വക നോട്ടീസ്. സര്ക്കാര് തങ്ങളുടെ പറ്റ് പുസ്തകത്തിലെ അവസാന കണക്കും തപ്പുകയാണ്.. കടം കയറി മൂക്കറ്റം മുങ്ങിയപ്പോള് പഴയ പറ്റ് പുസ്തകത്തിലെ കണക്കില് ആരെയെങ്കിലും വിട്ടു പോയിട്ടുണ്ടോ എന്ന് പരിശോധിക്കുകയാണ് കേരള സര്ക്കാര്. അതിന്റെ ഭാഗമായിട്ടാണ് 1987 മുതല് ആധാരം രജിസ്റ്റര് ചെയ്ത ഏകദേശം 35 ലക്ഷത്തോളം പേര്ക്ക് രജിസ്ട്രേഷന് വകുപ്പ് നോട്ടീസ് അയച്ച് തുടങ്ങിയത്. എന്നാല് നിങ്ങള് ഈ തുക നല്കാന് ബാധ്യസ്ഥനാണോ ? കഴിഞ്ഞ 35 വര്ഷം ഇവര് എവിടെയായിരുന്നു ? '"എന്നു തുടങ്ങുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേ നടത്തിയ അന്വേഷണത്തില് കണ്ടെത്താനായി. സംസ്ഥാനത്ത് ഇതുവരെ അണ്ടര്വാല്യൂവേഷന് നടപടി നേരിട്ടിട്ടുള്ളത് 17 ലക്ഷത്തോളം പേര് മാത്രമാണ്. അന്വേഷണം വൈറല് പോസ്റ്റുകളില് ചിലതില് അണ്ടര്വാല്യുവേഷന് സംബന്ധിച്ച ഒരു പത്രവാര്ത്ത ഉള്പ്പെടുത്തിയിട്ടുണ്ട്. അണ്ടര്വാല്യുവേഷന് നടപടികള് സംബന്ധിച്ച വിവരങ്ങളാണ് ഞങ്ങള് ആദ്യം പരിശോധിച്ചത്. നികുതി കുറയ്ക്കുന്നതിനായി ആധാരത്തില് വസ്തുവിന്റെ/ ഭൂമിയുടെ വില കുറച്ച് കാണിച്ച് രജിസ്ട്രേഷന് നടത്തിയിട്ടുണ്ടെങ്കില് ഒറ്റത്തവണ തീര്പ്പാക്കല് പദ്ധതിയിലൂടെ ഇത് മറികടക്കാമെന്നുള്ള റിപ്പോര്ട്ടുകള് 2018 മുതല് മാധ്യമങ്ങള് നല്കിയിട്ടുള്ളതായി കണ്ടെത്തി. 2023 മാര്ച്ച് 31 വരെയായിരുന്നു ഒറ്റത്തവണ തീര്പ്പാക്കലിന് അവസരം ലഭിച്ചത്. 1987 മുതല് 2017 വരെയുള്ള രജിസ്ട്രേഷനുകളാണ് ഇത്തരത്തില് പിഴയടച്ച് സാധൂകരിക്കാന് അനുവദിച്ചിരുന്നത്. 35ലക്ഷം പേര്ക്ക് ഇത്തരത്തില് പിഴയടയ്ക്കാന് നോട്ടീസ് നല്കിയിരുന്നോ എന്ന വിവരമാണ് പിന്നീട് അന്വേഷിച്ചത്. രജിസ്ട്രേഷന് വകുപ്പ് ഡെപ്യൂട്ടി ഇന്സ്പെക്ടര് ജനറല് പി.കെ സാജന് കുമാര് നല്കിയ വിവരം അനുസരിച്ച് പ്രചരിക്കുന്ന സന്ദേശം തെറ്റിദ്ധരിപ്പിക്കുന്നതാണ്. " ഇത് 1967 മുതല് നടന്നുവരുന്ന സ്വാഭാവിക നടപടിക്രമമാണ്. ആദ്യകാലത്ത് അതത് ജില്ലാ കളക്ടര്മാരായിരുന്നു ഇത്തരം അണ്ടര്വാല്യുവേഷന് കണ്ടെത്തി പരിഹരിച്ചിരുന്നത്. എന്നാലിതിന് കാലതാമസം നേരിട്ടിരുന്നു. അതുകൊണ്ട് 1987ല് ജില്ലാ രജിസ്ട്രാര്മാര്ക്ക് കൂടി അധികാരം നല്കിക്കൊണ്ട് സര്ക്കാര് ഉത്തരവിറങ്ങി. ഇതിനു ശേഷം നടപടിക്രമങ്ങള് അല്പം കൂടി വേഗത്തിലായി. ആധാരത്തില് വിലകുറച്ചതായി പരാതികളിലൂടെയോ, ഓഡിറ്റ് നടപടിക്രമങ്ങളിലൂടെയോ കണ്ടെത്തിയാല് നടപടി സ്വീകരിക്കും. ക്രമക്കേട് നടന്നിട്ടുള്ള ഫയലുകളിലെ കക്ഷികള്ക്ക് നോട്ടീസ് അയച്ച് അവരുമായി കൂടിക്കാഴ്ച നടത്തിയശേഷമാണ് നടപടിയുടെ ഘട്ടത്തിലേക്ക് കടക്കുന്നത്. സാധാരണയായി പിഴയീടാക്കി നടപടിയില് നിന്ന് ഒഴിവാക്കുകയാണ് ചെയ്യുന്നത്. എന്നാല്, ചിലര് കോടതിയെ സമീപിക്കും. അത്തരം കേസുകളും ഉണ്ടായിട്ടുണ്ട്. എന്നിരുന്നാലും ഇതുവരെ 17 ലക്ഷത്തില് താഴെ രജിസ്ട്രേഷനുകള് മാത്രമെ അണ്ടര്വാല്യൂവേഷന് പരിധിയില് വന്നിട്ടുള്ളൂ. മാത്രമല്ല, ഇവയില് 15ലക്ഷത്തോളം പരതികള് പിഴയടച്ച് തീര്പ്പാക്കിയവയാണ്. ശേഷിക്കുന്ന രണ്ട് ലക്ഷത്തോളം പരാതികള് നടപടിയുടെ വിവിധ ഘട്ടത്തിലാണ്. പോസ്റ്റുകളില് ആരോപിക്കുന്നതുപോലെ അനധികൃതമായി ഇത്തരമൊരു റിക്കവറിയിലേക്ക് കടന്നതല്ല. കേരള സ്റ്റാമ്പ് ആക്ട് പ്രകാരമുള്ള നടപടിക്രമമാണിത്. നികുതി വെട്ടിപ്പ് ശ്രദ്ധയില്പ്പെട്ടാല് റവന്യു റിക്കവറി നടപടികള് കൈക്കൊള്ളാന് ബന്ധപ്പെട്ട ഉദ്യോഗസ്ഥരോട് നിയമം നിര്ദ്ദേശിക്കുന്നുണ്ട്. ഇവിടെ 2017ന് ശേഷം പലവട്ടം അറിയിപ്പ് നല്കിയിട്ടും ചിലര് ഒറ്റത്തവണ തീര്പ്പാക്കല് പദ്ധതി പോലുള്ള അവസരം പ്രയോജനപ്പെടുത്തിയില്ല. അത്തരക്കാര്ക്കെിരെയാണ് റവന്യു റിക്കവറി നടപടി എടുക്കുന്നത്. നിയമപരമായി തന്നെയാണ് നടപടികള് പൂര്ത്തീകരിക്കുന്നത്, " സാജന് കുമാര് ഇന്ത്യാ ടുഡേയോട് പറഞ്ഞു. സര്ക്കാരിന് അടുത്തിടെ രജിസ്ട്രേഷന് വകുപ്പ് കൈമാറിയ രേഖയുടെ ചില പ്രസക്തഭാഗം താഴെ കാണാം. രജിസ്ട്രേഷന് വകുപ്പിന്റെ വിശദീകരണം അണ്ടര്വാല്യുവേഷന് നടപടിക്ക് വിധേയമായിട്ടുള്ള രജിസ്ട്രേഷനുകള് നിയമാനുസൃതമാക്കാന് 1997ല് ആണ് ആദ്യമായി ഒറ്റത്തവണ തീര്പ്പാക്കല് പദ്ധതി ആരംഭിച്ചത്. G.O.(P) No. 132/97/TD എന്ന ഉത്തരവ് പ്രകാരമുള്ള നടപടിക്ക് ശേഷം വിവിധ വര്ഷങ്ങളില് ഇത്തരത്തില് ഒറ്റത്തവണ തീര്പ്പാക്കല് നടപ്പാക്കിയിട്ടുണ്ട്. ഏറ്റവും ഒടുവിലായി 2018ലാണ് ഉത്തരവിറങ്ങിയത്. ഇതാണ് 2023 മാര്ച്ച് 31വരെ നീട്ടിയത്. 2010ന് മുന്പ് നടന്ന രജിസ്ട്രേഷന് അണ്ടര്വാല്യുവേഷനില് പിഴ ഈടാക്കുന്നത് സംബന്ധിച്ച് ചിലര് കോടതിയില് പോയിരുന്നു. ഇതേത്തുടര്ന്ന് ചില നടപടിക്രമങ്ങള് റദ്ദാക്കി. 2010ന് മുന്പ് 100 രൂപയ്ക്കും 50 രൂപയ്ക്കും ആധാരം രജിസ്റ്റര് ചെയ്തിരുന്നു എന്ന ആരോപണം വിശദമായി പരിശോധിക്കും. അത്തരം രജിസ്ട്രേഷനുകളാകാം അണ്ടര്വാല്യുവേഷന് വിധേയമായിട്ടുള്ളത്. കക്ഷികളുമായി നിരവധിതവണ കൂടികാഴച നടത്തി വിശദീകരണം കേട്ട ശേഷം മാത്രമാണ് റിക്കവറി നടപടിയിലേക്ക് പോയിട്ടുള്ളത്. കൂടാതെ ന്യായവില നിശ്ചയിക്കാത്ത കാലഘട്ടത്തില് നടന്നിട്ടുള്ള രജിസ്ട്രേഷനുകള് പ്രദേശത്തെ മതിപ്പുവില കണക്കാക്കിയാണ് നടന്നിട്ടുള്ളതെന്നും പ്രസ്തുത വിലയും കുറച്ച് കാണിച്ച് നടത്തിയ രജിസ്ട്രേഷനുകള് മാത്രമെ ചോദ്യം ചെയ്യപ്പെടുന്നുള്ളൂ എന്നും രജിസ്ട്രേഷന് വകുപ്പില് നിന്ന് വിവരം ലഭിച്ചു കേരള സ്റ്റാമ്പ് ആക്ട് കേരള സ്റ്റാമ്പ് നിയമ പ്രകാരമുള്ള നടപടിയെപ്പറ്റിയും ഞങ്ങള് പരിശോധിച്ചു. രജിസ്ട്രേഷനില് പാകപ്പിഴയുണ്ടെന്ന് സംശയം തോന്നിയാല് അണ്ടര്വാല്യുവേഷന് നടപടിക്രമത്തിന് വിധേയമാക്കാന് നിയോഗിക്കപ്പെട്ട ഉദ്യോഗസ്ഥര്ക്ക് അനുവാദമുണ്ട്. 1967 മുതല് ഇത് ബാധകമാണ്. കൂടാതെ 1997 മുതല് ഒറ്റത്തവണ തീര്പ്പാക്കല് പദ്ധതി അനുസരിച്ച് കുറഞ്ഞ സ്റ്റാമ്പ് വിലയുടെ 30% തുക പിഴ അടച്ച് രജിസ്ട്രേഷന് നടപടികള് പൂര്ത്തിയാക്കാനും ആക്ടില് അനുവാദമുണ്ട്. അതായത്, അണ്ടര്വാല്യുവേഷന് നടപടി ഇപ്പോഴത്തെ സര്ക്കാര് ആരംഭിച്ചതല്ല, മറിച്ച് കേരള നിയമസഭ പാസാക്കിയ മുദ്രപത്ര നിയമത്തില് അനുശാസിക്കുന്ന നടപടിക്രമമാണ്. ആക്ടിലെ പ്രസക്തഭാഗം താഴെ കാണാം. പ്രചാരത്തിലുള്ള വിവരം തെറ്റാണെന്ന് വ്യക്തമാക്കി കേരള പിആര്ഡിയുടെ ഫാക്ട് ചെക്ക് വിഭാഗവും വിശദീകരണം നല്കിയിട്ടുണ്ട്. അതേസമയം, വൈറല് പോസ്റ്റുകളില് ആരോപിക്കുന്നത് 2010ലാണ് ഭൂമിയുടെ ന്യായവില നിശ്ചയിക്കുന്നതെന്നും അതിനുശേഷമുള്ള രജിസ്ട്രേഷനുകള്ക്ക് മാത്രമെ അണ്ടര്വാല്യുവേഷന് അനുവദിക്കാന് നിയമപ്രകാരം സാധിക്കൂ എന്നാുമാണ്. ഈ പോസ്റ്റുകളില് പ്രതിപാദിച്ചിട്ടുള്ള അഡ്വ. വി.ടി പ്രദീപ് കുമാറിനോടും ഞങ്ങള് സംസാരിച്ചു. ഭൂമിയുടെ ന്യായവില നിര്ണയിച്ച ശേഷമുള്ള റിക്കവറി നടപടികള് മാത്രമാണ് നിയമപരമെന്ന നിലപാടാണ് അദ്ദേഹം പങ്കുവച്ചത്. " 2010നു മുന്പുള്ള ഇടപാടുകള് നിയമപ്രകാരമല്ലെന്ന് പറയുന്നതെങ്ങനെയാണ്. ഇതുസംബന്ധിച്ച് ചില കോടതിവിധകളുമുണ്ട്. ഇപ്പോഴത്തെ നടപടിക്രമം 2010ന് ശേഷമുള്ള രജിസ്ട്രേഷനുകള്ക്ക് മാത്രം ബാധകമായ രീതിയില് മാറ്റണം," പ്രദീപ് കുമാര് പറഞ്ഞു. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റുകളില് ആരോപിക്കുന്നതുപോലെ 35ലക്ഷം പേര്ക്ക് അണ്ടര്വാല്യുവേഷന് നോട്ടീസ് അയച്ചെന്നും സര്ക്കാര് കടക്കെണിയിലായ ശേഷമാണ് പഴയ ആധാരങ്ങള്ക്ക് പിഴ ഈടാക്കുന്നതെന്നുമുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് വ്യക്തം. സര്ക്കാര് കടക്കെണിയിലായ ശേഷം പ്രോപ്പര്ട്ടി അണ്ടര്വാല്യൂവേഷന്റെ പേരില് 35 ലക്ഷം പേര്ക്ക് നോട്ടീസ് അയച്ച് റവന്യു വകുപ്പ്. 1967 മുതല് സംസ്ഥാനത്ത് അണ്ടര്വാല്യുവേഷന് നടപ്പാക്കുന്നുണ്ട്. ഇതുവരെ 17 ലക്ഷത്തില് താഴെ പേര് മാത്രമാണ് ഇത്തരമൊരു നടപടിക്ക് വിധേയരായിട്ടുള്ളത് ഇവരില് 15 ലക്ഷം പേരും പിഴയടച്ച് നടപടികളില് നിന്ന് മോചിതരായിട്ടുമുണ്ട്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software