About: http://data.cimple.eu/claim-review/4148755ff9846c8b85ede03a5c34744d6f0a69ce02ba8636d1561f07     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • രാജ്യത്തെ ഗ്രാമീണ മേഖലയിലെ ജനങ്ങളുടെ തൊഴിലില്ലായ്മ പരിഹരിക്കുന്നതിനായി 2005ല് ആരംഭിച്ച അവിദഗ്ധ തൊഴില് പരിപാടിയാണ് മാഹാത്മാഗാന്ധി ഗ്രാമീണ തൊഴിലുറപ്പ് പദ്ധതി(MGNREG). 100 തൊഴില് ദിനങ്ങള് പ്രദാനം ചെയ്ത് ഗ്രാമ പ്രദേശങ്ങളിലെ ജനങ്ങളുടെ സാമ്പത്തിക അസ്ഥിരത പരിഹരിക്കുകയാണ് പദ്ധതിയുടെ ലക്ഷ്യം. കേരളത്തില് തൊഴിലുറപ്പ് പദ്ധതിയുടെ ഗുണഭോക്താക്കളില് ഏറെയും സ്ത്രീകളാണ്. ഉയര്ന്ന പ്രായപരിധിയില്ലാത്തതും, വിവിധ ഘട്ടങ്ങളിലായി വേതനം ഉയര്ത്തുന്നതും കാരണം നിരവധിപ്പേരാണ് ജോലിക്ക് എത്തുന്നത്. ഇപ്പോള് തൊഴിലുറപ്പ് ജോലിക്കാര്ക്ക് പ്രസവാനുകൂല്യം നല്കുന്ന ഒരു പദ്ധതിയെപ്പറ്റി സമൂഹമാധ്യമങ്ങളില് വ്യാപകമായി പ്രചാരണമുണ്ട്. കേന്ദ്ര സര്ക്കാരിന്റെ പുതിയ പദ്ധതിയാണിതെന്നും പ്രസവാനുകൂല്യമായി 7500 രൂപ ലഭ്യമാകുമെന്നും ഒരു പത്രവാര്ത്തയുടെ സ്ക്രീന്ഷോട്ട് സഹിതമാണ് അവകാശവാദം. "തൊഴിലുറപ്പ് തൊഴിലാളികള്ക്ക് സന്തോഷവാര്ത്ത തൊഴിലുറപ്പ് തൊഴിലാളികള്ക്ക് പ്രസവത്തിന് 7500രൂപ ;ചികിത്സയ്ക്ക് 10000 " എന്നു തുടങ്ങുന്ന കുറിപ്പിനൊപ്പം പ്രചരിക്കുന്ന പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്താനായി. ഇത് സംസ്ഥാന സര്ക്കാര് ആരംഭിച്ച തൊഴിലുറപ്പ് ക്ഷേമനിധി ബോര്ഡ് വഴി നല്കുന്ന പദ്ധതിയാണ്. അന്വേഷണം പോസ്റ്റുകളിലുള്ള വാര്ത്തയെപ്പറ്റിയാണ് ഞങ്ങള് ആദ്യം അന്വേഷിച്ചത്. വാര്ത്തയുടെ തലക്കെട്ട് ഉപയോഗിച്ച് ഗൂഗിളില് തിരഞ്ഞപ്പോള് മാതൃഭൂമി ഓണ്ലൈന് 2023 ഒക്ടോബര് 13ന് പ്രസിദ്ധീകരിച്ച സമാനമായ വാര്ത്ത ലഭ്യമായി. ഈ വാര്ത്ത പ്രകാരം സംസ്ഥാന സര്ക്കാര് രൂപീകരിച്ച തൊഴിലുറപ്പ് തൊഴിലാളികള്ക്കുള്ള ക്ഷേമനിധി ബോര്ഡ് വഴിയാണ് 7500 രൂപ പ്രസവാനുകൂല്യവും 10,000 രൂപ ചികിത്സാ ധനസഹായവും ലഭ്യമാക്കുന്നത്. കൂടാതെ 60 വയസു കഴിഞ്ഞവര്ക്ക് പെന്ഷന് ആനുകൂല്യവും നല്കും. പെന്ഷന് തുക സംബന്ധിച്ച് തീരുമാനം ആയിട്ടില്ലെന്നും റിപ്പോര്ട്ടിലുണ്ട്. മഹാത്മാഗാന്ധി ദേശീയ ഗ്രാമീണ തൊഴിലുറപ്പ്, അയ്യന്കാളി നഗരതൊഴിലുറപ്പ് എന്നീ പദ്ധതികളിലെ തൊഴിലാളികള്ക്കാണ് ക്ഷേമനിധിയില് ചേരാന് സാധിക്കുന്നത്. തൊഴില് കാര്ഡുള്ള, 20 ദിവസമെങ്കിലും ജോലി ചെയ്തവര്ക്ക് ക്ഷേമനിധിയില് അംഗത്വമെടുക്കാം. 50 രൂപ അംശാദായം, മൂന്ന് വര്ഷം അടയ്ക്കുന്ന വനിതകള്ക്കാണ് പ്രസവാനുകൂല്യമായി 7500 രൂപ ലഭ്യമാക്കുന്നത്. ഒരാള്ക്ക് പരാമാവധി രണ്ട് തവണ വരെ ആനുകൂല്യം ലഭിക്കും. ജോലിക്കിടെ അപകടമരണം സംഭവിച്ചാല് 75000 രൂപാ കേന്ദ്ര സര്ക്കാര് ധനസഹായം നല്കുന്നുണ്ട്. ഇതിനു പുറമെയാണ് ക്ഷേമനിധി ബോര്ഡ് വഴി സംസ്ഥാന സര്ക്കാര് ആനുകൂല്യം നല്കുന്നതെന്നും വാര്ത്തയിലുണ്ട്. വിശദമായ പരിശോധനയില് മാതൃഭൂമി പത്രത്തിലും ഇതേ വാര്ത്ത റിപ്പോര്ട്ട് ചെയ്തിരുന്നതായി കണ്ടെത്താനായി. മാതൃഭൂമി തിരുവനന്തപുരം എഡിഷനില് പ്രസിദ്ധീകരിച്ച വാര്ത്തയുടെ സ്ക്രീന്ഷോട്ട് താഴെ കാണാം. വാര്ത്ത നല്കിയ റിപ്പോര്ട്ടര് എം.കെ സുരേഷിനെ ഞങ്ങള് ബന്ധപ്പെട്ടു." സംസ്ഥാന സര്ക്കാര് നടപ്പാക്കുന്ന തൊഴിലുറപ്പ് ക്ഷേമനിധി ബോര്ഡ് വഴിയുള്ള ആനുകൂല്യങ്ങള് സംബന്ധിച്ച വാര്ത്തയാണിത്. സോഷ്യല് മീഡിയയില് പ്രചരിക്കുന്നത് കൊല്ലം എഡിഷനില് വന്ന വാര്ത്തയാണ്. തിരുവനന്തപുരം എഡിഷനില് മറ്റൊരു ലേ ഔട്ടിലാണ് വാര്ത്ത നല്കിയിരുന്നത്," എം.കെ സുരേഷ് പറഞ്ഞു. 2023 ഒക്ടോബര് ആറിന് കേരള ഗസറ്റില് പ്രസിദ്ധീകരിച്ച തൊഴിലുറപ്പ് തൊഴിലാളികള്ക്കുള്ള ക്ഷേമനിധി സംബന്ധിച്ച വിജ്ഞാപനവും ഞങ്ങള്ക്ക് ലഭ്യമായി. ഇതിലെ പ്രസക്തഭാഗം താഴെ കാണാം. ക്ഷേമനിധി ബോര്ഡിന്റെ ഉദ്ഘാടനം മെയ് 15ന് മുഖ്യമന്ത്രി പിണറായി വിജയന് നിര്വഹിക്കുന്ന വീഡിയോ MGNREGA മിഷന് ഡയറക്ടറുടെ ഔദ്യോഗിക ഫേസ്ബുക്ക് പേജില് പങ്കുവച്ചിരുന്നു. ബോര്ഡിന്റെ പ്രവര്ത്തനവും പെന്ഷന് ആനുകൂല്യങ്ങള് സംബന്ധിച്ച വിവരങ്ങളും ഇനിയും വരാനിരിക്കുന്നതേയുള്ളൂ. അംശാദായം അടച്ച് മൂന്നാം വര്ഷം മുതലാണ് ആനുകൂല്യങ്ങള് നല്കിത്തുടങ്ങുക. ഈ പദ്ധതി പൂര്ണ്ണമായും സംസ്ഥാന സര്ക്കാരിനു കീഴിലുള്ളതാണെന്ന് തദ്ദേശസ്വയംഭണ വകുപ്പ് മന്ത്രി എം.ബി രാജേഷിന്റെ ഓഫിസില് നിന്ന് സ്ഥിരീകരിച്ചു. "സംസ്ഥാന സര്ക്കാരിന് മാത്രം നിയന്ത്രണമുള്ള ക്ഷേമനിധി ബോര്ഡിന്റെ പദ്ധതിയാണിത്. പ്രചാരത്തിലുള്ള വാര്ത്തയും കൃത്യമാണ്. എന്നാല് ചിലര് ഇത് തെറ്റിദ്ധരിപ്പിക്കുന്ന രീതിയില് പങ്കുവയ്ക്കുകയാണ്, " മന്ത്രിയുടെ ഓഫിസില് നിന്ന് വ്യക്തമാക്കി. ലഭ്യമായ വിവരങ്ങളില് നിന്ന് തൊഴിലുറപ്പ് തൊഴിലാളികള്ക്കുള്ള പ്രസാവനുകൂല്യവും, ചികിത്സാ സഹായവും നല്കുന്നത് കേന്ദ്രസര്ക്കാര് പദ്ധതിയല്ലെന്നും സംസ്ഥാന സര്ക്കാരിന്റെ പദ്ധതിയാണെന്നും വ്യക്തമായി. തൊഴിലുറപ്പ് തൊഴിലാളികള്ക്ക് പ്രസവാനുകൂല്യമായി 7500 രൂപ നല്കുന്ന പദ്ധതിയുമായി കേന്ദ്രസര്ക്കാര്. സംസ്ഥാന സര്ക്കാര് രൂപീകരിച്ച തെിഴിലുറപ്പ് തൊഴിലാളികളുടെ ക്ഷേമനിധി ബോര്ഡ് വഴിയാണ് 7500 രൂപ പ്രസാവനുകൂല്യവും 10,000 രൂപ ചികിത്സാ സഹായവും നല്കുന്നത്. തൊഴിലുറപ്പ് ജോലിക്കാര്ക്കായി ക്ഷേമനിധി ബോര്ഡ് രൂപീകരിക്കുന്ന ആദ്യ സംസ്ഥാനമാണ് കേരളം.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software