| schema:text
| - Deputeti Gjyshinca thotë se nuk e ka lënë politikën
Deklarata
Gjyshinca i VV-së e lë politikën
Vlerësimi
Rrenë
Lajmi se “Gjyshinca i VV-së e lë politikën”- është i rremë. Deputeti i Lëvizjes Vetëvendosje, Gazmend Gjyshinca, thot se nuk e ka lënë politikën siç është raportuar nga Klan Kosova dhe disa media të tjera. Gjyshinca në një reagim në Facebook dhe në një bisedë për Krypometër ka thënë se informacioni është i rremë, pasi ai është duke bërë përgatitje për zgjedhjet e ardhshme dhe se vazhdon të mbetet pjesë e Grupit Parlamentar të LVV-së. Edhe Vetëvendosje në një përgjigje për Krypometër ka thënë se nuk kanë pranuar ndonjë dorëheqje nga Gjyshnica dhe se i njëjti vazhdon të jetë pjesë e Lëvizjes.
Artikulli
Më 28.08.2024 faqja në Facebook “Klan Kosova” (arkiva 1 dhe 2) ka publikuar një lajm përmes së cilit pretendojnë që deputeti i partisë Lëvizja Vetëvendosje e ka lënë politikën.
Lajmi në Klan Kosova ishte publikuar më titullin “Gjyshinca i VV-së e lë politikën”.
I njejti lajm u publikua edhe nga faqet Prishinapress (arkiva), Gazeta Stop (arkiva), Gazeta Bota Sot (arkiva), Bota Sot (arkiva).
Në lajmin fillestar të publikuar në “Klan Kosova” thuhej se “Deputeti i Lëvizjes Vetëvendosje, Gazmend Gjyshinca, ka vendosur të largohet nga politika. Kështu merr vesh Klan Kosova nga burimet e saj, VV-së”.
Pas publikimit të këtij lajmi, ka reaguar (arkiva) deputeti Gazmend Gjyshinca duke thënë se lajmi është i rremë.
“Lajmi i raportuar pak minuta më parë në TV KLAN KOSOVA, ku përmendet emri im, është lajm i rremë. Nuk pasqyron aspak të vërtetën, kësaj shpifje do t’i përgjigjem në mënyrë të merituar përmes rrugëve ligjore. VVazhdojmë përpara” – thuhet në reagimin e Gyshincës.
Pas reagimit publik të Gjyshincës, Klan Kosova e ka ndryshuar lajmin duke thënë se “Deputeti i Lëvizjes Vetëvendosje, Gazmend Gjyshinca, mund të largohet nga politika.”
Edhe pse e ka ndryshuar lajmin duke e lënë vetëm si mundësi largimin e Gjyshincës nga politika e jo më si çështje të kryer, Klan Kosova nuk e ka shtuar asnjë shënim për këtë redaktim që e ka bërë.
Ndërkohë që tekstin në ueb-faqe e kanë ndryshuar, lajmi vazhdon të mbetet i njëjtë në Youtube, pasi ishte transmetuar në edicionin qëndror të lajmeve në këtë televizion.
Krypometri ka kontaktuar me deputetin Gjyshinca, i cili thotë se nuk ka biseduar me askënd për mundësi largimi nga politika apo nga Grupi Parlamentar i VV-së.
“Nuk kam pasë asnjë bisedë lidhur me largimin tim prej politikës. Ka pasë biseda për me pa qysh po dojna me ecë tutje, në kuptimin që zgjedhjet janë përpara, me u organizu, fushata e të tjera por jo, asnjëherë nuk ka pasë diçka të tillë. Absolutisht jo, bile është bisedu që ma shumë me e shtu angazhimin. Unë vazhdoj të jem pjesë e grupit parlamentar, sot kam qenë gjithë ditën thuajse në Lëvizje, nuk ka diçka të tillë. Është lajm totalisht i pavërtetë”- deklaroi Gjyshinca.
Krypometër ka kontrolluar faqen e Kuvendit të Kosovës dhe aty Gjyshnica vazhdon të figurojë si anëtar i Grupit Parlamentar të Lëvizjes Vetëvendosje.
Krypometër ka kërkuar një përgjigje edhe nga Levizja Vetëvendosje.
Arlind Manxhuka, zëdhënës i partisë LVV, ka thënë se deputeti Gjyshinca nuk ka paraqitur ndonjë dorëheqje dhe se ai vazhdon të jetë pjesë e Lëvizjes.
“Jo, asnjëherë dhe as që është diskutuar diçka e ngjashme. Ai vazhdon të jetë pjesë e GP të LV-së”- deklaroi zëdhënësi i VV-së, Arlind Manxhuka.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)