| schema:text
| - Parkingu te Fakulteti Filologjik, Foto: Komuna e Prishtinës
Rrena për fillimin e ndërtimit të parkingut te Filologjiku
Deklarata
Genc Bashota: Kah fundi i nëntorit do ta kemi kompaninë e cila e nënshkruan kontratën me komunën edhe e fillon punën.
Vlerësimi
Rrenë
Genc Bashota kishte dhënë premtime tepër ambicioze se punimet në ndërtim të parkingjeve nëntokësore do të fillonin në muajin nëntor. Krypometri e kishte futur si deklaratë që duhet me u monitoru, meqë projekti i parkingjeve nëntokësore është nisur shumë kohë më parë dhe kishte çaluar, prandaj realizimi i tij është me interes të qytetarëve. Por, ky zotim i Bashotës ka dal të jetë i rremë. Ky projekt ende është në procedura dhe nuk pritet të finalizohet deri në muajin shkurt, nëse gjithçka shkon siç është planifikuar.
Artikulli
Drejtori për Planifikim Strategjik dhe Zhvillim të Qëndrueshëm në Prishtinë, Genc Bashota kishte deklaruar se ndërtimi i parkingut nëntokësor te Fakulteti Filologjik do të fillonte në fund të muajit nëntor. Por, punimet ende nuk kanë filluar.
“Kah fundi i nëntorit do ta kemi kompaninë e cila e nënshkruan kontratën me komunën edhe e fillon punën”, kishte deklaruar Bashota në një konferencë për media në muajin gusht.
Por, kompania e cila do të fillojë ndërtimin e parkingut nëntokësor nuk është përzgjedhur ende. Janë përzgjedhur vetëm 4 kompani/konsorciume të cilat kanë kaluar fazën e kualifikimit (fazën e parë, nga tri fazat që ka partneriteti publiko-privat).
Këto 4 kompani janë kualifikuar për fazën e radhës që është “kërkesa për propozim”.
Zyrtari për Komunikim në Komunën e Prishtinës, Adonis Tahiri ka thënë për Kallxo.com se procedura është hapur para një jave dhe kërkesa do të jetë e hapur deri më 21 janar 2019.
“Pas kësaj date komisioni vlerëson ofertat, dhe më pas përzgjedhë kompaninë fituese”, është shprehur Tahiri.
Ai ka shtuar se kompania/konsorciumi që do të ndërtojë parkingun nëntokësor nuk është përzgjedhur deri me tani, sepse gjate fazës se kërkesës për kualifikim, ka pasur ankesa nga kompanitë që janë eliminuar.
“Sipas procedurave te prokurimit, këto ankesa janë trajtuar ashtu siç e parasheh ligji, dhe kanë marrë kohë. Përkundër deklaratës së drejtorit, çështja e ankesave dhe kohëzgjatje e përgjigjeve ndaj tyre nuk mund të prejudikohet”, ka theksuar Tahiri.
Parkingu Nëntokësor tek Fakulteti Filologjik, është një nga projektet e mëdha të kryeqytetit që do të ndërtohet përmes Partneritetit Publiko-Privat.
Sipërfaqja e ndarë për parking nëntokësor është 13,990 metra katrorë, dhe është planifikuar që të ndërtohen në 2 etazhe.
“Ndërtimi pritet të zgjasë 18 muaj”, ka njoftuar ai përderisa tregoi se komuna do ta nënshkruajë kontratën me kompaninë në fund të nëntorit.
Disniveli në pjesën perëndimore të lokacionit, mund të shfrytëzohet për ndërtimin e disa lokaleve afariste, në sipërfaqe të përgjithshme prej 500 metrash katrorë. Një prej pjesëve të rëndësishme të këtij projekti, është parku mbi parking, i cili do të jetë edhe Parku Qendror i kryeqytetit.
“Hapësira mbi sipërfaqe do të kthehet në park. Edhe tash ka gjelbërim por duhet t’i jepet shpirt kësaj hapësire. Lokale do të ketë vetëm në rrugën ‘George Bush’ afër Radio Kosovës”, kishte deklaruar Bashota në një konferencë për media në muajin gusht.
Bashota ka thënë se deri në fillim e punimeve, janë tri faza procedurale nëpër të cilat duhet të kalohet: shpallja e kërkesës për kualifikim, shpallja e kërkesës për propozim dhe përzgjedhja e ofertuesit më të suksesshëm.
Në muajin shtator, Kallxo.com kishte futur në krypometër deklaratën e drejtorit Genc Bashota.
Në pritje të fillimit të ndërtimit të parkingut te Filologjiku në Prishtinë
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)