| schema:text
| - ഇക്കഴിഞ്ഞ 19ന് തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് നേരിട്ട തമിഴ്നാട്ടില് മികച്ച രാഷ്ട്രീയ പോരാട്ടമാണ് നടന്നത്. ഭരണ മുന്നണിയായ ഡിഎംകെ മൃഗീയ ഭൂരിപക്ഷത്തോടെ വിജയിച്ച് കയറിയപ്പോള് പ്രമുഖ പാര്ട്ടിയായ എഐഎഡിഎംകെയ്ക്ക് അല്പം ക്ഷീണമായി. ഡിഎംകെയോടൊപ്പമുള്ള കോണ്ഗ്രസിനും അഞ്ഞൂറിലേറെ സീറ്റുകള് നേടാനായിട്ടുണ്ട്. എന്നാല് സിപിഎമ്മിന് ലഭിച്ച വോട്ടു നിലയെപ്പറ്റി ചില പ്രചാരണങ്ങള് സമൂഹമാധ്യമങ്ങളില് വ്യാപകമാണ്. 400 സീറ്റുകള് നേടി സിപിഎം മുന്നേറ്റം നടത്തിയെന്നാണ് പ്രചാരണം.
'തമിഴകത്തു വിരിഞ്ഞ ചുവന്നു തുടുത്ത പൂക്കള്ക്ക് മാവേലി നാടിന്റെ അഭിവാദ്യങ്ങള് CPIM മത്സരിച്ച 444 സീറ്റുകളില് 400 ലും വിജയിച്ചിരിക്കുന്നു' എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം.
എന്നാല്, പ്രചരിക്കുന്ന വാദം തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക്ന്യൂസ് വാര് റൂം(AFWA) കണ്ടെത്തി. ഔദ്യഗിക കണക്കുകള് പ്രകാരം സിപിഎം വിജയിച്ചത് 166 സീറ്റുകളിലാണ്.
AFWA അന്വേഷണം
തമിഴ്നാട്ടിലെ തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് ഫലം വന്നത് 22നാണ്. വമ്പിച്ച മുന്നേറ്റത്തോടെ ഡിഎംകെയ്ക്ക് വിജയം നേടാനായത് മുഖ്യമന്ത്രി എം.കെ.സ്റ്റാലിന്റെ നേതൃത്വത്തിലുള്ള തമിഴ്നാട് സര്ക്കാരിന്റെ അഭിമാന നേട്ടമായാണ് വിലയിരുത്തുന്നത്. ഭരണപക്ഷ വികാരം തീരെയില്ലെന്ന സൂചനയാണ് ലഭിച്ചത്. ഡിഎംകെയോടൊപ്പമുള്ള കോണ്ഗ്രസ്, സിപിഎം, സിപിഐ, മുസ്ലീം ലീഗ് എന്നീ പാര്ട്ടികള്ക്കും താരതമ്യേന മികച്ച രീതിയില് വിജയിക്കാനായിട്ടുണ്ട്. കൂടാതെ ബിജെപിക്ക് ഒറ്റയക്ക് നിന്നുകൊണ്ട് മികച്ച സാന്നിധ്യം ഉറപ്പിക്കാനായത് തുറക്കാനായത് സംസ്ഥാന പ്രസിഡന്റായ മുന് ഐപിഎസ് ഓഫിസര് അണ്ണാമലെയുടെ വിജയമായാണ് സമൂഹമാധ്യമങ്ങള് ആഘോഷിക്കുന്നത്.
അതേസമയം, സിപിഎം വിജയത്തെപ്പറ്റിയുള്ള പോസ്റ്റിന്റെ നിജസ്ഥിതി ഞങ്ങള് പരിശോധിച്ചു. മാധ്യമങ്ങള് നല്കിയിട്ടുള്ള റിപ്പോര്ട്ടുകള് പ്രകാരം പ്രചാരണം തെറ്റാണെന്ന് മനസിലാക്കാനായി. തുടര്ന്ന്, തമിഴ്നാട് ഇലക്ഷന് കമ്മിഷന് വെബ്സൈറ്റില് നല്കിയിരിക്കുന്ന വിവരം ഞങ്ങള് പരിശോധിച്ചു. ഇതുപ്രകാരം 7701 സീറ്റുകളില്(കോര്പ്പറേഷന്-952, മുനിസിപ്പാലിറ്റി-2360, പഞ്ചായത്ത്-4389) വിജയം നേടി ഡിഎംകെയാണ് ഒന്നാമതെത്തിയത്. രണ്ടാമത്ത പാര്ട്ടിയായ എഐഎഡിഎംകെയ്ക്ക് ആകെ നേടാനായത് 2008 വോട്ടുകളാണ്(കോര്പ്പറേഷന്-164, മുനിസിപ്പാലിറ്റി-638, പഞ്ചായത്ത്-1206).
സിപിഎമ്മിന് നേടാനായത് 166 വോട്ടുകളാണ്. കോര്പ്പറേഷന്-24, മുനിസിപ്പാലിറ്റി-41,പഞ്ചായത്ത്-101 എന്നിങ്ങനെയാണ് സിപിഎമ്മിന്റെ സീറ്റ് നില. കോണ്ഗ്രസ്-592, ബിജെപി-308, സപിഐ-58 എന്നിങ്ങനെയാണ് മറ്റ് പാര്ട്ടികള്ക്ക് നേടാനായ വോട്ടുകളുടെ എണ്ണം.
തിരഞ്ഞെടുപ്പ് വെബ്സൈറ്റിലെ വിവരം തമിഴിലാണ് നല്കിയിട്ടുള്ളത്. ഇതിന്റെ ഇംഗ്ലീഷ് പരിഭാഷയില് നിന്നുള്ള സ്ക്രീന്ഷോട്ട് താഴെ കാണാം.
ഇന്ത്യന് എക്സ്പ്രസ് നല്കിയ റിപ്പോര്ട്ടില് ആകെ വോട്ടു നിലയുടെ ഒരു പട്ടിക നല്കിയിട്ടുണ്ട്. മറ്റ് മാധ്യമങ്ങളും സമാനമായ കണക്കുകളാണ് പങ്കുവച്ചിട്ടുള്ളത്. കേരളത്തില് പ്രബലമായ മുന്നണികളുടെ തമിഴ്നാട്ടിലെ സ്ഥിതി വ്യക്തമാക്കി മലയാള മാധ്യമങ്ങളും വാര്ത്തകള് നല്കിയിരുന്നു.
ലഭ്യമായ വിവരങ്ങളില് നിന്ന് തമിഴ്നാട്ടില് സിപിഎം 400 സീറ്റുകളില് വിജയിച്ചു എന്ന പ്രചാരണം തെറ്റാണെന്ന് വ്യക്തമായി.
തമിഴ്നാട്ടില് മത്സരിച്ച 444 സീറ്റുകളില് 400 എണ്ണത്തിലും വിജയിച്ച് സിപിഎം.
തമിഴ്നാട്ടില് കഴിഞ്ഞ ദിവസം(2022 ഫെബ്രുവരി 19ന്) നടന്ന തദ്ദേശ തിരഞ്ഞെടുപ്പില് 166 സീറ്റുകളിലാണ് സിപിഎം വിജയിച്ചത്.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)