About: http://data.cimple.eu/claim-review/4b3601c7c083d3c18d4f3cd91936e08e8d926a7326d1630a21dfd8d8     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തിരുവനന്തപുരത്ത് നടന്ന ഹിന്ദു മഹാസമ്മേളനത്തില് പങ്കെടുത്തുകൊണ്ട് ഖത്തറിലെ മലയാളം മിഷന് കോര്ഡിനേറ്ററായ ദുര്ഗാദാസ് ശിശുപാലന്, നഴ്സുമാര്ക്കെതിരെ നടത്തിയ പരാമര്ശം ഏറെ വിവാദമായിരുന്നു. 'ഗള്ഫ് രാജ്യങ്ങളിലേക്ക് നഴ്സുമാരെ റിക്രൂട്ട് ചെയ്യുന്നത് തീവ്രവാദികള്ക്ക് ലൈംഗീക അടിമകളാക്കാനാണ്' എന്നായിരുന്നു ദുര്ഗാദാസിന്റെ പ്രതികരണം. നഴ്സുമാരുടെയും പ്രവാസിസംഘടനകളുടെയും പ്രതിഷേധത്തിനൊടുവില് ദുര്ഗാദാസിനെ കോര്ഡിനേറ്റര് സ്ഥാനത്ത് നിന്ന് ഖത്തര് മലയാളം മിഷന് പുറത്താക്കി. ഈ സംഭവത്തെത്തുടര്ന്ന് ദുര്ഗാദാസിനെ അനുകൂലിച്ചും പ്രരതികൂലിച്ചും നിരവധി പോസ്റ്റുകളാണ് സമൂഹമാധ്യമങ്ങളില് പ്രചരിക്കുന്നത്. മലയാളികള് ഉള്പ്പെടുന്ന അന്താരാഷ്ട്ര സെക്സ് റാക്കറ്റ് ഖത്തറില് പിടിയില് എന്നുള്ള ഒരു വാര്ത്ത ഇത്തരത്തില് പ്രചരിക്കുന്നുണ്ട്. 'ഹിന്ദു മഹാ സമ്മേളനത്തില് പറഞ്ഞ ചില കാര്യങ്ങള് ഇന്ന് വലിയ രീതിയില് ചര്ച്ച ആകുമ്പോള്.........' എന്ന തലക്കെട്ടോടെ പ്രചരിക്കുന്ന വീഡിയോയുടെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്നത് തെറ്റിദ്ധരിപ്പിക്കുന്ന വിവരമാണെന്ന് ഇന്ത്യാ ടുഡേ ആന്റി ഫേക്ക്ന്യൂസ് വാര് റൂം(AFWA) കണ്ടെത്തി. ഇത് വര്ഷങ്ങള് പഴക്കമുള്ള വാര്ത്തയാണ്. AFWA അന്വേഷണം പ്രചരിക്കുന്ന പോസ്റ്റിനൊപ്പമുള്ളത് ഏഷ്യനെറ്റ് ന്യൂസ് നല്കിയ വാര്ത്തയാണ്. ഖത്തറില് വന് സെക്സ് റാക്കറ്റ് എന്ന് വെളിപ്പെടുത്തിക്കൊണ്ട് പീഡനത്തിന് ഇരയായ സ്ത്രീയുടെ പ്രതികരണം ഉള്പ്പെടെ നല്കിയ വാര്ത്തയാണിത്. തിരുവനന്തപുരം വിമാനത്താവളത്തിലെ ചില ഉദ്യോഗസ്ഥരുടെ ഒത്താശയോടെ തമ്പാനൂരിലെ ഒരു ട്രാവല്സാണ് ഇത്തരത്തില് സ്ത്രീകളെ ഖത്തറിലേക്ക് കയറ്റിവിടുന്നതെന്നാണ് വാര്ത്തയില് പറയുന്നത്. വാര്ത്തയില് പ്രതികരിക്കുന്ന സ്ത്രീ പറയുന്നത് ഖത്തറിലെ തുമാമ എന്ന സ്ഥലത്ത് തന്നെ എത്തിച്ചത് നജീബ് എന്നയാള് ആണെന്നും ഡെ കെയര് ജീവനക്കാരിയുടെ ജോലിക്ക് വേണ്ടി ഒരു ലക്ഷം രൂപയിലേറെ പണം നല്കിയാണ് വിസ നേടിയതെന്നുമാണ്. ചതിക്കപ്പെട്ടവിവരം അറിയുന്നത് ഖത്തറിലെത്തിയ ശേഷമാണെന്നും സ്ത്രീ പറയുന്നുണ്ട്. വാര്ത്തയില് നിന്ന് ലഭ്യമായ സൂചനകള് ഉപയോഗിച്ച് തിരഞ്ഞപ്പോള് ഏഷ്യനെറ്റ് ന്യൂസ് നല്കിയ ഇതേ റിപ്പോര്ട്ട് കണ്ടെത്താനായി. 2016 നവംബര് 28നാണ് ഏഷ്യനെറ്റ് ഈ വാര്ത്ത നല്കിയതെന്ന് വ്യക്തമായി. യഥാര്ഥ റിപ്പോര്ട്ട് താഴെ കാണാം. സമാനമായ വാര്ത്ത മറ്റ് മാധ്യമങ്ങളും നല്കിയതായി കണ്ടെത്താനായി. ഖത്തറില് സെക്സ് റാക്കറ്റ് പിടികൂടിയതുമായി ബന്ധപ്പെട്ട് സമീപകാലത്ത് വാര്ത്തകള് എന്തെങ്കിലും ഉണ്ടോ എന്നും ഞങ്ങള് പരിശോധിച്ചു. എന്നാല് ഇത്തരത്തില് റിപ്പോര്ട്ടുകളൊന്നു കാണാനായില്ല. ഓണ്ലൈന് ആപ്പുകളെപ്പറ്റിയുള്ള വാര്ത്തയാണ് സെക്സ് റാക്കറ്റുമായി ബന്ധപ്പെട്ട് അടുത്തിടെ വന്നത്. അതേസയമയം, ദുര്ഗാദാസ് ശിശുപാലന് നഴ്സുമാര്ക്കെതിരെ നടത്തിയ പരാമര്ശത്തെ തുടര്ന്ന് മലയാളം മിഷന് കോര്ഡിനേറ്റര് സ്ഥാനത്തു നിന്ന് നീക്കിയതിനു പുറമെ സ്വകാര്യ കമ്പനിയിലെ ജോലിയില് നിന്നും അയാളെ പിരിച്ചുവിട്ടിരുന്നു. ഇതിനെതിരെ അന്വേഷണം നടത്താന് കേന്ദ്ര സര്ക്കാരിനെ സമീപിക്കുമെന്ന് ദുര്ഗാദാസ് പറഞ്ഞിരുന്നു. ഈ സംഭവത്തിനുശേഷമാണ് പഴയ വീഡിയോകള് പ്രചരിക്കുന്നത്. എന്നാലിത് നഴ്സുമാരുടെ റിക്രൂട്ട്മെന്റുമായി യാതൊരു ബന്ധവുമില്ലാത്ത സംഭവമാണ്. വാര്ത്തയില് പ്രതികരിക്കുന്ന സ്ത്രീയുടെ വാക്കുകളില് നിന്നുതന്നെ വ്യക്തമാകുന്നത് അതിവിദഗ്ധ തൊഴിലിന്റെ പേരില് നടക്കുന്ന തട്ടിപ്പെന്നാണ്. വീട്ടുജോലി, ഡെകെയര്, ഹെല്പ്പര് തുടങ്ങിയ തസ്തികകളിലേക്ക് സ്വകാര്യ ഏജന്സികളാണ് ഇത്തരത്തില് വന് സാലറി ഓഫര് ചെയത് സ്ത്രീകളെ കബളിപ്പിക്കുന്നത്. നഴ്സിംഗ് ഉള്പ്പെടെയുള്ള പ്രഫഷണല് ജോലികള്ക്ക് ഇപ്പോള് നോര്ക്കറൂട്ട് വഴിയാണ് രജിസ്ട്രേഷന് നടക്കുന്നത്. അതിനാല് തന്നെ താരതമ്യേന പറ്റിക്കപ്പെടാനുള്ള സാധ്യത വിരളമാണ്. ലഭ്യമായ വിവരങ്ങളില് നിന്ന് ഖത്തറിലെ പഴയ സെക്സ് റാക്കറ്റ് വാര്ത്ത ഇപ്പോള് തെറ്റായ വിവരണത്തോടെ പങ്കിടുന്നതാണെന്ന് വ്യക്തം. ഖത്തറില് മലയാളികള് ഉള്പ്പെടുന്ന വന് സെക്സ് റാക്കറ്റ് പിടിയിലായി, ഇതാണ് ഹിന്ദു മഹാസമ്മേളനത്തില് കഴിഞ്ഞദിവസം ഉന്നയിച്ച വിഷയം സമീപകാലത്തെ റിപ്പോര്ട്ട് എന്ന രീതിയില് പ്രചരിക്കുന്ന ഈ വാര്ത്ത 2016ലേതാണ്. തിരുവനന്തപുരത്ത് നടന്ന ഹിന്ദുമഹാസമ്മേളനത്തില് ഖത്തര് മലയാളംമിഷന് കോര്ഡിനേറ്റര് ആയിരുന്ന ദുര്ഗാദാസ് ശിശുപാലന് നഴ്സുമാരുടെ റിക്രൂട്ട്മെന്റിനെ പരമാര്ശിച്ച് പ്രതികരണം നടത്തിയ ശേഷമാണ് ഈ വാര്ത്ത ഇപ്പോള് ഷെയര് ചെയ്യപ്പെടുന്നത്. നഴ്സുമാരുടെ റിക്രൂട്ട്മെന്റുമായി ഇതിന് യാതൊരു ബന്ധവുമില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software