About: http://data.cimple.eu/claim-review/4cf0b48341a5ee853ed1e2eb79a23f918f71e0af7f70e84072072105     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • തിരുപ്പതി വെങ്കടേശ്വര ക്ഷേത്രം, ഇന്ത്യയിലെ ഏറ്റവും സമ്പന്നമ്മായ ക്ഷേത്രങ്ങളില് ഒന്നാണ്. ആന്ധ്രപ്രദേശ് സംസ്ഥാന സര്ക്കാരിന്റെ നിയന്ത്രണത്തിലുള്ള തിരുമല തിരുപ്പതി ദേവസ്ഥാനം(TTD) ആണ് ക്ഷേത്രത്തിന്റെ ഭരണം നിര്വഹിക്കുന്നത്. ശ്രീകോവിലില് നിന്ന് പൂജിച്ച് നല്കുന്ന ലഡുവാണ് ഇവിടുത്തെ പ്രധാന വഴിപാട്. തിരുപ്പതി ലഡുവിന് പ്രത്യേകതകളും ഏറെയാണ്. പുങ്ങാനൂര് പശുക്കളില് നിന്ന് ലഭിക്കുന്ന പാല് മാത്രമെ തിരുപ്പതി ക്ഷേത്രത്തില് ഭഗവാന് അഭിഷേകം ചെയ്യാന് എടുക്കൂവെന്നും ലഡു നിര്മാണത്തിന് ഉപയോഗിക്കുന്നത് ഇതേ പശുവിന് പാലില് നിന്ന് ലഭിക്കുന്ന നെയ്യ് മാത്രമാണെന്നും സമൂഹമാധ്യമങ്ങളില് പ്രചരിക്കുന്ന സന്ദേശത്തില് പറയുന്നു. ' 'ഇതാണു പൂങ്ങാനൂര് പശു' ?????????????????????? ഈ പശുവിന്റെ പാല് മാത്രമാണു തിരുപ്പതി ക്ഷേത്രത്തില് ക്ഷീരാഭിഷേകത്തിനു ഉപയോഗിക്കുന്നത്. ലഡ്ഡു പ്രസാദത്തിന് ഈ വര്ഗ്ഗത്തിലുള്ള പശുവിന്റെ നെയ്യാണുപയോഗിക്കുന്നത്. .... ഈ വിശുദ്ധ പശുവിന്റെ ദര്ശനംപോലും പുണ്യമായി കരുതുന്നു.... 'തിരുപ്പതി വെങ്കിടേശ്വര' ' എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ ആന്റി ഫേക്ക് ന്യൂസ് വാര് റൂം(AFWA) കണ്ടെത്തി. തിരുപ്പതിയില് പുങ്ങാനൂര് പശുവിന്റെ പാല് മാത്രമല്ല, മറ്റ് പശുക്കളുടെ പാലും ഉപയോഗിക്കും. AFWA അന്വേഷണം ഇത് വര്ഷങ്ങളായി പ്രചാരത്തിലുള്ള പോസ്റ്റാണെന്ന് ഞങ്ങളുടെ അന്വേഷണത്തില് മനസിലാക്കാനായി. ഇത്തരമൊരു വാര്ത്ത പ്രചരിച്ചപ്പോള് 2019ല് തിരുമല ദേവസ്ഥാനം ഇത് നിഷേധിച്ചിരുന്നു. അന്ന് ഞങ്ങളുടെ പ്രതിനിധി തിരുമല ദേവസ്ഥാനവുമായി ബന്ധപ്പെട്ട് ഇക്കാര്യം സ്ഥിരീകരിച്ചിരുന്നു. ദേവസ്ഥാനം നേരിട്ട് ഒരു ആധുനിക ഗോശാല നടത്തുന്നുണ്ട്. ക്ഷേത്രത്തിലേക്ക് ആവശ്യമായ പാലും മറ്റ് പാലുത്പ്പന്നങ്ങളും ഇവിടെ നിന്നു തന്നെയാണ് നല്കുന്നത്. ഫാം ഡയറക്ടറായിരുന്ന ഹര്നാഥ് റെഡ്ഡിയെ ബന്ധപ്പെട്ട ഞങ്ങളുടെ പ്രതിനിധിയോട് അദ്ദേഹം വ്യക്തമാക്കിയത് പ്രചാരത്തിലുള്ള പോസ്റ്റ് തെറ്റാണെന്ന വിവരമാണ്. ' 3000 ത്തോളം പശുക്കളാണ് ഈ ഗോശാലയില് ഉള്ളത്. തീര്ച്ചയായും പുങ്ങാനൂര് പശുക്കളും നമ്മുടെ പക്കലുണ്ട്. ഇവ വംശനാശഭീഷണി നേരിടുന്നവയാണ്. അതിനാല് ഇവയെ പ്രത്യേകം പരിപാലിച്ച്, സംരക്ഷിച്ച് പോരുന്നുണ്ട്. ഇവയില് നിന്ന് കുറച്ച് പാല് മാത്രമെ ലഭിക്കൂ. ക്ഷേത്രത്തില് അഭിഷേകം നടത്തുന്നതിന് ഉള്പ്പടെ ഈ ഗോശാലയില് നിന്നാണ് പാല് നല്കുന്നത്. ഓംഗോള്, ഗിര്, സഹിവാല് ഇനത്തിലുള്ള പശുക്കളാണ് ഇവിടെ കൂടുതലുുള്ളത്. ഇവയുടെ എല്ലാം പാല് ക്ഷേത്രത്തിലേക്ക് നല്കുന്നുണ്ട്. ഞങ്ങളുടെ ഫാമിന്റെ പ്രധാന ലക്ഷ്യം പശുക്കളെ പരിപാലിക്കുക എന്നതാണ്. ''റെഡ്ഡി പറഞ്ഞു. ഇതില് നിന്നു തന്നെ ഗോശാലയിലെ എല്ലാ ഇനം പശുക്കളുടെ പാലും ക്ഷേത്രത്തില് ഉപയോഗിക്കുന്നുണ്ട് എന്ന് വ്യക്തമാണ്. തിരുപ്പതി ഗോശാലയുടെ ചിത്രങ്ങളും വീഡിയോകളും ലഭ്യമാണ്. തെലുങ്കു ചാനലായ എന്ടിവിയുടെ ഒരു റിപ്പോര്ട്ടില് തിരുപ്പതി ഗോശാലയുടെ വീഡിയോ നല്കിയിട്ടുണ്ട്. ഇതു താഴെ കാണാം. പുങ്ങാനൂര് പശുക്കളെ സംരക്ഷിക്കുന്നതുമായി ബന്ധപ്പെട്ട് ദി ഹിന്ദു നല്കിയ റിപ്പോര്ട്ടും ലഭ്യമായി. തിരുപ്പതി വെങ്കിടേശ്വര ക്ഷേത്രത്തില് ഭഗവാന് നേദിക്കുന്നത് പുങ്ങാനൂര് പശുവിന്റെ പാലാണെന്ന് ഈ ലേഖനത്തില് പറയുന്നുണ്ട്. എന്നാല് ഇത് തെറ്റിദ്ധരിപ്പിക്കുന്ന വിവരമാണെന്ന് ടിടിഡി പിആര്ഒ രവി വ്യക്തമാക്കി. 'ഞങ്ങളുടെ ഫാമില് എല്ലാ ഇനം പശുക്കളുമുണ്ട്. ഇവയുടെ എല്ലാം പാലും പാല് ഉത്പന്നങ്ങളും ക്ഷേത്രത്തില് ഉപയോഗിക്കുന്നുണ്ട്. ' രവി പറഞ്ഞു. പുങ്ങാനൂര് പശുവിന്റെ പ്രത്യേകതകള് ആന്ധ്രപ്രദേശിലെ ചിറ്റൂര് ജില്ലയിലുള്ള പുങ്ങാനൂര് എന്ന പ്രദേശമാണ് ഈ പശുക്കളുടെ ജന്മദേശം. വളരെ ഉയരം കുറഞ്ഞ ഇനം പശുക്കളാണ് ഇവ. വെളുപ്പ്, തവിട്ട് എന്നീ നിറങ്ങളിലാണ് പൊതുവെ ഇവ കാണപ്പെടുന്നത്. സാധാരണ പാലിനെക്കാള് കൊഴുപ്പ് കൂടിയ ഇനമാണ് പുങ്ങാനൂര് പശുവിന് പാല്. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റില് പറയുന്നതുപോലെ തിരുപ്പതി ക്ഷേത്രത്തില് പുങ്ങാനൂര് പശുവിന്റെ പാല് മാത്രമല്ല ഗോശാലയിലുള്ള എല്ലാ ഇനം പശുക്കളുടെയും പാല് ഉപയോഗിക്കാറുണ്ടെന്ന് വ്യക്തം. ചിത്രത്തില് കാണുന്നത് പുങ്ങാനൂര് പശുക്കളാണ്, ഇവയുടെ പാല് മാത്രമാണ് തിരുപ്പതി വെങ്കിടേശ്വര ക്ഷേത്രത്തില് അഭിഷേകത്തിന് ഉപയോഗിക്കുന്നത്. വര്ഷങ്ങളായി പ്രചാരത്തിലുള്ള ഈ പോസ്റ്റില് പറയുന്നത് തെറ്റിദ്ധരിപ്പിക്കുന്ന വിവരമാണെന്ന് തിരുപ്പതി ദേവസ്ഥാനം അധികൃതര് തന്നെ വ്യക്തമാക്കിയിട്ടുണ്ട്. തിരുപ്പതി ക്ഷേത്രത്തിലെ ഗോശാലയിലുള്ള എല്ലാ പശുക്കളുടെയും പാല് ഇവിടെ അഭിഷേകത്തിനും നിവേദ്യം തയാറാക്കാനും ഉപയോഗിക്കാറുണ്ട്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software