| schema:text
| - Fotografi e manipuluar e ish-Kryeministrave me llogon e partisë Lista Serbe
Deklarata
Fotografia në të cilën shihet ish- Presidenti Hashim Thaçi, kryetari i AAK, Ramush Haradinaj, ish-kryetari i LDK, Isa Mustafa dhe ish-Kryetari i Listës Serbe, Goran Rakiq
Vlerësimi
Rrenë
Është e manipuluar fotografia në të cilën shihet ish- Presidenti Hashim Thaçi, kryetari i AAK, Ramush Haradinaj, ish-kryetari i LDK, Isa Mustafa dhe ish-Kryetari i Listës Serbe, Goran Rakiq. Fotografia e publikuar është paraqitur sikur të ishte poster për zgjedhje, mirëpo Krypometër përmes verifikimit në Komisionin Qendror të Zgjedhjeve ka gjetur se këta katër liderë asnjëherë nuk kanë garuar në një listë të përbashkët.
Artikulli
Më 17.11.2024, një profil në Facebook ka publikuar një fotografi (arkiva) në të cilën shihet ish- Presidenti Hashim Thaçi, kryetari të AAK, Ramush Haradinaj, ish-kryetari i LDK, Isa Mustafaës dhe ish- Kryetari i Listës Serbe, Goran Rakiq.
Përmes kërkimit të fotografisë “Tin Eye (arkiva)”, Krypometër ka gjetur se në fotografinë e dytë janë vendosur fotografitë e Hashim Thaçit, Ramush Haradinajt dhe Isa Mustafës mbi logon e partisë serbe Lista Serbe.
Krypometër ka kontaktuar edhe me ish- këshilltarin e presidentit Thaçi, Artan Behrami, i cili ka thënë se fotografia është e manipuluar.
“Kjo është fotografi e manipuluar me qëllim të dezinformimit. Prandaj këto foto janë të montuara rrjedhimisht, të rrejshme”- është shprehur Behrami për Krypometrin.
Fotografia e publikuar është paraqitur sikur të ishte poster për zgjedhje, mirëpo Krypometër përmes verifikimit në Komisioni Qendrore të Zgjedhjeve ka gjetur se këta katër liderë asnjëherë nuk kanë garuar me një listë të përbashkët.
Në anën tjetër, në tri palë zgjedhjet e fundit, Aleanca për Ardhmërinë e Kosovës, sipas të dhënave të publikuara në Komisionin Qendror të Zgjedhjeve, nuk ka pasur koalicion me Listën Serbe. Në 2017-tën, AAK kishte lidhur koalicion me Partinë Demokratike të Kosovës, Nisma për Kosovën, Partia e Drejtësisë, Lëvizja për Bashkim, Partia Shqiptare Demokristiane e Kosovës, Partia Konservatore e Kosovës, Alternativa Demokratike e Kosovës, Republikanët e Kosovës, Partia e Ballit, Partia Socialdemokrate dhe Balli Kombëtar i Kosovës.
Ky koalicion kishte arritur të fitojë 33.74% të votave. Në zgjedhjet e vitit 2019, AAK kishte lidhur koalicion me Partinë Socialdemokrate dhe patën arritur të fitojnë 11.51% të votave.
Edhe Lidhja Demokratike e Kosovës dhe Partia Demokratike e Kosovës asnjëherë nuk kanë garuar me një listë të përbashkët me Listën Serbe (shih listat e partive politike në zgjedhjet e viteve: 2014, 2017 dhe 2019, 2021).
Krypometër ka analizuar edhe listën e kandidatëve të Partisë Lista Serbe prej zgjedhjeve të vitit 2014, kur për herë të parë kjo parti ka marrë pjesë në zgjedhje, por liderët e tri partive në Kosovë, PDK, LDK dhe AAK (shih listat e partive politike në zgjedhjete viteve: 2014, 2017 dhe 2019, 2021) asnjëherë nuk kanë qenë pjesë e kësaj liste.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)