About: http://data.cimple.eu/claim-review/526b25981090117bfe452eb3e08b5ba3200dc72accb5cb14c8c749cd     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ബംഗ്ലാദേശിൽ ബുർഖ ധരിക്കാത്ത ഹിന്ദു സ്ത്രീകളെ മുസ്ലിം മതഭ്രാന്തൻ മർദ്ദിക്കുന്നു എന്ന രീതിയിൽ ഒരു വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. ബാംഗ്ല ഭാഷയിൽ സംസാരിക്കുന്ന വ്യക്തി വടിയെടുത്ത് തെരുവിൽ നിൽക്കുന്ന സ്ത്രീകളെ അടിക്കുന്നതായി വീഡിയോയിൽ കാണാം. "ഇസ്ലാമിക മതഭ്രാന്തന്മാർ ഭരണം പിടിച്ചെടുത്ത ബംഗ്ലാദേശിലെ ഒരു നഗരത്തിൽ നിന്നുള്ള ദയനീയമായ കാഴ്ച🤦♀️🤦♀️. ബുർക്ക ഇടാതെ നടന്ന അമുസ്ലിങ്ങളായ സ്ത്രീകളെ ഒരു മതഭ്രാന്തൻ നഗരത്തിലൂടെ ഓടിച്ചിട്ട് തല്ലുകയാണ്🙄🙄. ആരും തന്നെ എതിർക്കുന്നില്ല 😔😔.ആ പെൺകുട്ടിയോട് ഇത്രയൊക്കെ ചെയ്തിട്ടും കൂടി നിന്ന ഒരാൾ പോലും ഈ ജിഹാദിക്കെതിരെ പ്രതികരിക്കുന്നില്ല!!!. ജിഹാദികൾ ഭൂരിപക്ഷം ആയിക്കൊണ്ടിരിക്കുന്ന നമ്മുടെ നാട്ടിലും സമീപഭാവിയിൽ ഇതൊക്കെ പ്രതീക്ഷിക്കാം🤔" എന്ന കുറിപ്പോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. റാസൽ സുൽത്താൻ എന്നയാൾ ലൈംഗിക തൊഴിലാളികളെ മർദ്ദിക്കുന്ന വീഡിയോയാണ് ഇത്. അന്വേഷണം വൈറൽ വീഡിയോയുടെ കീഫ്രെയിമുകൾ റിവേഴ്സ് ഇമേജ് സെർച്ചിന്റെ സഹായത്തോടെ പരിശോധിച്ചപ്പോൾ സമാനമായ വീഡിയോ ചില ബംഗ്ലാദേശി ഫേസ്ബുക്ക് അക്കൌണ്ടുകളിൽ കണ്ടെത്തി. വീഡിയോയ്ക്ക് നൽകിയിട്ടുള്ള ബംഗ്ലാ ഭാഷയിലെ തലകെട്ട് വിവർത്തനം ചെയ്തപ്പോൾ 'ലൈംഗിക തൊഴിലാളികളെ പുറത്താക്കാനുള്ള പ്രചാരണം' എന്നാണ് എഴുതിയിരിക്കുന്നതെന്ന് വ്യക്തമായി. വീഡിയോയിൽ ഇസ്ലാമിക് മീഡിയ ടിവി എന്ന വാട്ടർമാർക്ക് ഉണ്ട്. ഇതിന്റെ അടിസ്ഥാനത്തിൽ നടത്തിയ അന്വേഷണത്തിൽ ഇസ്ലാമിക് മീഡിയ ടിവി എന്ന ഫേസ്ബുക്ക് പേജിൽ സമാന വീഡിയോ 2024 ആഗസ്റ്റ് 30ന് പങ്കിട്ടിരിക്കുന്നതായി കണ്ടെത്തി. ഈ പോസ്റ്റിൽ എന്താണ് സംഭവമെന്ന് കൃത്യമായി വിശദീകരിക്കുന്നില്ല. പോസ്റ്റിൽ നൽകിയിരിക്കുന്ന ബംഗ്ല ഭാഷയിലെ തലകെട്ടിന്റെ ഒരു ഭാഗം ഫേസ്ബുക്കിൽ സെർച്ച് ചെയ്തപ്പോൾ സമാനമായ വീഡിയോ മറ്റൊരു ഫേസ്ബുക്ക് പേജിൽ ആഗസ്റ്റ് 30ന് തന്നെ പോസ്റ്റ് ചെയ്തിട്ടുള്ളതായി കണ്ടെത്തി. ഈ വീഡിയോയിൽ എച്ച്എം റാസൽ സുൽത്താൻ എന്ന വാട്ടർമാർക്കാണ് നൽകിയിട്ടുള്ളത്. ഫേസ്ബുക്ക് പോസ്റ്റ് ഇവിടെ കാണാം. എച്ച്എം റാസൽ സുൽത്താൻ എന്ന പേരിലുള്ള ഫേസ്ബുക്ക് അക്കൌണ്ടും ഞങ്ങൾക്ക് ലഭ്യമായി. ബംഗ്ലാദേശ് പ്രക്ഷോഭത്തിൽ സജീവമായി പങ്കെടുത്തിട്ടുള്ള ഇയാൾ ലൈംഗിക തൊഴിലിനെതിരായി നടത്തുന്ന പ്രവർത്തനങ്ങളുടെ വീഡിയോകൾ ഈ അക്കൌണ്ടിൽ പോസ്റ്റ് ചെയ്തിട്ടുണ്ട്. ഗായകൻ കൂടിയായ റാസൽ സുൽത്താൻ യൂട്യൂബ് പേജിൽ അപ്ലോഡ് ചെയ്തിട്ടുള്ള ഒരു വീഡിയോയിൽ ലൈംഗിക തൊഴിലാളികളെ വടിയെടുത്ത് മർദ്ദിക്കുന്നതായി കാണാം. ഇതിൽ ബുർഖ ധരിച്ച സ്ത്രീകളും ഉൾപ്പെടുന്നു. വീഡിയോ ചുവടെ കാണാം. വൈറൽ വീഡിയോയിലെ ഓഡിയോ ബാംഗ്ല ഭാഷയിലുള്ളതാണ്. എന്താണ് ഇതിൽ റാസൽ സുൽത്താൻ പറയുന്നതെന്ന് മനസിലാക്കാനായി ഞങ്ങൾ ഇന്ത്യാ ടുഡേ ബാംഗ്ല ഫാക്റ്റ് ചെക്കറായ സുറാജുദ്ധിൻ മൊണ്ടലിന്റെ സഹായം തേടി. ലൈംഗിക തൊഴിലാളികൾക്കെതിരായിട്ടാണ് ഇയാൾ സംസാരിക്കുന്നതെന്നും മറ്റൊരു ജോലി തന്നാൽ ഈ തൊഴിൽ ഉപേക്ഷിക്കണമെന്നും വീഡിയോയിലുള്ള വ്യക്തി പറയുന്നതായി സുറാജുദ്ധീൻ സ്ഥിരീകരിച്ചു. പിന്നീട് ഗൂഗിളിൽ നടത്തിയ കീവേഡ് സെർച്ചിൽ 'bdnews24.com' എന്ന ബംഗ്ലാദേശ് മാധ്യമത്തിൽ വൈറൽ വീഡിയോയെ കുറിച്ച് വന്ന റിപ്പോർട്ട് ലഭ്യമായി. ബാംഗ്ല ഭാഷയിലുള്ള റിപ്പോർട്ട് ഇംഗ്ലീഷിലേക്ക് പരിഭാഷപ്പെടുത്തിയപ്പോൾ ലൈംഗിക തൊഴിലാളികളെ ഇങ്ങനെ വേണം ഇല്ലാതാക്കാൻ എന്ന കുറിപ്പോടെ റാസൽ സുൽത്താൻ ഈ വീഡിയോ ഫേസ്ബുക്ക് അക്കൌണ്ടിൽ പോസ്റ്റ് ചെയ്തിരുന്നുവെന്നും പിന്നീട് വിമർശനങ്ങൾ വന്നതോടെ ഡിലീറ്റ് ചെയ്തതാണെന്നും വ്യക്തമാക്കുന്നുണ്ട്. ഇയാൾ മർദ്ദിച്ചത് ലൈംഗിക തൊഴിലാളികളെ മാത്രമല്ല, വഴിയിൽ നിൽക്കുകയായിരുന്ന സ്ത്രീയെ കൂടിയാണെന്ന സംശയവും റിപ്പോർട്ടിൽ ഉയർത്തുന്നു. ഈ റിപ്പോർട്ടിന്റെ സ്ക്രീൻ ഷോട്ട് ചുവടെ കാണാം. ലഭ്യമായ വിവരങ്ങളിൽ നിന്നും ബംഗ്ലാദേശിൽ ബുർഖ ധരിക്കാത്ത ഹിന്ദു സ്ത്രീകളെ മർദ്ദിക്കുന്ന വീഡിയോ എന്ന രീതിയിൽ പ്രചരിക്കുന്നത് റാസൽ സുൽത്താൻ എന്നയാൾ ലൈംഗിക തൊഴിലാളികളെ മർദ്ദിക്കുന്ന ദൃശ്യമാണെന്ന് വ്യക്തമായി. ബംഗ്ലാദേശിൽ ബുർഖ ധരിക്കാത്ത ഹിന്ദു സ്ത്രീകളെ മർദ്ദിക്കുന്ന വീഡിയോ. ബംഗ്ലാദേശിൽ ലൈംഗിക തൊഴിലാളികളെ മർദ്ദിക്കുന്ന വീഡിയോയാണിത്. റാസൽ സുൽത്താൻ എന്നയാളാണ് വീഡിയോയിലുള്ളത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software