About: http://data.cimple.eu/claim-review/527fd01292e5d0a9ce03027f5e300d79fe23fbcf86918f82f55ec39d     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കോടതി ഇടപെടലിനെത്തുടര്ന്ന് ഇടുക്കി, ചിന്നക്കനാല് മേഖലയില് നിന്ന് പെരിയാര് റിസര്വിലേക്ക് മാറ്റിയ കാട്ടാന അരിക്കൊമ്പന് ഇപ്പോള് തമിഴ്നാട് വനമേഖലയിലാണ്. പെരിയാര് വനത്തില് നിന്ന് കമ്പം ജനവാസ മേഖലയിലിറങ്ങി നാശനഷ്ടങ്ങള് വരുത്തിയതിനെ തുടര്ന്ന് തമിഴ്നാട് വനം വകുപ്പ് ആനയെ അപ്പര് കോടയാര് മേഖലയിലേക്ക് മാറ്റുകയായിരുന്നു. ഇടയ്ക്കിടെ അരിക്കൊമ്പനുമായി ബന്ധപ്പെട്ട വാര്ത്തകള് പുറത്തുവരാറുണ്ട്. അരിക്കൊമ്പന് വീണ്ടും ജനവാസമേഖലയില് ഇറങ്ങിയെന്ന രീതിയില് ഒരു വീഡിയോ ഇപ്പോള് വൈറലാണ്. ഒരു ആനയെ കുറച്ചാളുകള് ചേര്ന്ന് ഓടിക്കാന് ശ്രമിക്കുന്നതും ആന ഒരു ഷട്ടര് തകര്ത്ത് അരിച്ചാക്ക് എടുത്ത് ഭക്ഷിക്കുന്നതും ദൃശ്യങ്ങളില് കാണാം. "അരികൊമ്പന്.. in FCI godown നിങ്ങളെന്തൊക്കെ ചെയ്താലും ഞാന് അരി തിന്നിട്ടെ പോവൂ " എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. വീഡിയോയിലുള്ളത് അരിക്കൊമ്പന് അല്ല പശ്ചിമ ബംഗാളിലെ വെസ്റ്റ് മെദിനിപുര് മേഖലയില് നിന്നുള്ള രാംലാല് എന്ന ആനയാണ്. അന്വേഷണം പ്രചരിക്കുന്ന വീഡിയോ സൂക്ഷ്മമായി നിരീക്ഷിച്ചപ്പോള് ഇതില് സംസാരിക്കുന്നത് മലയാളം, തമിഴ് എന്നീ ഭാഷകള് അല്ലെന്ന് മനസിലാക്കാനായി. മാത്രമല്ല, ആനയുടെ കഴുത്തില് റേഡിയോ കോളറും കാണാനില്ല. അരിക്കൊമ്പന്റെ കഴുത്തില് റേഡിയോ കോളറുണ്ട്. കോടയാര് മേഖലയില് നിന്ന് അരിക്കൊമ്പന് എവിടേയ്ക്കും നീങ്ങിയതായും റിപ്പോര്ട്ടുകളുമില്ല. അതുകൊണ്ട് തന്നെ വീഡിയോ മറ്റേതെങ്കിലും മേഖലയില് നിന്നുള്ളതാകാം എന്ന സൂചന ലഭിച്ചു. തുടര്ന്ന് ഞങ്ങള് വീഡിയോയുടെ കീ ഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് സമാനമായ വീഡിയോ ഉള്പ്പെടുന്ന വാര്ത്തകള് ലഭ്യമായി. ന്യൂസ് 18 ബംഗ്ല നല്കിയ വാര്ത്ത പ്രകാരം പശ്ചിമ ബംഗാളിലെ വെസ്റ്റ് മെദിനിപുരില് നിന്നുള്ള വീഡിയോ ആണിത്. വനമേഖലയോട് അടുത്തുള്ള സാല്ബോണി ഗ്രാമത്തിലെ പിരാകാത(Pirakata) എഫ്സിഐ ഗോഡൗണില് എത്തിയ രാംലാല് എന്ന് വിളിപ്പേരുള്ള ആനയാണ് അരി ഭക്ഷിക്കുന്നത്. ഈ മേഖലയിലെ സ്ഥിരം സാന്നിധ്യമായ രാംലാല് പ്രദേശവാസികളോട് ഇണങ്ങി ജീവിക്കുന്ന ആനയാണ്. പൊതുവെ ആക്രമണകാരിയല്ലാത്ത ആനയാണ് രാംലാല്. ന്യൂസ് 18 വാര്ത്തയുടെ സ്ക്രീന്ഷോട്ട് താഴെ കാണാം. സമാനമായ വാര്ത്ത മറ്റ് മാധ്യമങ്ങളും നല്കിയിട്ടുണ്ട്. സാല്ബോണിയിലെ എഫ്സിഐ ഗോഡൗണിന്റെ ചിത്രങ്ങളും ഞങ്ങള് പരിശോധിച്ചു. ഗൂഗിള് മാപ്പ് ലൊക്കേഷന് താഴെ കാണാം. ഗൂഗിള് മാപ്പില് പിരാകാത എഫ്സിഐ ഗോഡൗണിന്റെ നിരവധി ചിത്രങ്ങളും ലഭ്യമായി. ഈ ചിത്രങ്ങളും വൈറല് വീഡിയോയുടെ പശ്ചാത്തലവും തമ്മില് സമാനതകള് കണ്ടെത്തി. ഇവ തമ്മിലുള്ള താരതമ്യം ചിത്രം താഴെ കാണാം. രാംലാല് എന്ന ആന വെസ്റ്റ് മെദിനിപൂര് മേഖലയിലെ സജീവ സാന്നിധ്യമാണ്. മുന്പും എഫ്സിഐ ഗോഡൗണ് തകര്ത്ത് രാംലാല് അരി കഴിച്ചിട്ടുണ്ട്. മെദിനിപുരിലെ ജംഗല് മഹല് മേഖലയിലുള്ളവരുമായി വളരെ ഇണങ്ങിയാണ് രാംലാല് ഇടപെടുന്നത്. ചൂട് സമയത്ത് ആനയ്ക്ക് ഭക്ഷണവും കുടിക്കാന് വെള്ളവും മറ്റും നല്കുന്ന ചിത്രങ്ങള് 'ദി ബംഗാള് പോസ്റ്റ്' വാര്ത്തയില് നല്കിയിട്ടുണ്ട്. ഗ്രാമവാസികളെ ആരെയും രാംലാല് ഇതുവരെ ഉപദ്രവിച്ചിട്ടില്ലെന്നും 'ഹാത്തി ഥാക്കൂര്' എന്ന പേരിലാണ് രാംലാലിനെ പ്രദേശവാസികള് വിശേഷിപ്പിക്കുന്നതെന്നും വാര്ത്തിയിലുണ്ട്. ഈ ചിത്രങ്ങളിലുള്ള ആന തന്നെയാണ് വൈറല് വീഡിയോയിലുമുള്ളതെന്ന് മനസിലാക്കാം. അതേസമയം, അരിക്കൊമ്പന്റെ നിലവിലെ സ്ഥിതിയും ഞങ്ങള് അന്വേഷിച്ചു. പുതിയ ആവാസ മേഖലയോട് ഇണങ്ങി കാട്ടിനുള്ളില് തന്നെ കഴിയുന്ന അരിക്കൊമ്പനെപ്പറ്റിയുള്ള വാര്ത്തകള് ലഭിച്ചു. രണ്ടു വര്ഷം സ്ഥിരമായി ആനയെ നിരീക്ഷിക്കണമെന്ന് കോടതിനിര്ദ്ദേശിച്ചിരുന്നു. അതിനാല് കേരള വനംവകുപ്പ് തമിഴ്നാട് സര്ക്കാരില് നിന്ന് അരിക്കൊമ്പന്റെ വിവരങ്ങള് ശേഖരിക്കുന്നുണ്ട്. അടുത്തിടെ അരിക്കൊമ്പന് ചരിഞ്ഞതായി ചില വ്യാജ പ്രചാരണങ്ങള് വന്നിരുന്നു. ഈ സമയത്ത് തമിഴ്നാട് വനംവകുപ്പ് വാര്ത്താ കുറിപ്പ് ഇറക്കി ആന സുഖമായിരിക്കുന്നതായി വ്യക്തമാക്കിയിരുന്നു. അരിക്കൊമ്പന് ഇപ്പോള് കൊളക്കാട് വനമേഖലയിലാണെന്ന് തമിഴ്നാട് ഫോറസ്റ്റ് അധികൃതര് സ്ഥിരീകരിച്ചു. ലഭ്യമായ വിവരങ്ങളില് നിന്ന് പ്രചാരത്തിലുള്ള വീഡിയോയില് എഫ്സിആ ഗോഡൗണ് തകര്ത്ത് അരി കഴിക്കുന്നത് കേരളത്തില് നിന്ന് തമിഴ്നാട് വനമേഖലയിലേക്ക് മാറ്റിയ അരിക്കൊമ്പന് അല്ലെന്നും വെസ്റ്റ് ബംഗാളിലെ മെദിനിപുര് മേഖലയില് വിഹരിക്കുന്ന രാംലാല് എന്ന കൊമ്പന് ആണെന്നും വ്യക്തമായി. അരിക്കൊമ്പന് എഫ്സിഐ ഗോഡൗണ് തകര്ത്ത് അരി കഴിക്കുന്നു. ഇത് അരിക്കൊമ്പനല്ല, പശ്ചിമബംഗാളിലെ വെസ്റ്റ് മെദിനിപുര് മേഖലയില് നിന്നുള്ള രാംലാല് എന്ന ആനയാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software