| schema:text
| - Premtimi i pambajtur i Thaçit
Deklarata
Hashim Thaçi: Atje nuk do të ketë dialog Kosovë-Serbi por do të jetë një mundësi e afirmimit të shtetit të Kosovës
Vlerësimi
Me kos
Presidenti Hashim Thaçi nuk e kishte prioritet promovimin e Kosovës para shteteve që ende nuk e kanë njohur si shtet. Në të gjitha takimet që Thaçi ka pasur me liderët botërorë, duke përshirë presidentin e Rusisë, Vladimir Putin, thotë se ka folur për dialogun me Serbinë dhe mundësinë e arritjes së një marrëveshjeje. Në Parisë nuk kishte dialog në mes të Kosovës dhe Serbisë, por u fol për dialogun.
Artikulli
Rreth 3 javë para se të udhëtonte për në Paris, për të marrë pjesë në forumin e paqes, Presidenti i Kosovës, Hashim Thaçi deklaronte se në këtë kryeqytet evropian nuk do të ketë dialog ndërmjet Kosovës dhe Serbisë.
Parisin dhe ftesën e presidentit francez Macron për të qenë prezent në mesin e liderëve botëror, Thaçi para 3 javëve e shihte si mundësi të promovimit të shtetit para liderëve që se kanë njohur pavarësinë e Kosovës.
“Është një mundësi shumë e mirë e promovimit të shtetit të Kosovës edhe për vendet dhe liderët që ende nuk e kanë njohur Kosovën, prandaj kjo mundësi duhet të shfrytëzohet dhe do të shfrytëzohet maksimalisht”, deklaronte Thaçi më 26 tetor në Prishtinë.
“Atje nuk do të ketë dialog Kosovë-Serbi por do të jetë një mundësi e afirmimit të shtetit të Kosovës”, vazhdon deklarata e Thaçit po atë ditë në Prishtinë.
Kur kanë kaluar dy ditë prej kthimit të tij nga Parisi, e vetmja temë për të cilin presidenti Thaçi ka shkruar në rrjetet e tij sociale, Facebook e Twitter ka qenë dialogu me Serbinë.
Ai nuk e ka përmendur asnjëherë njohjen e pavarësisë së Kosovës nga shtete që ende se kanë bërë këtë.
Edhe pse Thaçi deklaronte se në Paris nuk do të ketë dialog Kosovë – Serbi, megjithatë nga 10 shkrime të publikuara në profilin e tij në Facebook gjatë qëndrimit në Paris, në datat 9-12 nëntor, në shumicën prej tyre, Thaçi ka folur ekskluzivisht vetëm për dialogun me Serbinë.
Përveç me Presidentin e Rusisë, Vladimir Putin, Thaçi nga njoftimet që i ka dhënë vet, nuk e ka takuar asnjë lider tjetër nga shtetet që se kanë njohur ende Kosovën.
Edhe pse e takoi njërin prej kundërshtuesve më të mëdhenj të pavarësisë së Kosovës, Thaçi nuk e bëri atë që e kishte thënë në Prishtinë, të paktën nuk e ka përmendur në njoftimin e tij.
Në rrëfimin e tij në Facebook për takimin me presidentin Putin, Thaçi nuk e përmend që ka folur për pavarësinë e Kosovës. Ajo që kishte dhënë se do të shfrytëzohej maksimalisht, nuk ndodhi.
Takimet tjera që Thaçi i ka bërë publike janë me liderë të shteteve të para që e kanë njohur Kosovën.
Ai kishte zhvilluar takime me liderët e Amerikës, Gjermanisë, Francës e Turqisë.
Kosova përveç dialogut me Serbinë, ka edhe sfida tjera përpara. Kosova është i vetmi shtet në Evropë, ku qytetarët e saj nuk lëvizin lirshëm brenda kontinentit.
Kosova ende nuk njihet prej 5 vendeve të Bashkimit Evropian, fakt ky që sipas njohësve të politikës së jashtme është pengesa më e madhe në rrugën evropiane të Kosovës.
Kosova është në prag të votimit për anëtarësim në Interpol. Herën e kaluar Qeveria e Kosovës kishte tërhequr aplikimin për shkak se nuk kishte pasur votat e mjaftueshme.
Kosova po ballafaqohet me sfidën e tërheqjes së njohjeve nga shtetet që tashmë e kanë njohur Kosovën. Edhe pse zyrtarët shtetëror të Kosovës nuk e kanë pranuar këtë fakt, diplomatët e huaj në Kosovë e kanë bërë të kundërtën.
Ambasadori i Britanisë së madhe e ka konfirmuar se janë disa shtete që kanë tërhequr njohjen.
https://kallxo.com/ambasadori-britanik-thote-se-disa-vende-e-kane-terhequr-njohjen-per-kosoven-mpj-e-mohon/?fbclid=IëAR2_9IbJmNAZbcXSAzegëElxI99y21GqHjlpaPjX7d_hR0lidHnëLRVuRaë
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)