About: http://data.cimple.eu/claim-review/54ea51bb81fc16439abf9aaca7c01b7860e485408882d63f364baceb     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • കാര്ഗില് യുദ്ധത്തില് ഇരുകാലുകളും നഷ്ടപ്പെട്ട മേജര് വിക്രം ഭാര്യയോടൊപ്പം നൃത്തം ചെയ്യുന്നു എന്ന രീതിയില് ഒരു വീഡിയോ ഇപ്പോള് സമൂഹമാധ്യമങ്ങളില് പ്രചരിക്കുന്നുണ്ട്. ഇരു കാലുകളുമില്ലാത്ത ഒരു യുവാവ് ഒരു യുവതിയോടൊപ്പം നൃത്തം ചെയ്യുന്നത് വീഡിയോയില് കാണാം. "കാര്ഗില് യുദ്ധത്തില് ഇരു കാലുകളും നഷ്ടപ്പെട്ട മേജര് വിക്രം ഭാര്യയോടൊപ്പം നൃത്തം ചെയ്യുന്ന കാഴ്ച ഹൃദയസ്പര്ശിയാണ്. മേജര് വിക്രത്തിനും ധീരയായ ഭാര്യക്കും ഒരു ബിഗ് സല്യൂട്ട് "എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, വൈറല് വീഡിയോ കാര്ഗില് യുദ്ധത്തില് പങ്കെടുത്ത സൈനികന്റേതല്ലെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. സോഷ്യല് മീഡിയ ഇന്ഫ്ളുവന്സറായ വിനോദ് താക്കൂറാണ് നൃത്തം ചെയ്യുന്നയാള്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് വീഡിയോയുടെ കീഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് മേജര് വിക്രമിന്റെ നൃത്ത രംഗം എന്ന രീതിയില് നിരവധിപ്പേര് ഈ വീഡിയോ സോഷ്യല് മീഡിയയില് പങ്കുവച്ചിട്ടുള്ളതായി കാണാനായി. വീഡിയോയുടെ പശ്ചാത്തലത്തില് കാണുന്ന BW മ്യൂസിക് എന്ന ലോഗോ കേന്ദ്രീകരിച്ച് നടത്തിയ അന്വേഷത്തില് സമാനമായ വീഡിയോ ബ്ലാക്ക് വൈറ്റ് മ്യൂസിക് എന്ന എന്റര്ടെയ്ന്മെന്റ് ചാനലിന്റെ യുട്യൂബ് പേജില് പങ്കുവച്ചിട്ടുള്ളതായി കണ്ടെത്തി. ഷോര്ട്സ് രൂപത്തിലാണ് ബ്ലാക്ക് വൈറ്റ് മ്യൂസിക് ഈ വീഡിയോ ഷെയര് ചെയ്തിട്ടുള്ളത്. എന്നാലിതിന്റെ വിവരണത്തില് വീഡിയോയിലുള്ളവരെപ്പറ്റി കൃത്യമായ വിവരമില്ല. ചാനല് പരിശോധിക്കുമ്പോള് കപ്പിള് ഡാന്സ് വീഡിയോകളാണ് ഇവര് അധികവും പങ്കുവച്ചിട്ടുള്ളതെന്ന് കാണാനാകും. തുടര്ന്ന് ഞങ്ങള് വീഡിയോയിലുള്ള യുവവിന്റെ ചിത്രം ഫേസ്ചെക്ക് ഐഡി ഉപയോഗിച്ച് പരിശോധിച്ചപ്പോള് vinodthakur9268 എന്ന ഇന്സ്റ്റഗ്രാം ഐഡി ലഭ്യമായി. വൈറല് വീഡിയോയിലുള്ള അതേ യുവാവും യുവതിയുമാണ് ഇന്സ്റ്റഗ്രാം പേജിലുള്ള വീഡിയോകളിലുമുള്ളത്. ഈ പ്രൊഫൈല് പരിശോധിക്കുമ്പോള് വിനോദ് താക്കൂര് സോഷ്യല്മീഡിയ ഇന്ഫ്ളുവന്സറാണെന്ന് മനസിലാക്കാനായി. 2024 ഏപ്രില് ആറിന് വിനോദ് താക്കൂര് വൈറല് വീഡിയോ ഇന്സ്റ്റഗ്രാമില് പങ്കുവച്ചിട്ടുണ്ട്. ഇത് ചുവടെ കാണാം. 2024ലെ എപിജെ അബ്ദുല് കലാം അവാര്ഡ് ജേതാവാണെന്ന് താക്കൂറിന്റെ പ്രൊഫൈല് ബയോ സൂചിപ്പിക്കുന്നുണ്ട്. തുടര്ന്ന് ഞങ്ങള് വിനോദ് താക്കൂറിനെപ്പറ്റി വിശദമായി തിരഞ്ഞപ്പോള് ജോഷ് ടോക്കിന്റെ വേരിഫൈഡ് യുട്യൂബ് ചാനലില് അദ്ദേഹത്തിന്റെ അഭിമുഖം ലഭ്യമായി. ബിഹാര് സ്വദേശിയായ താക്കൂര് ഡാന്സറും, ഫിറ്റ്നസ് ഇന്ഫ്ളുവന്സറുമാണെന്ന് വീഡിയോയുടെ വിവരണത്തില് പറയുന്നു. ഇരുകാലുകളുമില്ലാതെ ജനിച്ച വിനോദ് താക്കൂര് വളരെയധികം പ്രതിസന്ധികള് നേരിട്ടാണ് ഉയര്ന്നുവന്നതെന്ന് അഭിമുഖത്തില് വ്യക്തമാക്കുന്നുണ്ട്. ദേശീയ പാരാ പവര്ലിഫ്റ്റിംഗ് ചാമ്പ്യനായ താക്കൂര് റിയാലിറ്റി ഷോകളില് നൃത്തം അവതരിപ്പിച്ചും ശ്രദ്ധേയനായിട്ടുണ്ട്. 2023 ഡിസംബര് ആറിന് ജോഷ് ടോക്ക് പങ്കുവച്ച അഭിമുഖത്തിന്റെ പൂര്ണ്ണരൂപം ചുവടെ കാണാം. വൈറല് പോസ്റ്റില് പറയുന്നതുപോലെ 1999ലെ കാര്ഗില് യുദ്ധത്തില് ഇരുകാലുകളും നഷ്ടപ്പെട്ട മേജര് വിക്രം എന്ന സൈനികനെപ്പറ്റിയും ഞങ്ങള് അന്വേഷിച്ചു. കാര്ഗില് ഹീറോകളില് ക്യാപ്റ്റന് വിക്രം ബത്ര എന്ന ഓഫിസറുണ്ടായിരുന്നു. വീരമൃത്യുവരിച്ച ക്യാപ്റ്റന് ബത്രയ്ക്ക് മരണാനന്തര ബഹുമതിയായി പരം വീര് ചക്ര നല്കി രാജ്യം ആദരിച്ചിരുന്നു. മുന് ആര്മി ഉദ്യോഗസ്ഥനായ മേജര് ജനറല് വിക്രം ദേവ് ദോഗ്ര സോഷ്യല് മീഡിയ ഇന്ഫ്ളുവന്സറാണ്. എന്നാല് അദ്ദേഹത്തിന്റെ കാലുകള്ക്ക് പരിക്കുകളൊന്നുമില്ല. സ്പോര്ട്സ്മാന് കൂടിയാണ് അദ്ദേഹം. എന്നാല് കാര്ഗില് യുദ്ധത്തില് രണ്ട് കാലുകളും നഷ്ടപ്പെട്ട നായിക് ദീപ്ചന്ദ്, യുദ്ധത്തില് ഒരു കാല് നഷ്ടപ്പെട്ട ശേഷം ഇന്ത്യയിലെ ആദ്യ ബ്ലേഡ് റണ്ണറായി ചരിത്രം കുറിച്ച മേജര് ദേവേന്ദര് പി സിംഗ് തുടങ്ങി നിരവധി സൈനികരുടെ ജീവിതം പുതിയ തലമുറയ്ക്ക് പ്രജോദനമാണ്. ഈ വിവരങ്ങളില് നിന്ന് വൈറല് വീഡിയോയിലുള്ളത് കാര്ഗില് യുദ്ധത്തില് കാല് നഷ്ടപ്പെട്ട സൈനികനല്ലെന്ന് ഇതിനാല് വ്യക്തമായി. കാര്ഗില് യുദ്ധത്തില് കാലുകള് നഷ്ടപ്പെട്ട മേജര് വിക്രം നൃത്തം ചെയ്യുന്ന വീഡിയോ. വൈറല് വീഡിയോയിലുള്ളത് കാര്ഗില് യുദ്ധത്തില് കാലുകള് നഷ്ടപ്പെട്ട സൈനികനല്ല. ഇരുകാലുകളുമില്ലാതെ ജനിച്ച സോഷ്യല് മീഡിയ ഇന്ഫ്ളുവന്സറായ വിനോദ് താക്കൂറാണിത്.
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software