| schema:text
| - Komuna e Gjilanit, Foto: Komuna e Gjilanit
Caqet e paarritura të Komunës së Gjilanit, i zbatoi vetëm 5 rekomandime të auditorit
Deklarata
“Rekomandimet e dhëna nga Zyra Kombëtare e Auditimit deri më tani, 8 rekomandime janë adresuar plotësisht, 6 janë në proces të adresimit dhe 1 rekomandim nuk është adresuar ende”
Vlerësimi
Me kos
Në raportin e auditimit të vitit 2018 është paraqitur edhe zbatueshmëria e rekomandimeve të vitit 2017. Numri i rekomandimeve të zbatuara nuk është në përputhje me atë që kishte thënë Komuna e Gjilanit. Sipas Auditorit, Komuna e Gjilanit, nga gjithsej 15 rekomandime: 5 i ka zbatuar, 5 nuk i ka zbatuar,2 i ka zbatuar pjesërisht dhe 3 rekomandime janë mbyllur.
Artikulli
Komuna e Gjilanit nuk e ka mbajtur premtimin sa i përket zbatimit të rekomandimeve të pranuara nga Auditori në vitin 2017.
Pak para se të publikohej raporti i auditimit për vitin 2018, KALLXO.com kishte nisur një shkresë në adresë të Komunës së Gjilanit në lidhje me rekomandimet dhe çalimet në fusha specifike në vitin 2017.
Në përgjigjen e Komunës së Gjilanit në lidhje me shkresën thuhet se nga gjithsej 15 rekomandimet e Zyrës Kombëtare të Auditorit, 8 janë adresuar plotësisht, 6 janë në proces të adresimit dhe 1 rekomandim nuk është adresuar ende.
Në raportin e auditimit të vitit 2018 është paraqitur edhe zbatueshmëria e rekomandimeve të vitit 2017. Numri i rekomandimeve të zbatuara nuk është në përputhje me atë që kishte thënë Komuna e Gjilanit.
Sipas Auditorit, Komuna e Gjilanit, nga gjithsej 15 rekomandime, 5 i ka zbatuar, 5 nuk i ka zbatuar,2 i ka zbatuar pjesërisht dhe 3 rekomandime janë mbyllur.
Në pesë vitet e fundit, Komuna e Gjilanit ka marrë 75 rekomandime nga Zyra Kombëtare e Auditimit. 9 rekomandime në vitin 2014, nga 18 rekomandime në vitet 2015 dhe 2016, si dhe nga 15 rekomandime në vitin 2017 dhe vitin 2018.
Komuna e Gjilanit ka pasur telashe në të gjitha fushat nga viti 2014 deri në vitin 2017.
Rrjeti Ballkanik për Gazetari Hulumtuese (BIRN) ka analizuar dhe krahasuar gjetjet e Auditorit të përgjithshëm në Komunën e Gjilanit nga viti 2014 deri në vitin 2017. Gjetjet kryesore të BIRN janë prezantuar nga Visar Prebreza, redaktor i BIRN, në një debat të organizuar në Kuvendin Komunal para asamblistëve, drejtorëve komunalë dhe shoqërisë civile në Gjilan.
KALLXO.com vazhdimisht ka publikuar analiza sa i përket raporteve të auditimit të institucioneve qendrore dhe lokale të Kosovës. Në këto analiza kanë shpërfaqur mangësitë, shkeljet dhe çështjet që janë identifikuar ndër vite nga ZKA.
Debati në Komunën e Gjilanit është organizuar nga BIRN me mbështetjen e Ambasadës britanike.
Debati në Komunën e Gjilanit është transmetuar live në platformën e KALLXO.com në Facebook.
LIVEDebat rreth zbatimit të rekomandimeve të Auditorit nga komuna e Gjilanit
Publiée par Kallxo.com sur Lundi 26 novembre 2018
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)