| schema:text
| - Njoftimi i rremë për kredi deri në 100 mijë euro me normë të interesit prej 3%
Deklarata
Per disa gjera ju duhet kohe per te vendosur, por per disa zgjedhja eshte e thjeshte👇 Kredi Personale 🟠Shuma maksimale e kredise: 25,000€, 🟠Afati maksimal i kredise: 10 vjet, 🟠Sigurim i jetes 🤝 ne bashkepunim me kompanine e sigurimeve
Vlerësimi
Rrenë
Është i rremë njoftimi për lëshim të kredive që thot: ”Per disa gjera ju duhet kohe per te vendosur, por per disa zgjedhja eshte e thjeshte👇 Kredi Personale 🟠Shuma maksimale e kredise: 25,000€, 🟠Afati maksimal i kredise: 10 vjet, 🟠Sigurim i jetes 🤝 ne bashkepunim me kompanine e sigurimeve”. Kjo ofertë për kredi është publikuar nga një faqe e cila nuk është e licencuar nga Banka Qendrore e Kosovës për lëshim të kredive. Kjo faqe e ka keqpërdorur llogon, infografikën dhe dizajnin e Bankës NLB në Kosovë. Në këtë faqe pretendohet se lëshojnë kredi deri në 100 mijë euro me normë të interesit prej 3%, ndërkohë sipas Bankës Qendrore të Kosovës norma mesatare e kredive në Kosovë gjatë muajit shtator 2024 ishte prej 6.1%.
Artikulli
Faqja në rrjetin social Instagram “kredi_esigurt” (arkiva) ka publikuar një ofertë për kredi personale deri në 25 mijë euro.
Të njëjtën ofertë kjo faqe e ka publikuar edhe në Facebook më 06.06.2024 (arkiva).
”Per disa gjera ju duhet kohe per te vendosur, por per disa zgjedhja eshte e thjeshte👇 Kredi Personale 🟠Shuma maksimale e kredise: 25,000€, 🟠Afati maksimal i kredise: 10 vjet, 🟠Sigurim i jetes 🤝 ne bashkepunim me kompanine e sigurimeve”- shkruan në këtë ofertë.
“Ne japim kredi të të gjitha llojeve, të sigurta, të shpejta kudo në botë”- shkruan në faqen e Facebook-ut, e cila është krijuar më 15.11.2021, fillimisht me emrin ‘Kredi për të gjithë’ më pastaj e ndërroi në ‘Kredi e sigurt’.
Në këtë faqe është e publikuar edhe një uebfaqe e internetit, bezpiecznykredyt.mystrikingly.com (arkiva), e cila nuk është në gjuhën shqipe.
Krypometër i ka shkruar faqes “kredi_esigurt” për të kuptuar nëse janë të licencuar dhe për shkallën e interesit me të cilën i lëshojnë kreditë.
Ata i kanë dërguar kushtet për kredidhënie duke kërkuar të dhëna personale, duke përfshirë kontratën e punës, si dhe kartë identiteti ose pasaportë.
“Norma e interesit është 3% në vit e shumës së kredisë. Shuma e kredisë varion nga 2000 euro – 100,000 euro, 6: Afati maksimal i shlyerjes është 1 deri në 30 vjet, 7: Ne ofrojmë tre muaj falas përpara pagesës së parë mujore, 8: Për të vërtetuar dosjen tuaj të aplikimit për kredi, duhet të na jepni disa informacione për të regjistruar dosjen tuaj, 9: ka kosto legalizimi dhe arkëtimi për bankën”- thuhet në përgjigjen e zyrtarëve të faqes “kredi_esigurt” (arkiva).
Krypometër ka kontrolluar publikimet e bëra nga Banka Qendrore e Kosovës dhe ka gjetur raportin me informacionet për sistemin financiar për muajin shtator 2024. Në këtë raport thuhet se norma mesatare e interesit për kreditë e lëshuara nga Bankat Komerciale ishte 6.1%.
Oferta e publikuar nga kjo faqe në Instagram e në Facebook, Krypometri ka gjetur se logoja e kampanjës që është përdorur nga ta, i takon NLB Bankës në Kosovë e cila është publikuar më 04.03.2022.
Për këtë Krypometri ka pyetur edhe zyrtarë të NLB Banka në Kosovë, të cilët kanë konfirmuar se kjo ofertë e publikuar në kredi_esigurt (arkiva), nuk ka të bëjë asgjë me ta.
“Kjo faqe në Instagram nuk është e jona dhe nuk ka asnjë lidhje me Bankën tonë. Postimi i bërë në këtë faqe ka përdorur në mënyrë të paautorizuar elemente të dizajnit nga kampanja jonë ‘Kredi personale’ pa pëlqimin apo dijeninë tonë”- thuhet në përgjigjen e zyrtarëve të këtij institucioni.
Bazuar në Ligjin për Bankat, Institucionet Mikrofinanciare dhe Institucionet financiare jo-bankare, të gjitha institucionet që kanë të drejtë dhënien e kredive duhet të licencohen paraprakisht nga Banka Qendrore e Kosovës. Për licencim nga BQK-ja, institucioneve ju kërkohen të plotësojnë një varg obligimesh që i kërkon ligji.
Krypometri ka kontrolluar edhe uebfaqen e BQK-së, përkatësisht listën e institucioneve financiare të licencuara/ regjistruara në vend dhe aty nuk figuron asnjë institucion me emrin “Kredi e Sigurt”.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)