About: http://data.cimple.eu/claim-review/59b0ab1bf6fcbd7a233f6852c1a1c5d40740d6c200fb5c2125c1c90d     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • സിപിഎമ്മിന് ദേശീയ പാര്ട്ടി പദവി നഷ്ടമായെന്ന് സമൂഹമാധ്യമങ്ങളില് വ്യാപകമായ പ്രചാരണമുണ്ട്. അടുത്തിടെ അഞ്ചു സംസ്ഥാനങ്ങളിലേക്ക് നടന്ന തിരഞ്ഞെടുപ്പിനു ശേഷമാണ് ഇത്തരം പ്രചാരണം വീണ്ടും സജീവമായത്. " CPIM നെ ദേശിയ പാര്ട്ടി പട്ടികയില് നിന്നും ഒഴിവാക്കി... തെരഞ്ഞെടുപ്പു കമ്മീഷന് അല്ലേലും പെട്ടി ഓട്ടോയ്ക്ക് എന്തിനാണ്.. 'നാഷണല് പെര്മിറ്റ്,' എന്ന് പൊതുജനം" എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ള പോസ്റ്റ് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ഏറ്റവും ഒടുവില് തിരഞ്ഞെടുപ്പ് കമ്മിഷന് പുറത്തുവിട്ട ദേശീയ പാര്ട്ടികളുടെ ലിസ്റ്റിലും സിപിഎം ഉള്പ്പെട്ടിട്ടുണ്ട്. അന്വേഷണം സിപിഎമ്മിന് ദേശീയ പാര്ട്ടി പദവി നഷ്ടമായാല് അത് വാര്ത്തയാകേണ്ടതാണ്. എന്നാല് ഇത്തരം വാര്ത്തകളൊന്നും കണ്ടെത്താനായില്ല. അതേസമയം, ഇക്കഴിഞ്ഞ ഏപ്രില് മാസത്തില് സിപിഐ, ത്രിണമൂല് കോണ്ഗ്രസ്, എന്സിപി എന്നീ പാര്ട്ടികള്ക്ക് ദേശീയ പാര്ട്ടി പദവി നഷ്ടമായതായി വാര്ത്തയുണ്ട്. മൂന്ന് പാര്ട്ടികള്ക്ക് ദേശീയ പദവി നഷ്ടപ്പെട്ടപ്പോള് ആം ആദ്മി പാര്ട്ടിക്ക് ദേശീയ പദവി നേടാനുമായിരുന്നു. ഈ വാര്ത്തകളിലൊന്നും തന്നെ സിപിഎമ്മിന് പദവി നഷ്ടമായെന്ന് പറയുന്നില്ല. തുടര്ന്ന് ഞങ്ങള് ഇലക്ഷന് കമ്മിഷന് ഓഫ് ഇന്ത്യയുടെ വെബ്സൈറ്റ് പരിശോധിച്ചു. 2023 മെയ് മാസത്തിലാണ് ഇലക്ഷന് കമ്മിഷന് അവസാനമായി ദേശീയ പാര്ട്ടി പട്ടിക പ്രസിദ്ധീകരിച്ചത്. ഇതില് സിപിഎമ്മിന്റെ പേരുണ്ട്. ഇലക്ഷന് കമ്മിഷന് വെബ്സൈറ്റിലെ പ്രസക്തഭാഗം താഴെ കാണാം അതേസമയം, അടുത്തിടെ നടന്ന തിരഞ്ഞെടുപ്പുകളില് സിപിഎമ്മിന് നേട്ടമുണ്ടാക്കാനായിരുന്നില്ല. രാജസ്ഥാനിലെ സിറ്റിംഗ് സീറ്റ് നഷ്ടമായതും തെലങ്കാനയില് 19 സീറ്റില് ഒന്നിലും വിജയിക്കാനാകാത്തതും പാര്ട്ടിക്ക് ക്ഷീണമുണ്ടാക്കി.തെലങ്കാനയില് സിപിഐക്ക് ഒരു പ്രതിനിധിയുണ്ട് എന്നതാണ് ഇടതുപക്ഷത്തിന്റെ ആകെ നേട്ടം. ദേശീയ പാര്ട്ടിയാകാനുള്ള നിബന്ധന 1968ലെ THE ELECTION SYMBOLS (RESERVATION AND ALLOTMENT) ORDER പ്രകാരം ഒരു രാഷ്ട്രീയ പ്രസ്ഥാനത്തെ ദേശീയ പാര്ട്ടി ആയി കണക്കിലെടുക്കണമെങ്കില് മൂന്ന് നിബന്ധനകളില് ഒന്നെങ്കിലും പൂര്ത്തീകരിക്കാന് സാധിക്കണം. ഇവ താഴെ പറയുന്നവയാണ്: 1. അവസാനം നടന്ന ലോക്സഭാ, നിയമസഭാ തെരഞ്ഞെടുപ്പുകളില് നാല് സംസ്ഥാനങ്ങളിലെങ്കിലും സാധുവായ വോട്ടിന്റെ ആറ് ശതമാനമെങ്കിലും ലഭിച്ചിരിക്കണം. ഏതെങ്കിലും സംസ്ഥാനത്തു നിന്നോ സംസ്ഥാനങ്ങളില് നിന്നോ ചുരുങ്ങിയത് നാലംഗങ്ങളെ ലോക്സഭയിലേയ്ക്ക് ജയിപ്പിക്കണം. 2. കുറഞ്ഞത് നാല് ഇന്ത്യന് സംസ്ഥാനങ്ങളില് എങ്കിലും സംസ്ഥാന പാര്ട്ടി പദവി ഉണ്ടായിരിക്കണം . 3. ലോക്സഭാ തെരഞ്ഞെടുപ്പില് ചുരുങ്ങിയത് 11 അഗങ്ങളെ എങ്കിലും വിജയിപ്പിക്കണം. ഇവര് മൂന്ന് സംസ്ഥാനങ്ങളില് നിന്നെങ്കിലും ഉള്ളവര് ആയിരിക്കണം. സിപിഎമ്മിന് നാല് സംസ്ഥാനങ്ങളില് സംസ്ഥാന പാര്ട്ടി പദവി ഉള്ളതുകൊണ്ടാണ് ദേശീയ പാര്ട്ടി പദവി നിലനിര്ത്താന് സാധിക്കുന്നത്. കേരളം, തമിഴ്നാട്, പശ്ചിമബംഗാള്, ത്രിപുര എന്നീ നാല് സംസ്ഥാനങ്ങളില് സിപിഎമ്മിന് സംസ്ഥാന പാര്ട്ടി പദവിയുണ്ട്. 2029വരെ ഇത് മാറ്റമില്ലാതെ തുടരുകയും ചെയ്യുമെന്ന വ്യക്തമാക്കുന്ന റിപ്പോര്ട്ട് ഇവിടെ വായിക്കാം. 2019ലെ ലോക്സഭാ തിരഞ്ഞെടുപ്പില് നേരിട്ട തിരിച്ചടിയെത്തുടര്ന്ന് സിപിഎമ്മിന് ദേശീയ പാര്ട്ടി പദവി നഷ്ടമായേക്കും എന്ന പ്രചാരണങ്ങളുണ്ടായെങ്കിലും ഇപ്പോഴും ഇത് നിലനില്ക്കുന്നുണ്ട്. ലഭ്യമായ വിവരങ്ങളില് നിന്ന് ഇതുവരെ സിപിഎമ്മിന് ദേശീയ പാര്ട്ടി പദവി നഷ്ടമായിട്ടില്ലെന്ന് വ്യക്തം. സിപിഎമ്മിന് ദേശീയ പാര്ട്ടി പദവി നഷ്ടമായി. ദേശീയ പാര്ട്ടികളെ പട്ടികപ്പെടുത്തുന്ന തിരഞ്ഞെടുപ്പ് കമ്മിഷന്റെ ഏറ്റവും പുതിയ ലിസ്റ്റിലും സിപിഎം ഉള്പ്പെട്ടിട്ടുണ്ട്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software