About: http://data.cimple.eu/claim-review/59fabc81bc57336938cf879877c391fa08979d9c9a01c1fd7dd2257d     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • അമേരിക്കയിലെ ലോസ് ആഞ്ചലസിലുണ്ടായ കാട്ടുതീ അണയ്ക്കാന് ഇപ്പോഴും പ്രയത്നം തുടരുകയാണ്. ശക്തമായ കാറ്റും പ്രതികൂലമായ കാലാവസ്ഥയും തീ ആളിപ്പടരുന്നതിന് കാരണമായിട്ടുണ്ട്. അതിനിടെ ലോസ് ആഞ്ചലിസില് നിന്നുള്ളതാണെന്ന രീതിയില് നിരവധി വീഡിയോകളും ചിത്രങ്ങളും സമൂഹമാധ്യമങ്ങളില് പ്രചരിക്കുന്നുണ്ട്. ചെറിയ ബാഗുകളില് വെള്ളം നിറച്ച് തീയണയ്ക്കുന്ന ഒരു ദൃശ്യം ഇപ്പോള് വൈറലാണ്. ലോസ് ആഞ്ചലസ് അഗ്നിശമന സേന സ്ത്രീകളുടെ ബാഗ് ഉപയോഗിച്ച് തീ അണയ്ക്കുന്ന ദൃശ്യമെന്നാണ് അവകാശവാദം. "ലോകത്തേ ഏറ്റവും വികസിത രാജ്യം അമേരിക്ക. അത് മാത്രമല്ല ശാസ്ത്ര സാങ്കേതിക രംഗത്തെ മുടി ചൂടാമന്നന് എന്ന് സ്വയം വിശേഷിപ്പിക്കുകയും അതിന്റെ ഹുങ്കിന്റ മൂര്ച്ചയില് ലോകത്ത് തങ്ങളുടെ വാര്പ്പ് മാതൃകകള് അടിച്ചേല്പ്പിക്കുകയും ചെയ്ത് അധികാരം സ്ഥാപിച്ച അമേരിക. അമേരിക്കയുടെ ശാസ്ത്ര സാങ്കേതിക കേന്ദ്രമായ കാലിഫോര്ണിയ സംസ്ഥാനത്തിലെ ലോസ് ഏഞ്ചല്സിലെ അഗ്നിശമന സേനാംഗങ്ങള് സ്ത്രീകളുടെ ഹാന്ഡ്ബാഗുകള് ഉപയോഗിച്ച് തീ അണയ്ക്കാന് ശ്രമിക്കുന്നു. " എന്നു തുടങ്ങുന്ന ഫേസ്ബുക്ക് പോസറ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. വൈറല് വീഡിയോയില് ഫയര്മാന്മാര് ഉപയോഗിക്കുന്നത് ലേഡീസ് ബാഗല്ല, തീ അണയ്ക്കാന് ഉപയോഗിക്കുന്ന കാന്വാസ് ബാഗാണിത്. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം വൈറല് വീഡിയോയുടെ കീഫ്രെയ്മുകള് റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് Onscene TV യുടെ യുട്യൂബ് പേജില് പങ്കുവച്ച ഈ വീഡിയോയുടെ ദൈര്ഘ്യമേറിയ പതിപ്പ് ലഭ്യമായി. കാലിഫോര്ണിയയിലെ പസഫിക് പാലിസേഡ്സിലുണ്ടായ കാട്ടുതീ അണയ്ക്കുന്ന ദൃശ്യമെന്നാണ് 2025 ജനുവരി എട്ടിന് പങ്കുവച്ചിട്ടുള്ള വീഡിയോയുടെ വിവരണത്തില് പറയുന്നത്. 13,200 ലധികം കെട്ടിടങ്ങള്ക്ക് ഭീഷണിയായ അഗ്നിബാധയില് ആയിരക്കണക്കിന് പേരെ ഒഴിപ്പിച്ചതായും റിപ്പോര്ട്ടിലുണ്ട്. ഇതില് നിന്നും ലോസ് ആഞ്ചലസ് ഫയര് ഡിപ്പാര്ട്ട്മെന്റ് (LAFD) ഉദ്യോഗസ്ഥരുടെ വീഡിയോ തന്നെയാണിതെന്ന് ഉറപ്പിക്കാനായി. ഈ വീഡിയോ സൂക്ഷ്മമായി പരിശോധിച്ചപ്പോള് ആദ്യഭാഗത്ത് തന്നെ രണ്ട് ഫയര്മാന്മാര് ബാഗുകളില് വെള്ളം നിറയ്ക്കുന്നതിന്റെ ക്ലോസ് ഷോട്ട് കാണാന് സാധിച്ചു. വളരെ ചെറിയ കാന്വാസ് ബാഗുകളാണിതെന്ന് വ്യക്തമാണ്. വീഡിയോയുടെ പ്രസക്ത ഭാഗം ചുവടെ കാണാം. തുടര്ന്ന് ഞങ്ങള് കീവേര്ഡ് പരിശോധന നടത്തിയപ്പോള് tmz.com എന്ന വെബ്സൈറ്റില് ലോസ് ആഞ്ചലസ് ഫയര് ഡിപ്പാര്ട്ട്മെന്റ് അധികൃതരുടെ പ്രതികരണം ഉള്പ്പെടുന്ന റിപ്പോര്ട്ട് നല്കിയിട്ടുള്ളതായി കണ്ടെത്തി. വാര്ത്ത പ്രകാരം അഗ്നിശമന സേന ഉദ്യോഗസ്ഥര് ഉപയോഗിച്ചത് സ്ത്രീകള് ഉപയോഗിക്കുന്ന രീതിയിലുള്ള ഹാന്ഡ് ബാഗല്ല. ചെറുതായി തീ കത്തുന്ന സ്ഥലങ്ങളില് ഉപയോഗിക്കാറുള്ള കാന്വാസ് ബാഗുകളാണിവ. ഈ വീഡിയോയില് കാണുന്നത് പോലെ ഒരു ചെറിയ ചവറ്റുകുട്ടയിലോ മറ്റോ തീ പിടിക്കുമ്പോള്, ഒരു ഹോസ് പുറത്തെടുത്ത് വെള്ളം ഒഴിക്കുന്നതിലും വേഗത്തില് ഇത്തരം ബാഗുകളിലും കണ്ടെയ്നറുകളിലും വെള്ളം നിറച്ച് തീ പെട്ടെന്ന് കെടുത്താനാകുമെന്നും സാധാരണയായി ഫയര് എഞ്ചിന് വാഹനങ്ങളില് ഉപയോഗിക്കുന്ന ബാഗുകളാണിതെന്നുമായിരുന്നു അധികൃതരുടെ വിശദീകരണം. വാര്ത്തയുടെ സ്ക്രീന്ഷോട്ട് ചുവടെ കാണാം. വൈറല് ക്ലിപ്പില് കാണുന്ന കണ്ടെയ്നറുകള് collapsible buckets എന്നാണ് അറിയപ്പെടുന്നതെന്ന് LAFD ഇമെയില് വഴി സ്ഥിരീകരിച്ചതായി സ്നോപ്സ് റിപ്പോര്ട്ട് ചെയ്തിട്ടുണ്ട്. മറ്റ് ബക്കറ്റുകള് പോലെ ഇവയ്ക്ക് ഹാന്റിലുണ്ട് മാത്രമല്ല വളരെ ഫ്ളെക്സിബിള് മെറ്റീരിയലുമാണ് അതിനാലാകാം വീഡിയോ ഹാന്ഡ് ബാഗായി തെറ്റിദ്ധരിച്ചതെന്നാണ് LAFD അധികൃതര് വ്യക്തമാക്കിയിട്ടുള്ളത്. റോയിട്ടേഴ്സും സമാനമായ റിപ്പോര്ട്ട് നല്കിയിട്ടുണ്ട്. ലഭ്യമായ വിവരങ്ങളില് നിന്ന് പ്രചരിക്കുന്ന വീഡിയോയില് ഫയര് ഫോഴ്സ് ഉദ്യോഗസ്ഥര് തീ അണയ്ക്കാന് ഉപയോഗിക്കുന്നത് ലേഡീസ് ഹാന്ഡ് ബാഗ് അല്ലെന്നും കൊളാപ്സിബിള് ബക്കറ്റ് എന്നറിയപ്പെടുന്ന കാന്വാസ് ബാഗുകളാണെന്നും വ്യക്തമായി. യുഎസില് ഫയര് ഫോഴ്സ് ഉദ്യോഗസ്ഥര് തീ അണയ്ക്കാന് ലേഡീസ് ഹാന്ഡ് ബാഗ് ഉപയോഗിക്കുന്ന ദൃശ്യം. വൈറല് വീഡിയോയില് ഫയര് ഫോഴ്സ് ഉദ്യോഗസ്ഥര് തീ അണയ്ക്കാന് ഉപയോഗിക്കുന്നത് ലേഡീസ് ഹാന്ഡ് ബാഗ് അല്ല. കൊളാപ്സിബിള് ബക്കറ്റ് എന്നറിയപ്പെടുന്ന കാന്വാസ് ബാഗുകളാണിവ.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software