About: http://data.cimple.eu/claim-review/5c543691091e6ac55823e2138fe3db8b237d8dd3308e60e0e97148ad     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • നവംബര് 13ന് നടക്കുന്ന ഉപതെരഞ്ഞെടുപ്പില് പാലക്കാട് മണ്ഡലത്തിലെ സ്ഥാനാര്ഥിത്വത്തെ ചൊല്ലി കോണ്ഗ്രസിന്റെ സോഷ്യല് മീഡിയ കോര്ഡിനേറ്ററായിരുന്ന ഡോ. പി സരിന് പാര്ട്ടിയുമായി ഇടഞ്ഞിരുന്നു. വാര്ത്താസമ്മേളനം വിളിച്ചു ചേര്ത്ത് നേതാക്കള്ക്കെതിരെ രൂക്ഷമായി പ്രതികരിച്ചതോടെ പാര്ട്ടി അംഗത്വത്തില് നിന്ന് പി സരിനെ കെപിസിസി പുറത്താക്കി. തൊട്ടുപിന്നാലെ സിപിഎമ്മില് ചേരുകയാണെന്ന് പി സരിന് പ്രഖ്യാപിച്ചു. ഇതിനിടെ സരിന് മുന്പ് പൗരത്വ നിയമ ഭേദഗതി(സിഎഎ) പ്രക്ഷോഭത്തില് എടുത്ത നിലപാട് ചോദ്യം ചെയ്തുകൊണ്ട് സോഷ്യല് മീഡിയ പ്രചാരണം സജീവമാണ്. സിഎഎ പ്രക്ഷോഭ കാലത്ത് ഹിന്ദുക്കള്ക്ക് ചികിത്സ നല്കില്ലെന്ന് ഡോ.സരിന് പറഞ്ഞുവെന്നാണ് പ്രചാരണം. "CAA /NRC... ക്കാലത്ത്.... എന്റെ ക്ലിനിക്കില്.. ഹിന്ദുക്കള് ആരും ചികിത്സ തേടി വന്നേക്കരുത് എന്ന് BOARD എഴുതി വെച്ച നാറിയാണ്.. ഇവന്.. Dr.സരിന്. " എന്നു തുടങ്ങുന്ന ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. പൗരത്വ നിയമ ഭേദഗതി സമരങ്ങളെ അനുകൂലിച്ച സരിന് ഹിന്ദുക്കളെ ചികിത്സിക്കില്ലെന്ന് പറഞ്ഞിട്ടില്ല. ഫേസ്ബുക്ക് പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം പൗരത്വ നിയമ ഭേദഗതിയുമായി ബന്ധപ്പെട്ട് ഡോ.പി സരിന് എടുത്ത നിലപാടിനെപ്പറ്റിയാണ് ഞങ്ങള് ആദ്യം പരിശോധിച്ചത്. കീ വേര്ഡ് സെര്ച്ചുകളില് നിന്ന് 2020 ജനുവരി എട്ടിന് മനോരമ ന്യൂസിന്റെ വെബ്സൈറ്റില് പ്രസിദ്ധീകരിച്ച വാര്ത്ത ലഭ്യമായി. 'പരിശോധന ഭരണഘടനയിലെ വിശ്വാസത്തിന് വിധേയം'; വേറിട്ട പ്രതിഷേധം' എന്ന തലക്കെട്ടിലുള്ള വാര്ത്തയില് ഡോ.സരിന്, ഭാര്യ ഡോ. സൗമ്യ സരിന് എന്നിവരുടെ പേരുള്ള ബോര്ഡിന്റെ ചിത്രവുമുണ്ട്. #INDIANS, #REPEALCAA, #NONRC എന്നീ ഹാഷ് ടാഗുകളും ബോര്ഡില് കാണാം. സിഎഎ വിഷയത്തിലുള്ള നിലപാട് വ്യക്തമാക്കിയതോടെ ഇരുവരെയും അനുകൂലിച്ചും പ്രതികൂലിച്ചും നിരവധിപ്പേര് രംഗത്തെത്തിയിരുന്നു. രാഷ്ട്രീയവും തൊഴിലും കൂട്ടിച്ചേര്ക്കരുതെന്ന് ഒരു വിഭാഗം ഡോക്ടര്മാര് വിമര്ശനം ഉന്നയിച്ചതായും റിപ്പോര്ട്ടില് വ്യക്തമാക്കുന്നു. വാര്ത്തയുടെ സ്ക്രീന്ഷോട്ട് ചുവടെ കാണാം. വിഷയം ചര്ച്ചയായതോടെ ഡോ.സരിനും ഭാര്യയും ഇതേപ്പറ്റിയുള്ള കാഴ്ചപ്പാടുകള് വ്യക്തമാക്കുന്ന അഭിമുഖം ഏഷ്യാനെറ്റ് പങ്കുവച്ചിരുന്നു. കാലഘട്ടത്തിന്റെ ആവശ്യം എന്ന് തോന്നിയതിനാലും ഭരണഘടന പ്രകാരം ഞങ്ങള്ക്ക് ശരിയെന്ന് തോന്നിയതുമായ നിലപാട് ഉറക്കെ പറയാനുള്ള ശ്രമം നടത്തിയതാണെന്ന് സരിന് പറയുന്നുണ്ട്. ഏഷ്യാനെറ്റ് നല്കിയ വീഡിയോ റിപ്പോര്ട്ട് ചുവടെ കാണാം. സോഷ്യല് മീഡിയയില് വിമര്ശനം ഉയര്ന്നതോടെ ഡോ. സൗമ്യ സരിന് ഇതേപ്പറ്റി 2020ല് തന്നെ ഫേസ്ബുക്ക് പോസ്റ്റ് പങ്കുവച്ചിരുന്നു. ഒരു വിഭാഗത്തിനും ചികിത്സ നിഷേധിക്കുകയല്ല, ഭരണഘടനയിലൂന്നിയ നിലപാട് ഉറക്കെപറയുകയായിരുന്നുവെന്നും മറ്റൊരു രീതിയിലും ഇതിനെ വ്യാഖ്യാനിക്കേണ്ടതില്ലെന്നും വ്യക്തമാക്കുന്ന ഡോ.സൗമ്യയുടെ പോസ്റ്റ് ചുവടെ കാണാം. ഡോ.സരിനും സൗമ്യയും ഫേസ്ബുക്ക് പേജുകളില് പങ്കുവച്ച ബോര്ഡിന്റെ ചിത്രം ഇവിടെ കാണാം. ഇവയിലൊന്നും തന്നെ ഹിന്ദുക്കളെ ചികിത്സിക്കില്ലെന്ന് എഴുതിയിട്ടില്ല. കൂടാതെ അന്ന് ഇരുവരുടെയും പോസ്റ്റ് പങ്കുവച്ച ചിലരുമായും ഞങ്ങള് സംസാരിച്ചു. സരിന്റെ ഇപ്പോഴത്തെ രാഷ്ട്രീയ നിലപാട് കൊണ്ട് പേര് വെളിപ്പെടുത്താന് ഇവര് തയാറായില്ല. എന്നാല് സിഎഎ വിഷയവുമായി ബന്ധപ്പെട്ട് അദ്ദേഹം ഏതെങ്കിലും ഒരു മതവിഭാഗത്തെ ചികിത്സിക്കില്ലെന്ന നിലപാടെടുത്തിട്ടില്ലെന്ന് ഇവര് സ്ഥിരീകരിച്ചു. ലഭ്യമായ വിവരങ്ങളില് സിഎഎ സമരകാലത്ത് ഡോ.പി സരിന് ഹിന്ദുക്കളെ ചികിത്സിക്കില്ലെന്ന ബോര്ഡ് വച്ചിരുന്നില്ലെന്ന് വ്യക്തമായി. സിഎഎ സമരകാലത്ത് ഡോ.പി സരിന് ഹിന്ദുക്കളെ ചികിത്സിക്കില്ലെന്ന് ബോര്ഡ് വച്ചു. സിഎഎ ഭരണഘടനാ വിരുദ്ധമാണെന്നുള്ള നിലപാട് വ്യക്തമാക്കി 2020 ജനുവരിയില് പി സരിനും ഭാര്യയും വീടിനു മുന്നില് ബോര്ഡ് സ്ഥാപിച്ചിരുന്നു. എന്നാലിതില് ഹിന്ദുക്കളെ ചികിത്സിക്കില്ലെന്ന് എഴുതിയിരുന്നില്ല.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 2 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software