About: http://data.cimple.eu/claim-review/5ccd6ad6c48690ad7097b32d9e5e2587289873ef35b464c103dc75d0     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • പ്രതിപക്ഷ നേതാവ് വിഡി സതീശന്റെ ഒരു വീഡിയോ ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. പാലക്കാട് ഉപതെരഞ്ഞെടുപ്പിൽ മത്സരം നടക്കുന്നത് സിപിഎമ്മും ബിജെപിയും തമ്മിലാണെന്ന് സതീശൻ ഒടുവിൽ സമ്മതിച്ചു എന്ന രീതിയിലാണ് ദൃശ്യം പ്രചരിക്കുന്നത്. വിഡി സതീശന്റെ വാർത്താ സമ്മേളനത്തിൽ നിന്നുള്ള വീഡിയോയാണ് ഇത്. "എന്തായാലും സതീശൻ ഈ അവസാന മണിക്കൂറിൽ സത്യം പറഞ്ഞല്ലോ. ഇന്നലെ വരെ പറഞ്ഞ കളവിന് ഒരു പ്രായശ്ചിത്തം. *ഡോ: സരിൻ വിജയിക്കും🔥🚩.😂*" എന്ന തലകെട്ടോടെ പ്രചരിക്കുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രാചരത്തിലുള്ളത് ക്ലിപ്ഡ് വീഡിയോയാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. സിപിഎമ്മും ബിജെപിയും രണ്ടാം സ്ഥാനത്തിനായി മത്സരിക്കുന്നു എന്ന് പറഞ്ഞ ഭാഗമാണ് കട്ട് ചെയ്ത് പ്രചരിപ്പിക്കുന്നത്. ഫേസ്ബുക്ക് പോസ്റ്റിന്റെ ആർക്കൈവ് ചെയ്ത ലിങ്ക്. അന്വേഷണം 9 സെക്കന്റ് ദൈർഘ്യം മാത്രമുള്ള വൈറൽ വീഡിയോയിൽ റിപ്പോർട്ടർ ടിവിയുടെ ലോഗോ കാണാം. മറ്റ് ചാനലുകളുടെ മൈക്കുകളും ഈ വീഡിയോയിൽ കാണാനാകുന്നുണ്ട്. റിപ്പോർട്ടർ ടിവിയുടെ യൂട്യൂബ് ചാനൽ പരിശോധിച്ചപ്പോൾ സമാന പശ്ചാത്തലത്തിൽ വിഡി സതീശൻ സംസാരിക്കുന്ന വീഡിയോ 2024 നവംബർ 13ന് പങ്കുവച്ചിട്ടുള്ളതായി കണ്ടെത്തി. 5.29 മിനിറ്റ് ദൈർഘ്യമുള്ള ഈ വീഡിയോയിലെ 2.30 മിനിറ്റ് മുതലുള്ള ഭാഗമാണ് വൈറൽ വീഡിയോയിൽ ഉപയോഗിച്ചിരിക്കുന്നതെന്ന് പരിശോധനയിൽ വ്യക്തമായി. റിപ്പോർട്ടർ ടിവി പങ്കുവച്ച വീഡിയോ ചുവടെ കാണാം. വിഡി സതീശൻ വാർത്താ സമ്മേളനത്തിൽ പറഞ്ഞത് രണ്ടാം സ്ഥാനത്തിനായി ബിജെപിയും സിപിഎമ്മും മത്സരിക്കുന്നു എന്നാണ്. "രണ്ടാം സ്ഥാനത്തിന് വേണ്ടി നല്ല മത്സരം നടക്കുന്നുവെന്നാണ് ഞാൻ പറഞ്ഞത്. അന്തിമ ഘട്ടത്തിൽ അത് വിശകലനം നടത്തി ഞാൻ പറഞ്ഞു ഇവിടെ പാലക്കാട് മത്സരം നടക്കുന്നത് സിപിഎമ്മും ബിജെപിയും തമ്മിലാണ്. കാരണം എന്താണെന്ന് വച്ചാൽ രണ്ടാം സ്ഥാനത്ത് വരാനുള്ള സിപിഎമ്മിന്റെ സാധ്യതയെ ബിജെപിയിലേക്ക് സീറ്റ് ചോദിച്ച് പോയ ആൾക്ക് സീറ്റ് കൊടുത്ത് അത് തല്ലികെടുത്തിയത് സിപിഎമ്മാണ്. സിപിഎം നന്നായി പ്രവർത്തിച്ച് അവരുടേതായ ഒരു പാർട്ടി സ്ഥാനാർത്ഥിയെ നന്നായി നിർത്തി മത്സരിച്ചിരുന്നുവെങ്കിൽ സിപിഎമ്മിന് രണ്ടാം സ്ഥാനത്തേക്ക് കേറിവരാമായിരുന്ന സാധ്യത സിപിഎം തന്നെ നശിപ്പിച്ചതാണ്" എന്നാണ് വിഡി സതീശൻ പറയുന്നത്. ഈ ഭാഗം ഉൾപ്പെടുന്ന മനോരമ ന്യൂസ് വീഡിയോ ചുവടെ കാണാം. വിഡി സതീശന്റെ വാർത്താ സമ്മേളനവുമായി ബന്ധപ്പെട്ട സമയം മലയാളം റിപ്പോർട്ടിലും രണ്ടാം സ്ഥാനത്തിനായി സിപിഎമ്മും ബിജെപിയും മത്സരിക്കുകയാണെന്ന് പറയുന്നുണ്ട്. പ്രസക്ത ഭാഗം ഉൾപ്പെടുന്ന റിപ്പോർട്ടിന്റെ സ്ക്രീൻഷോട്ട് ചുവടെ കാണാം. ലഭ്യമായ വിവരങ്ങളിൽ നിന്നും പാലക്കാട് ഉപതെരഞ്ഞെടുപ്പിൽ മത്സരം നടക്കുന്നത് സിപിഎമ്മും ബിജെപിയും തമ്മിലാണെന്ന വിഡി സതീശന്റെ പ്രസ്താവന ക്ലിപ്ഡ് വീഡിയോയാണെന്ന് വ്യക്തമായി. പാലക്കാട് ഉപതെരഞ്ഞെടുപ്പിൽ മത്സരം നടക്കുന്നത് സിപിഎമ്മും ബിജെപിയും തമ്മിലെന്ന് വിഡി സതീശൻ. വൈറൽ വീഡിയോ ക്ലിപ്ഡ് ആണ്. രണ്ടാം സ്ഥാനത്തിനായി സിപിഎമ്മും ബിജെപിയും തമ്മിൽ മത്സരിക്കുന്നു എന്ന് വിഡി സതീശൻ പറയുന്ന ഭാഗം കട്ട് ചെയ്ത് പ്രചരിപ്പിക്കുകയാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software