| schema:text
| - Rrena se janë liruar tre policët që u kidnapuan dje në veri
Deklarata
Ekskluzive: Lirohen tre policët e Kosovës që janë kidnapuar dje në veri
Vlerësimi
Rrenë
Informacioni me titull “Ekskluzive: Lirohen tre policët e Kosovës që janë kidnapuar dje në veri” është i rremë. Ky informacion është demantuar nga vet faqja “Nacionale’, e cila e kishte publikuar e para, mirëpo i njëjti lajm vazhdon të jetë i qasshëm nëpër faqe tjera të internetit dhe në Facebook. Policët e Kosovës po vazhdojnë të mbahen në Serbi. Policia e Kosovës ka thënë se tre policët janë kidnapuar brenda territorit të Kosovës.
Artikulli
Më 15 maj 2023, në portalin “Nacionale.com” është publikuar një informacion me titullin “Ekskluzive: Lirohen tre policët e Kosovës që janë kidnapuar dje në veri” (arkiva).
Por, disa minuta më vonë artikulli është ndryshuar duke marrë titullin “Ekskluzive: Lirohen dy qytetarët e Kosovës e arrestuar pardje në Serbi”.
Pas këtij publikimi, drejtori i këtij mediumi, Berat Buzhala në profilin e tij në rrjetin social “Facebook” e ka publikuar një sqarim duke kërkuar falje pasi informacioni që kishin shpërndarë nuk ishte i saktë. Në fakt, sipas Buzhalës, ishin liruar dy qytetarët e arrestuar në Merdarë e jo policët.
Informacioni për lirim të policëve i publikuar fillimisht në Nacionale është ripublikuar nga disa media të tjera.
Por ky informacion i pavërtetë është shpërndarë edhe në disa faqe tjera të Facebookut: Gazeta Raporti, Fokusi.Info, Al-Press, dhe e njëjta e publikuar edhe faqen e internetit Fokusi.info. Të njëjtat vazhdojnë të mbajnë të publikuar informacionin edhepse është konfirmuar se është i rremë.
Policia e Kosovës ka njoftuar se në territorin e Kosovës janë kidnapuar tre zyrtarë të Policisë së Kosovës nga policia e Serbisë.
Policia e Kosovës e cilësoi këtë si “kidnapim klasik të organizuar” brenda territorit të Kosovës, kurse në Beograd u tha se ata janë arrestuar nga njësitet anti-terror të xhandarmërisë serbe brenda territorit të Serbisë, në komunën e Rashkës.
Ngjarja, sipas Policisë së Kosovës ka ndodhur mesditën e së mërkurës, kur ata dyshohet se janë rrëmbyer nga forcat serbe gjatë një patrullimi në vendin e quajtur Tresave/Bare, në vijën kufitare në veri të Kosovës.
KFOR-i dhe NATO ende nuk kanë dalë me ndonjë informacion për lokacionin se ku kanë qenë policët e Kosovës në momentin kur janë përballur me policët e Serbisë.
Gjithashtu, Kryetari i Komunës së Podujevës, Shpejtim Bulliqi, njoftoi të mërkurën, përmes një shkrimi në Facebook, për arrestimin e tre personave nga kjo komunë në shtetin e Serbisë.
“Sipas informatave që kemi pranuar, atyre u është caktuar masa e paraburgimit për 48 orë nga autoritetet serbe, kurse për motivet e arrestimit të tyre nuk dihet, përveçse po dyshojmë se janë hakmarrëse dhe po ndërlidhen me situatën në veri të vendit”- shkroi Bulliqi në Facebook.
Situata në veri të Kosovës – zonë e banuar me shumicë serbe – është tensionuar qysh në fund të majit, kur kryetarët shqiptarë të komunave atje kanë hyrë në objektet komunale, përkundër rezistencës së banorëve lokalë.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)