| schema:text
| - Foto: Urim Krasniqi/KALLXO.com
Premtimet e partive për themelimin e Byrosë së Hetimeve
Deklarata
AAK: Do të themelojmë Byronë e Hetimeve të ngjashme me FBI-në
LDK: Duhet te themelohet Byroja e Hetimeve
LVV: Byroja e Hetimeve vetëm për zyrtarët e lartë
Vlerësimi
Hetimet vazhdojnë
KRYPOMETRI do të vazhdojë monitorimin e mbajtjes së premtimeve nga partitë të cilat do të marrin pushtetin pas zgjedhjeve të 14 shkurtit në lidhje me themelimin e Byrosë së Hetimit.
Artikulli
Kandidatët për deputetë të AAK-së, LDK-së dhe LVV-së debatuan për sundimin e ligjit në “DebatPernime”.
Selim Selimi (AAK), Shkëmb Manaj dhe Valdet Hoxha (LDK), Adnan Rrustemi dhe Doarsa Kica (LVV) shpalosën programin e tyre për drejtësinë, sundimin e ligjit dhe luftën kundër korrupsionit.
Të gjithë përfaqësuesit e partive që ishin pjesë e debatit u pajtuan se duhet të themelohet Byroja e Hetimeve.
Kandidati për deputet nga radhët e AAK-së dhe ish-ministri i Drejtësisë, Sellim Selimi tha se partia e tij ka paraparë që do të krijohet një Byro e Hetimeve, e ngjashme me FBI-në e Shteteve të Bashkuara të Amerikës.
“Ne do ta kemi një task-forcë e cila do të shndërrohet potencialisht në Byro të Hetimeve, e ngjashme me FBI-në”, deklaroi Selimi.
Deputeti i LDK-së në legjislaturën e fundit dhe kandidati për deputet i LDK-së në zgjedhjet e 14 shkurtit, Shkëmb Manaj tha se Byroja e Hetimeve duhet të themelohet.
“Ne mendojmë se duhet të themelohet Byroja e Hetimeve mirëpo derisa të themelohet ajo i duhet kohë në mënyrë që të krijohet legjislacioni adekuat. Konsideroj që nuk mund të bëhen hapa të shpejtë në luftimin e korrupsionit nëse tentojmë ta krijojmë këtë Byro të Hetimeve”, ka theksuar Manaj.
Ndërsa kandidati për deputet nga radhët e Lëvizjes Vetëvendosje, Adnan Rrustemi, ka thënë se për të luftuar korrupsionin, VV ka paraparë themelimin e Byrosë së Hetimeve vetëm për zyrtarët e lartë për të verifikuar burimin e pasurisë së tyre.
“Korrupsioni në Kosovë është i përqendruar tek zyrtarët e lartë. Ne kemi paraparë të themelohet Byroja e Hetimeve në kuptimin e hetimeve vetëm për zyrtarët e lartë, pastaj do të rishikojmë komplet pakon ligjore sa i përket luftimit të korrupsionit sikurse do të definojmë kompetencat e Agjencisë Kundër Korrupsionit”, tha Rrustemi në DebatPernime me Jeta Xharrën.
Ftesa për të qenë pjesë e debatit ka qenë edhe për PDK-në dhe Nismën Socialdemokrate por ata kanë refuzuar të vijnë në debat dhe të shpalosin programet e tyre qeverisëse.
Cikli i “DebatPernime” i moderuar nga Jeta Xharra do të mbahet gjatë dhjetë ditëve të fushatës zgjedhore për zgjedhjet e jashtëzakonshme parlamentare në Kosovë, të cilat do të mbahen të dielën, me 14 shkurt.
Debati do të transmetohet çdo mbrëmje me fillim prej orës 20:20 në RTV Dukagjini dhe drejtpërdrejt në Facebook të KALLXO.com.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)