About: http://data.cimple.eu/claim-review/725b330039ee5c63f31f38f3b8dfdc0519ad4ff7703e194f58a73426     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ബാര്ബര് ഷോപ്പില് തല മസാജ് ചെയ്യുന്നതിനിടെ പക്ഷാഘാതം വന്ന് യുവാവ് മരിച്ചു എന്ന രീതിയില് ഒരു വീഡിയോ സോഷ്യല് മീഡിയയില് പ്രചരിക്കുന്നുണ്ട്. തലയിലും കഴുത്തിലുമെല്ലാം ഇടിച്ചുകൊണ്ടാണ് ബാര്ബര് മസാജ് ചെയ്യുന്നത്. മസാജിനിടെ യുവാവ് അസ്വസ്ഥതകള് പ്രകടിപ്പിക്കുന്നതും കാണാം. "ബാര്ബര് ഷോപ്പില് പോയി മസാജ് എന്നു പറഞ്ഞു ഒന്നുമറിയാത്തവര് ചെയ്യുന്ന കോപ്രായങ്ങള് നമുക്ക് എത്രമാത്രം ദോഷം ചെയ്യും എന്ന് നാം കാണണം ഒരു ഞരമ്പ് വലിഞ്ഞാല് തീരാവുന്നതേയുള്ളൂ നമ്മുടെ ജീവിതം എന്ന് നാം അറിയണം" എന്നുള്ള ഫേസ്ബുക്ക് പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചരിക്കുന്ന പോസ്റ്റുകള് തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്തി. ഇത് യഥാര്ഥ സംഭവമല്ല, അവബോധത്തിനായി നിര്മിച്ച വീഡിയോയാണ്. അന്വേഷണം വൈറല് വീഡിയോ സൂക്ഷ്മമായി പരിശോധിക്കുമ്പോള് ഇതിന്റെ അവസാനഭാഗത്ത് സ്ക്രിപ്റ്റഡ് വീഡിയോ ആണെന്ന് മുന്നറിയിപ്പ് സന്ദേശം നല്കിയിട്ടുള്ളതായി കാണാം. എന്നാല് ഇത് ശ്രദ്ധിക്കാതെ സംഭവം സത്യമാണെന്ന രീതിയിലാണ് പലരും പങ്കുവയ്ക്കുന്നത്. ഇത്തരം ചില സോഷ്യല് മീഡിയോ പോസ്റ്റുകളില് 'കൂടുതല് ഒറിജിനല് വീഡിയോകള് കാണാം' എന്നെഴുതിയ ഒരു ലിങ്കുമുണ്ട്. തെന്നിന്ത്യന് നടി സഞ്ജന ഗല്റാണിയുടെ പേരിലുള്ള വേരിഫൈഡ് ഫേസ്ബുക്ക് പേജാണിത്. നവംബര് 10ന് സഞ്ജന ഈ വീഡിയോ പങ്കുവച്ചിട്ടുണ്ട്. ഇത് സ്ക്രിപ്റ്റഡ് വീഡിയോ ആണെന്നുള്ള സന്ദേശവും ഇതോടൊപ്പമുണ്ടെങ്കിലും ആരാണ് വീഡിയോ നിര്മിച്ചിട്ടുള്ളതെന്ന വിവരമില്ല. അവബോധത്തിനായി തയാറാക്കിയിട്ടുള്ള സമാനമായ നിരവധി വീഡിയോകളും സഞ്ജന ഗല്റാണിയുടെ പ്രൊഫൈലില് പങ്കുവച്ചിട്ടുണ്ട്. തുടര്ന്ന് ഞങ്ങള് വൈറല് വീഡിയോ റിവേഴ്സ് ഇമേജ് സെര്ച്ചിന്റെ സഹായത്തോടെ പരിശോധിച്ചപ്പോള് '3RD EYE' എന്ന യുട്യൂബ് ചാനലില് സമാന വീഡിയോ കണ്ടെത്തി. 'ഇത് സംഭവിക്കാം..! ബാര്ബര് മസാജ് ചെയ്തപ്പോള് ഒരു സലൂണില് സംഭവിച്ചത് കാണുക' എന്ന തലക്കെട്ടോടെ 2024 നവംബര് 9നാണ് ഈ വീഡിയോ യുട്യൂബ് ചാനലില് പങ്കുവച്ചിട്ടുള്ളത്. വിവരണത്തിന് താഴെയായി സ്ക്രിപ്റ്റഡ് വീഡിയോയാണെന്ന് വ്യക്തമാക്കിയിട്ടുണ്ട്. സ്ക്രീന്ഷോട്ട് ചുവടെ കാണാം. അവബോധത്തിനായി വീഡിയോകള് സൃഷ്ടിക്കുന്ന ഒരു യുട്യൂബ് ചാനലാണ് 3RD EYE. സമാനമായ നിരവധി വീഡിയോകളും ഈ പേജിലുണ്ട്. സലൂണ് മസാജില് അപകടമുണ്ടോ? ബാര്ബര് ഷോപ്പിലെ മസാജ് ഇത്തരം അപകടം വിളിച്ചുവരുത്തുമോ എന്നും ഞങ്ങള് പരിശോധിച്ചു. അടുത്തിടെ കര്ണാടകയില് ഇത്തരമൊരു സംഭവം നടന്നതായി 2024 ഒക്ടോബര് 28ന് ദി ന്യൂ ഇന്ത്യന് എക്സ്പ്രസ് റിപ്പോര്ട്ട് ചെയ്തിട്ടുണ്ട്. ഇതരസംസ്ഥാന തൊഴിലാളിയായ 30കാരനാണ് അപകടമുണ്ടായത്. ബാര്ബര് മസാജ് ചെയ്തതിനെ തുടര്ന്ന് യുവാവിന് ഹൃദയാഘാതം സംഭവിക്കുകയും രണ്ട് മാസം ആശുപത്രിയില് ചികിത്സയില് കഴിയുകയും ചെയ്തു. ആസ്റ്റര് ആര്വി ആശുപത്രിയിലെ ന്യൂറോളജി സീനിയര് കണ്സള്ട്ടന്റ് ഡോ ശ്രീകണ്ഠ സ്വാമിയെ ഉദ്ധരിച്ചാണ് ദി ന്യൂ ഇന്ത്യന് എക്സ്പ്രസ് വാര്ത്ത നല്കിയിട്ടുള്ളത്. പരിശീലനം സിദ്ധിക്കാത്തവര് തല മസാജ് ചെയ്താല് പക്ഷാഘാതം വരെ സംഭവിക്കുമെന്ന് ഡോ. സ്വാമി സാക്ഷ്യപ്പെടുത്തുന്നു. റിപ്പോര്ട്ടിന്റെ സ്ക്രീന്ഷോട്ട് ചുവടെ കാണാം. പരിശീലനമില്ലാത്തവര് തല മസാജ് ചെയ്താല് പക്ഷാഘാതം സംഭവിക്കാന് സാധ്യതയുണ്ടെന്ന് ആരോഗ്യ വിദഗ്ധര് മുന്നറിയിപ്പ് നല്കുന്നുണ്ട്. കഴുത്ത് പെട്ടെന്ന് തിരിക്കുന്നതോ ആഘാതം ഏല്പ്പിക്കുന്നതോ വെര്ട്ടെബ്രല് ആര്ട്ടറി ഡിസെക്ഷന് എന്ന അവസ്ഥയിലേക്ക് നയിച്ചേക്കാമെന്ന് ഇതു സംബന്ധിച്ച ലേഖനങ്ങളില് വ്യക്തമാക്കുന്നുണ്ട്. ലഭ്യമായ വിവരങ്ങളില് നിന്ന് ബാര്ബര് ഷോപ്പില് മസാജ് ചെയ്യുന്നതിനിടെ യുവാവ് മരിക്കുന്ന വീഡിയോ അവബോധത്തിനായി നിര്മിച്ചതാണെന്നും യഥാര്ഥ സംഭവമല്ലെന്നും വ്യക്തമായി. ബാര്ബര് ഷോപ്പില് മസാജ് ചെയ്യുന്നതിനിടെ യുവാവ് മരിക്കുന്ന വീഡിയോ. ഇത് യഥാര്ഥ സംഭവമല്ല. അവബോധത്തിനായി 3RD EYE എന്ന യുട്യൂബ് ചാനല് നിര്മിച്ച സ്ക്രിപ്റ്റഡ് വീഡിയോയാണ്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 3 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software