| schema:text
| - Pretendime të paprovuara se mjalti shëron kancerin e ulcerën
Deklarata
Mjalti special antibakteriale vjen nga Zelanda e re… perdoret per trajtimin plageve, ulçeres, semundjeve te stomakut dhe zorreve. Parandalimi dhe trajtimi i kancerit
Vlerësimi
Me kos
Pretedimet se “Mjalti special antibakteriale vjen nga Zelanda e re… perdoret per trajtimin plageve, ulçeres, semundjeve te stomakut dhe zorreve. Parandalimi dhe trajtimi i kancerit”- nuk është i provuar në mënyrë shkencore. Shefi i Shërbimit të Radioterapisë në Klinikën e Onkologjisë në QKUK, Behar Raci ka thënë se produktet bimore i rekomandojnë për imunitet, jo për terapi për kancer. Drejtori i Klinikës së Onkologjisë në QKUK, Ilir Kurtishi ka thënë se trajtimi i kancerit bëhet bazuar në protokollet shëndetësore të provuara në mënyrë shkencore. Sipas tij, suplementet që përshkruhen me rekomandim të mjekut jepen në mënyrë që sëmundja të kalojë më lehtë dhe efekti i barnave të jetë më i mirë.
Artikulli
Më 13.01.2025, faqja në rrjetin social Threads chic_outfit_uk (arkiva) ka publikuar një artikull rreth një mjalte që vjen nga Zelanda e re, e cila pretendohet se shëron shumë sëmundje.
“Mjalti special antibakteriale vjen nga Zelanda e re, dhe perdoret per te kuruar shume semundje. Eshte 100% i çertifikuar. Perdoret per trajtimin plageve, ulçeres, semundjeve te stomakut dhe zorreve. Parandalimi dhe trajtimi i kancerit. Reduktimi i kolesterolit te larte, i diabetit. Trajtimi i infeksioneve te vesheve, syrit dhe te sinusit. Perdoret si maske per flokët.”- thuhet në këtë artikull.
Në këtë faqe, ky mjaltë e ka çmimin 85 euro.
Krypometër për këtë ka pyetur edhe specialistin e Farmacisë klinike, Astrit Haxhijahën, i cili ka thënë se mjalti nga e njëjta markë shitet edhe në barnatore nëpër Kosovë.
“Me emrin Manuka ka në barnatore dhe rekomandohen për imunitet, mirëpo nuk ka këso sikur kjo në faqen e internetit. Këtë format duhet me sabotu. Këto janë fake dhe nuk rekomandohen.”- ka thënë ai.
Trajtimi i ulcerave
Krypometër ka kontaktuar me gastrologun Visar Zekaj, i cili ka thënë se për trajtimin e ulcerave rekomandohen medikamente.
“Te ulcerat duhet praktikuar medikamentet e rekomanduara të Shoqatës së gastroenterologëve dhe nuk guxojmë të bazohemi në mjekësi popullore për trajtim efikas. Në mjekësi duhet t’u përmbahemi rekomandimeve mjekësore për trajtimin e ulcerave dhe pezmatimeve të traktit digjestiv, andaj ne nuk përshkruajmë mjekësi popullore për trajtim të këtyre problemeve.”- ka thënë Zekaj.
Zekaj ka shtuar se për këtë trajtim, bazohen në protokolle mjekësore, jo produkte të pacertifikuara.
“Ne jemi specialistë të fushës së mjekësisë. Nuk bazohemi në produkte të pacertifikuara, por vetëm në ato që janë të certifikuara nga institucionet përgjegjëse. Ne trajtojmë sëmundjet sipas protokolleve mjekësore.”- ka shtuar Zekaj.
Trajtimi i kancerit
Onkologët në Kosovë kanë dhënë shpjegime të shumta, duke apeluar te qytetarët që të mos marrin ilaçe, suplemente apo receta të ndryshme në internet, pasi të njëjtat mund të dëmtojnë shëndetin e pacientëve, nëse të njëjtit janë duke përdorur terapi onkologjike.
“Substancat që i përmendët, pacientët i marrin kokë më vete, ose i marrin me rekomandime prej njerëzve që nuk janë kompetent e as profesional. Ne, si mjekë, nuk i rekomandojmë.”- thot Ilir Kurtishi, drejtor i Klinikës së Onkologjisë në QKUK.
Kurtishi tregon se ata u rekomandojnë pacientëve terapi alternative, e cila gjatë trajtimit onkologjik mund të ketë efekte lehtësuese te pacientët ose është e domosdoshme që t’i rekomandohet pacientit, në mënyrë që efektet anësore të barnave mund të jenë më të lehta ose të menaxhohen më mirë.
“Por, gjithmonë me aprovim dhe rekomandim të mjekut i cili e përcjellë gjendjen e atij pacienti, në mënyrë që sëmundja të kalojë më lehtë dhe efekti i barnave të jetë më i mirë. Këto receta në internet nuk duhet marrë, sepse nëse nuk ka ndonjë dëm. Atëherë s’ka asnjë efekt, ose mund të ketë efekt, ne i themi ‘efekt psikologjik’, që nuk ka ndonjë impakt. Por, nëse këto receta e suplemente merren gjatë trajtimit onkologjik, mund të kenë efekte të dëmshme në kuptimin e zvogëlimit të efektit të ilaçeve, të cilat përdoren gjatë trajtimit të sëmundjes.”- ka thënë Ilir Kurtishi, drejtor i Klinikës së Onkologjisë.
Krypometër ka biseduar edhe me onkologun tjetër të Klinikës së Onkologjisë, Destan Azemi.
“Kanceri është çrregullim i kodit gjenetik. Këto kanë ndikim në imunitet. Është e vërtetë, por assesi s’mund të themi që ka mundësi të shërojnë kancerin, sepse s’mund t’i rregullojë kodet gjenetike.”- ka thënë Azemi.
Shefi i Shërbimit të Radioterapisë në Klinikën e Onkologjisë në QKUK, Behar Raci ka thënë se produktet bimore i rekomandojnë për imunitet, jo për terapi.
“Të gjitha produktet bimore besohet se ndihmojnë sëmundjet imunitare dhe njëkohësisht rrisin mundësinë për të luftuar sëmundjet malinje, mirëpo si rekomandime ne japim për imunitet, jo si terapi për kancer. Do të thotë, përdoret për të rritur imunitetin, që në mënyrë indirekte mund të forcojë Sistemin imunitar në luftë kundër sëmundjeve kanceroze.”- ka shpjeguar Raci.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)