| schema:text
| - Titulli i pasaktë se 25 vjeçari që vdiq në vendin e punës në Prizren u godit nga kolegu i tij kur ra nga lartësia
Deklarata
Vdes një punëtor në Prizren, kolegu i tij e goditi kur ra nga lartësia
Vlerësimi
Pjesërisht e vërtetë
Titulli i artikullit “Vdes një punëtor në Prizren, kolegu i tij e goditi kur ra nga lartësia”- është i rremë. Policia e Kosovës nuk ka thënë se punëtori në Prizren ka vdekur pasi kolegu i tij e goditi kur ra nga lartësia, por, ka thënë se “derisa një 25 vjeçar ishte duke punuar nga lartësia bie një profil metali i cili e godet në kokë punëtorin A.G.”. Prokuroria Themelore e Prizrenit thot se: ,,gjatë punës për tërheqjen e shkallëve lëvizëse, punëtorët, duke përfshirë edhe viktimën dhe njërin nga të dyshuarit e arrestuar, kanë vendosur që shkallët lëvizëse t’i tërheqin përmes shtyllës metalike, e cila ishte rreth 8m e gjatë dhe e rëndë. Për një moment e njëjta (pra, shtylla metalike) është shkëputur nga lartësia dhe e ka goditur tani më të ndjerin”.
Artikulli
Më 24.11.2024, portali Fakton.info (arkiva) ka publikuar një artikull me titull “Vdes një punëtor në Prizren, kolegu i tij e goditi kur ra nga lartësia”.
I njëjti është shpërndarë edhe në faqet e Facebook-ut: Fakton.info (arkiva), Rajoni (arkiva), Gazeta Blic (arkiva).
Për të verifikuar këtë informacion, Krypometër fillimisht ka kontrolluar lajmet e publikuara, bazuar në një deklaratë të Zëdhënësit të Policisë së Kosovës për rajonin e Prizrenit, Vesel Gashi.
Ai ka thënë se informacionet e para thonë se në një ndërtesë e cila është duke u renovuar, në katin e fundit të saj, “derisa një 25 vjeçar ishte duke punuar, nga lartësia bie një profil metali, dhe i njëjti e godet në kokë punëtorin A. G.”.
Për të verfikuar pretendimet se një punëtor ka vdekur në Prizren, pasi “kolegu i tij e goditi kur ra nga lartësia”, Krypometër ka kontaktuar edhe me Prokurorinë Themelore, në Prizren.
Zyrtarja për Komunikim me Publikun në Prokurori, Fitore Mehmeti- Sejrani ka treguar për dyshimet se si mund të ketëndodhur rasti, bazuar në informacionet e grumbulluara nga vendi i ngjarjes, përkatësisht nga Prokurori Kujdestar,Ppolicia dhe nga inspektorë të punës.
“Informatat zyrtare flasin për një gjendje tjetër. Gjatë punës për tërheqjen e shkallëve lëvizëse, punëtorët, duke përfshirë edhe viktimën dhe njërin nga të dyshuarit e arrestuar, kanë vendosur që shkallët lëvizëse t’i tërheqin përmes shtyllës metalike, e cila ishte rreth 8m e gjatë dhe e rëndë.Për një moment, e njëjta (pra, shtylla metalike) është shkëputur nga lartësia dhe e ka goditur tanimë të ndjerin”- ka shpjeguar ajo.
Mehmeti- Sejrani bën të ditur se lidhur me vdekjen e 25 vjeçarit në Prizren, me urdhër të Prokurorit janë ndaluar për 48 orë tre persona për shkak të dyshimit se të njëjtit kanë kryer veprën penale: ‘Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës’.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)