| schema:text
| - Ministri Valdrin Lluka - Foto: KALLXO.com
Valdrin Lluka e mban fjalën për qymyrin
Deklarata
Valdrin Lluka: Qëndrimi im është të ndalohet dhënia si dhuratë e thëngjillit tek punëtorët e KEK-ut. Nëse vjen një kërkesë e tillë nga unë personalisht do të refuzohet
Vlerësimi
E vërtetë
Në shtator të këtij viti ai ishte zotuar se nuk do të përkrahte kërkesat e punëtorëve të KEK-ut për shpërndarje falas të sasive të qymyrit për ta. Krypometri vlerëson se ministri Valdrin Lluka ka mbajtur premtimin për ndalimin e dhënies së qymyrit si dhuratë për punëtorët e KEK-ut. Ky vendim ndikon që të digjet më pak qymyr gjatë dimrit, mirëpo mbetet të shihet nëse qeveria, në të cilin bënë pjesë Lluka, do të ndërmarrë hapa për ndalimin e nxjerrjes dhe shitjes ilegale të qymyrit.
Artikulli
Ministri i Zhvillimit Ekonomik, Valdrin Lluka e ka bërë një hap në luftën kundër ndotjes së ajrit.
Në një prononcim për KALLXO.com më 3 shtator të këtij viti, ministri kishte thënë se do të ndalohet dhënia si dhuratë e qymyrit.
“Qëndrimi im si Ministër i Zhvillimit Ekonomik është që të ndalohet dhënia si dhuratë e thëngjillit tek punëtorët e KEK-ut. Nëse vjen një kërkesë e tillë nga unë personalisht do të refuzohet. Për arsye se ne kemi thënë edhe më herët se duhet ta përmirësojmë ambientin në Prishtinë sidomos. Djegia e qymyrit pa filtër shkakton probleme të mëdha”, kishte thënë Lluka.
Viteve të kaluara, KEK ka pasur traditë dhurimin e mesatarisht 10 tonëve qymyr për 4 mijë e 500 punëtorë, apo rreth 45,000 tonë.
Ndërkaq, në Prishtinë në vitet e fundit janë shënuar ndër vlerat më të larta të ndotjes së ajrit në botë.
Dje ( më 22 tetor 2018) ministri Lluka zyrtarizoi vendimin e tij për ndalimin e shpërndarjes së qymyrit për punëtorë.
Në vendimin e siguruar nga KALLXO.com, të nënshkruar dje nga ministri Valdrin Lluka, thuhet se vendimi është marrë në kuadër të masave për mbrojtjen nga ndotja e ajrit.
Ky vendim ka shkaktuar pakënaqësi te sindikata e punëtorëve të KEK-ut që thonë se së paku do duhej të subvencionoheshin me para për të blerë dru për ngrohje.
Lidhur me vendimin e sotëm, kryetari i sindikatës, Izet Mustafa tha se vendimi është i papranueshëm. Ata po kërkon nga KEK-u që t’ia paguajë drutë për djegie
Lluka theksoi se punëtorët e KEK tani kanë më pak arsye për kërkim të qymyrit si dhuratë pasi kanë marrë rritje rroge.
“Reagimet janë të pritshme por duke konsideruar se punëtorëve të KEK-ut i janë rritur rrogat për 100 euro të gjithëve, atëherë kjo pak a shumë e lehtëson atë barrën. Mund të bashkëpunojmë me KEK-un që të gjejmë forma të tjera të zëvendësimit përshembull ndoshta qoftë edhe me subvencione me dru apo diçka të tillë por thëngjilli nga ana jonë nuk do të jetë asesi i pranueshëm”, kishte thënë Lluka.
Idenë për subvencionimin e druve nuk e kishte kundërshtuar as ministri Lluka në shtator.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)