| schema:text
| - Pretendimi i rremë lidhur me raportin e Dick Marty
Deklarata
Dick Marty është tërhequr nga pretendimet për UÇK -në
Vlerësimi
Rrenë
Pretendimi se Dick Marty është tërhequr nga pretendimet për UÇK -në është i rremë. Krypometër ka konstatuar se raporti i prodhuar nga Dick Marty për UÇK-në është ende publik dhe ai nuk është tërhequr nga ai raport.
Artikulli
Më 10 shtator 2023, faqja e Facebook-ut, “Komente Politike”, ka publikuar një fotografi ku thuhet “Edhe Dick Marty ka hjek dorë nga agjenda serbe kundër UCK – së. Vetëm Albin Kurti dhe Vetëvendosja ende po e mbajnë frontin. Qeveria anti UCK”.
Ky profil, fotografinë e ka publikuar në grupin në Facebook me emër “Diaspora me PDK”.
Përshkrimi në fotografi pretendon se është hequr raporti i ish senatorit Dick Marty, i miratuar nga Asambleja Parlamentare e Këshillit të Evropës, që pretendon se në trafikim me organe kanë qenë të përfshirë udhëheqës të Ushtrisë Çlirimtare të Kosovës, gjatë luftës së viteve 1998-99.
Krypometri ka verifikuar nëse informacioni për heqjen e këtij raporti është i saktë.
Me datë 13/09/2023 Krypometri ka gjetur se në ueb faqen e Asamblesë Parlamentare të Këshillit të Evropës nuk është hequr ky raport i cili është publikuar në vitin 2011.
Më 11/09/2023 Krypometri ka tentuar që, lidhur me këtë, të marrë edhe një përgjigje nga Këshilli i Evropës, mirëpo nga ky institucion nuk është janë përgjigjur në interesimin e Krypometrit.
Raporti i vitit 2010, i hartuar nga senatori i atëhershëm zviceran, Dick Marty, dhe i miratuar nga Asambleja Parlamentare e Këshillit të Evropës, pretendon se në trafikim me organe kanë qenë të përfshirë udhëheqës të Ushtrisë Çlirimtare të Kosovës, gjatë luftës së viteve 1998- 99.
Akuzat e ngritura në raportin e Martyt janë hetuar nga një prokuror amerikan dhe gjetjet e tij nuk kanë gjetur dëshmi të bazuara se trafikimi i organeve me qenie njerëzore ka ndodhur gjatë luftës në Kosovë, mirëpo raporti i Marty u përdor për të themeluar Dhomat e Specializuara të Gjykatës Speciale.
Albin Kurti dhe partia e tij i cili pretendohet nga postimi se është anti UÇK nuk kishte votuar pro themelimit të kësaj gjykate. Aktakuza e ngritur nga Dhomat e Specializuara të Prokuorisë Speciale është duke u gjykuar nga Gjykata Speciale.
Kjo aktakuzë është ngritur pas pretendimeve të raportit të Dick Marty i cili vazhdon të qëndrojë prapa raportit i cili është i publikuar në faqen zyrtare të KE-së.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)