| schema:text
| - Fri Sep 13 2024 15:28:58 GMT+0000 (Coordinated Universal Time)
ఫ్యాక్ట్ చెక్: ఖమ్మం వరద నీటిలో చిక్కుకున్న వారిని జేసీబీ డ్రైవర్ కాపాడిన సంఘటన వైరల్ వీడియో చూపడం లేదు
తెలంగాణ, ఆంధ్రప్రదేశ్ రాష్ట్రాల్లో వరదలు బీభత్సం సృష్టించాయి. కృష్ణా నదికి ఉపనది అయిన మున్నేరు నదిలో ఊహించని విధంగా నీరు పెరిగిపోవడంతో ఆకస్మిక వరదలు వచ్చాయి. గత 70 ఏళ్లలో ఇలాంటి విషాదకరమైన అనుభవం ఎదురవ్వలేదని చెబుతున్నారు
Claim :ఖమ్మంలో వరద నీటిలో చిక్కుకున్న వారిని జేసీబీ డ్రైవర్ కాపాడుతున్న వీడియో వైరల్
Fact :వైరల్ వీడియో పాతది, ఏప్రిల్ 2024లో సౌదీ అరేబియాలో జరిగిన సంఘటన
తెలంగాణ, ఆంధ్రప్రదేశ్ రాష్ట్రాల్లో వరదలు బీభత్సం సృష్టించాయి. కృష్ణా నదికి ఉపనది అయిన మున్నేరు నదిలో ఊహించని విధంగా నీరు పెరిగిపోవడంతో ఆకస్మిక వరదలు వచ్చాయి. గత 70 ఏళ్లలో ఇలాంటి విషాదకరమైన అనుభవం ఎదురవ్వలేదని చెబుతున్నారు. మున్నేరు నది వరదల్లో ఇంటి పైకప్పులపై చిక్కుకున్న వారిని రక్షించేందుకు భారత నావికాదళానికి చెందిన రెండు హెలికాప్టర్లు ఖమ్మం పట్టణానికి చేరుకున్నాయి.
వరదల్లో చిక్కుకున్న 9 మంది ప్రాణాలను తన జేసీబీతో కాపాడి హీరో అయ్యాడు స్థానికుడు. సుభాన్ ఖాన్ ధైర్యంగా జెసిబిని బ్రిడ్జి దగ్గరకు నడిపి మున్నేరు నదిపై ప్రకాష్ నగర్ వంతెనపై చిక్కుకుపోయిన వ్యక్తులను రక్షించారు. సుభాన్ ఖాన్ ధైర్యసాహసాలకు సంబంధించిన వార్త వ్యాప్తి చెందడంతో, రాజకీయ నాయకులు, ప్రముఖులతో సహా చాలా మంది వ్యక్తులు అతని ధైర్యాన్ని ప్రశంసించారు.
ఈ సంఘటన జరిగిన తర్వాత, చాలా మంది సోషల్ మీడియా వినియోగదారులు ఒక జేసీబీ డ్రైవర్ వరద నీటి ప్రవాహం మధ్యలో నుండి 4 నుండి 5 మందిని రక్షించిన వీడియోను షేర్ చేయడం ప్రారంభించారు. “ఖమ్మంలో ప్రకాష్ నగర్ బ్రిడ్జ పై ప్రాణాలను ప్రాణంగా పెట్టి ఒక్కడివే వెళ్ళి తొమ్మిది మందిని కాపాడావు” అంటూ పోస్టులు పెట్టారు.
పోతే నా ప్రాణం తిరిగి వస్తే అందరం అని అనుకున్న లక్ష్యాన్ని జయించిన వీరుడుకి వందనం
ఫ్యాక్ట్ చెకింగ్:
వైరల్ అవుతున్న వాదన ప్రజలను తప్పుదారి పట్టించేది. వైరల్ వీడియో ఖమ్మం ఘటనకు సంబంధించినది కాదు.
మేము సుభాన్ ఖాన్ ధైర్యసాహసాల గురించి మరింత సమాచారం కోసం వెతికాం. ఖమ్మంలోని ప్రకాష్ నగర్ వంతెనపై చిక్కుకున్న 9 మంది వ్యక్తులను సుభాన్ ఖాన్ రక్షించిన వీడియోలను NDTV ఎగ్జిక్యూటివ్ ఎడిటర్ షేర్ చేస్తూ X పోస్ట్ని మేము కనుగొన్నాము.
“If I go, it is one life, if I return, I will save nine lives: this was the courage shown by #Subhankhan who took a JCB to bring back 9 people marooned on Prakash Nagar Bridge #Khammam from early hrs on Sept1; You can hear daughter brimming with pride #MyDaddyBravest #RealLifeHero” అనే క్యాప్షన్ తో వీడియోను పోస్టు చేశారు. పోతే ఒక ప్రాణం.. వీలైతే తొమ్మిది మంది ప్రాణాలు కాపాడుతానని చెప్పారు. సెప్టెంబర్ 1వ తేదీ తెల్లవారుజాము నుండి ఖమ్మం ప్రకాష్ నగర్ బ్రిడ్జిపై గల్లంతైన 9 మందిని కాపాడడానికి జేసీబీ తీసుకొచ్చిన సుభాన్ ఖాన్ చూపిన ధైర్యం ఇదేనని వీడియోను పోస్టు చేశారు.
భాగస్వామ్యం చేసిన రెస్క్యూ వీడియోలు రాత్రిపూట చిత్రీకరించారు. అంతేకానీ ఆ సమయంలో సూర్యకాంతి లేదు.
అదే వీడియోలను అనేక వార్తా సంస్థలు షేర్ చేశాయి. NDTV కథనం ప్రకారం, ప్రకాష్ నగర్ వంతెనపై 9 మంది చిక్కుకున్నారు. తమను రక్షించాలని ప్రభుత్వాన్ని అభ్యర్థిస్తూ వీడియో రికార్డ్ చేశారు. రాష్ట్ర ప్రభుత్వం హెలికాప్టర్ను పంపేందుకు ప్రయత్నించినా వాతావరణం అనుకూలించకపోవడంతో ఘటనాస్థలికి చేరుకోలేకపోయింది. అప్పుడు, హర్యానాకు చెందిన సుభాన్ ఖాన్ ఇతరుల హెచ్చరికలను పట్టించుకోకుండా తన బుల్డోజర్ తీసుకొని ఒంటరిగా వారిని రక్షించాలని నిర్ణయించుకున్నాడు.
రాత్రి వరకు వరద నీటిలో చిక్కుకుపోయిన వ్యక్తులు వంతెనపైనే ఉండాల్సి వచ్చిందని సమయం తెలుగు ప్రచురించిన వీడియో నివేదిక పేర్కొంది. సుభాన్ ఖాన్ ద్వారా జేసీబీ ఆపరేషన్ రాత్రి చీకటిలో జరిగింది.
మేము వైరల్ వీడియో నుండి కీఫ్రేమ్లను సంగ్రహించి, Google రివర్స్ ఇమేజ్ సెర్చ్ ను ఉపయోగించగా.. వైరల్ వీడియో పాతది, ఏప్రిల్ 2024 నుండి ఇంటర్నెట్లో ఉందని మేము కనుగొన్నాము. వైరల్ వీడియో సుదీర్ఘ సంస్కరణను మూ ఆండాల్ అనే యూట్యూబ్ ఛానెల్ ఏప్రిల్ 29, 2024న ప్రచురించింది, వరదల్లో చిక్కుకున్న నలుగురు వ్యక్తులను సౌదీ లోడర్ ఆపరేటర్ రక్షించారని అందులో తెలిపారు.
గల్ఫ్న్యూస్ ప్రకారం, సౌదీ అరేబియాలోని అసిర్ ప్రాంతంలోని బిషా ప్రావిన్స్లో వరదల సమయంలో చిక్కుకుపోయిన నలుగురు వ్యక్తులను రక్షించడానికి స్థానిక వ్యక్తి తన బుల్డోజర్ను ఉపయోగించి హీరో అయ్యాడు. ఒక కారు బురద నీటిలో కూరుకుపోయి మునిగిపోయిన సమయంలో ఈ ఘటన చోటు చేసుకుంది. అయద్ బిన్ దఘాష్ అల్ అక్లాబీ అనే వ్యక్తి వరద నీటిలో బాధితుల వద్దకు చేరుకున్నారు.
అందువల్ల, ఖమ్మంలోని ప్రకాష్ నగర్ వంతెనపై చిక్కుకున్న వ్యక్తులను సుభాన్ ఖాన్ తన బుల్ డోజర్తో రక్షించిన వీడియో ఇది కాదు. వీడియో సౌదీ అరేబియాలో చోటు చేసుకున్నది. వైరల్ అవుతున్న వాదన ప్రజలను తప్పుదారి పట్టిస్తోంది.
News Summary - Viral video does not show JCB driver saving people on flooded bridge in Khammam
Claim : ఖమ్మంలో వరద నీటిలో చిక్కుకున్న వారిని జేసీబీ డ్రైవర్ కాపాడుతున్న వీడియో వైరల్
Claimed By : Social media users
Claim Reviewed By : Telugupost Fact Check
Claim Source : Social media
Fact Check : Misleading
Next Story
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)