About: http://data.cimple.eu/claim-review/7ef2aea291f83c65900d9c2133901643f14fbef9717d1188d88a98a8     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • ക്ഷേത്രത്തിന് മുന്നിൽ പച്ച നിറത്തിലുള്ള പതാകകൾ വീശുന്ന ഒരു കൂട്ടം ആളുകളുടെ ഒരു ചിത്രം ഇപ്പോൾ സമൂഹമാധ്യമങ്ങളിൽ വൈറലാണ്. മംഗലാപുരത്തെ ഈ ക്ഷേത്രഭൂമി വഖഫ് സ്വത്താണെന്ന് അവകാശപ്പെട്ടുള്ള പ്രതിഷേധം എന്ന രീതിയിലാണ് ഈ ചിത്രം പ്രചരിക്കുന്നത്. "മംഗലാപുരം കടിപല്ലയിലെ നൂറ്റാണ്ടുകളുടെ പഴക്കമുള്ള മഹാ ഗണപതി ക്ഷേത്രം വഖ്ഫ് സ്വത്താണെന്ന് അവകാശപ്പെട്ട് IUML പ്രവർത്തകർ ക്ഷേത്രത്തിനു മുമ്പിൽ നടത്തുന്ന പ്രകടനം കർണ്ണാടക - പോലീസ് കൈയും കെട്ടി * നോക്കി നിൽക്കുന്നു." എന്നെഴുതിയ ചിത്രമടങ്ങുന്ന ഫേസ്ബുക്ക് പോസ്റ്റിന്റെ പൂർണ രൂപം ചുവടെ കാണാം. എന്നാൽ, പ്രചാരത്തിലുള്ള പോസ്റ്റുകൾ തെറ്റിദ്ധരിപ്പിക്കുന്നതാണെന്ന് ഇന്ത്യാ ടുഡേയുടെ അന്വേഷണത്തിൽ കണ്ടെത്തി. മംഗലാപുരം കടിപ്പള്ളയിലെ ഗണപതി ക്ഷേത്രത്തിന് മുന്നിലൂടെ നബിദിന റാലി കടന്ന് പോകുന്ന ചിത്രമാണിത്. അന്വേഷണം വൈറൽ പോസ്റ്റുകളിൽ ആരോപിച്ച രീതിയിൽ മംഗലാപുരത്ത് വഖഫ് ഭൂമിയുമായി ബന്ധപ്പെട്ട് ഏതെങ്കിലും രീതിയിലുള്ള തർക്കം ഉണ്ടായിട്ടുണ്ടോ എന്ന കാര്യമാണ് ഞങ്ങൾ ആദ്യം പരിശോധിച്ചത്. ഇത്തരം റിപ്പോർട്ടുകളൊന്നും ലഭ്യമായില്ല. വൈറൽ ചിത്രത്തിലെ ക്ഷേത്രത്തിന്റെ പന്തലിന് മുകളിൽ 'ഗണേശപുര ശ്രീ മഹാഗണപതി ക്ഷേത്രം'എന്ന് കന്നടയിൽ എഴുതിയിട്ടുണ്ട്. ഈ സൂചന ഉപയോഗിച്ച് നടത്തിയ അന്വേഷണത്തിൽ മംഗലാപുരം കടിപ്പള്ളയിലെ ക്ഷേത്രമാണ് ഇതെന്ന് വ്യക്തമായി. ക്ഷേത്രത്തിന്റെ ഗൂഗിൾ സ്ട്രീ വ്യൂ ദൃശ്യം ചുവടെ കാണാം. തുടർന്ന് നടത്തിയ കീവേഡ് സെർച്ചിലൂടെ കടിപ്പള്ളയിലെ ഗണപതി ക്ഷേത്രത്തിന് മുന്നിൽ പച്ച പതാക വീശുന്ന മറ്റൊരു ദൃശ്യമടങ്ങുന്ന ഇൻസ്റ്റഗ്രാം റീൽസ് ലഭ്യമായി. 'Milad un Nabi' എന്ന തലകെട്ടോടെയാണ് ഈ വീഡിയോ പങ്കുവച്ചിരിക്കുന്നത്. പ്രദേശത്ത് നടന്ന നബിദിന റാലിയുടെ മറ്റ് നിരവധി ദൃശ്യങ്ങൾക്കൊപ്പം ക്ഷേത്രത്തിന് മുന്നിൽ നിന്നുള്ള ദൃശ്യവും ചേർത്ത് തയ്യാറാക്കിയ റീൽസ് വീഡിയോയാണ് ഇത്. വീഡിയോയുടെ തുടക്കത്തിൽ പനമ്പൂർ മുസ്ലിം ജമാ അത്ത് നടത്തുന്ന നബിദിന റാലിയാണ് ഇതെന്ന് വ്യക്തമാക്കുന്ന ബാനർ ദൃശ്യമാണ്. പനമ്പൂർ മുസ്ലിം ജമാ അത്ത് മംഗലാപുരത്തെ കടിപ്പള്ളയ്ക്കടുത്തുള്ള പള്ളിയാണ്. ഇതിൽ നിന്നും നബിദിനവുമായി ബന്ധപ്പെട്ട പരിപാടിയാണ് ക്ഷേത്രത്തിന് മുന്നിൽ നടന്നതെന്ന സൂചന ലഭിച്ചു. 2024 സെപ്റ്റംബർ 16ന് പങ്കുവച്ച ഈ റീൽസിലെ പ്രസക്തഭാഗത്തിന്റെ സ്ക്രീൻഷോട്ട് ചുവടെ കാണാം. കൂടുതൽ വ്യക്തതയ്ക്കായി ഞങ്ങൾ കടിപ്പള്ള ശ്രീ മഹാഗണപതി ക്ഷേത്രത്തിലെ പൂജാരിയായ മാധവനെ ഫോണിൽ ബന്ധപ്പെട്ടു. "വൈറൽ ചിത്രം നബിദിനവുമായി ബന്ധപ്പെട്ട് നടന്ന പരിപാടിയുടേതാണ്. ക്ഷേത്രത്തിന് മുന്നിലുള്ള പൊതു റോഡിലൂടെയാണ് ഈ റാലി കടന്ന്പോയത്. ഇതുമായി ബന്ധപ്പെട്ട് യാതൊരു പ്രശ്നങ്ങളും ഉണ്ടായിട്ടില്ല. എല്ലാ വർഷവും ഇത്തരത്തിൽ ക്ഷേത്രത്തിന് മുന്നിലുള്ള റോഡിലൂടെ നബിദിന റാലി കടന്നു പോകാറുണ്ട്. ക്ഷേത്ര ഭൂമിയുമായി ബന്ധപ്പെട്ട് യാതൊരു തർക്കങ്ങളുമില്ല. കർണാടക സർക്കാരിന് കീഴിൽ വരുന്ന ക്ഷേത്രമാണിത്, ജീവനക്കാരുടെ ശമ്പളം, ക്ഷേത്ര വരുമാനം, വസ്തുവകകൾ എന്നിവയെല്ലാം സർക്കാർ നിയന്ത്രണത്തിലാണ്. മാധവൻ ഇന്ത്യാ ടുഡേയോട് വ്യക്തമാക്കി. ചിത്രത്തിലെ നബി റാലിയിൽ പങ്കെടുത്ത കടിപ്പള്ള സ്വദേശിയുമായും ഞങ്ങൾ സംസാരിച്ചു. ഇത് പനമ്പൂർ മുസ്ലിം ജമാ അത്ത് നടത്തിയ നബിദിന റാലിയാണെന്ന് അദ്ദേഹം സ്ഥിരീകരിച്ചു. ലഭ്യമായ വിവരങ്ങളിൽ നിന്നും പ്രചാരത്തിലുള്ള ചിത്രം ക്ഷേത്രത്തിന്റെ സ്ഥലം വഖഫ് ആണെന്ന് ആരോപിച്ച് മുസ്ലിം ലീഗ് നടത്തുന്ന പ്രതിഷേധത്തിന്റേതല്ലെന്നും മംഗലാപുരത്ത് നടന്ന നബിദിന റാലിയിൽ നിന്നുള്ളതാണെന്നും വ്യക്തമായി. ക്ഷേത്രം വഖഫ് ഭൂമിയിലാണെന്ന് ആരോപിച്ച് മുസ്ലിം ലീഗ് പ്രവർത്തകർ പ്രതിഷേധിക്കുന്ന ചിത്രം. വൈറൽ ചിത്രം നബിദിന റാലിയുടേതാണ്. മംഗലാപുരം കടിപ്പള്ളയിലെ മഹാഗണപതി ക്ഷേത്രത്തിന് മുന്നിലൂടെ നബിദിന റാലി കടന്നുപോയപ്പോൾ പകർത്തിയ ചിത്രമാണിത്.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 11 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software