| schema:text
| - Mbishkrimi i rremë në një fotografi të vjetër të Blerand Stavilecit dhe Safet Gërxhaliut
Deklarata
“Shiqoje sesi i qëndrojnë gatitu shqiptarët e PDK dhe Oda Ekonomike. Gjuriq bënte thirrje të mos votohet Albin Kurti”
Vlerësimi
Me kos
Janë të rreme pretendimet se Marko Gjuriq ka bërë thirrje që të mos votohet Albin Kurti, derisa mbrapa tij qendrojnë ish-ministri i Zhvillimit Ekonomik Blerand Stavileci dhe ish-Kryetari i OEK Safet Gërxhaliu. Kjo fotografi është realizuar në vitin 2015, kur një delegacion i Kosovës kishte nënshkruar një Marrëveshje mes dy Odave Ekonomike: asaj të Kosovës dhe Serbisë. Në atë kohë, Stavileci kishte qenë Ministër i Zhvillimit Ekonomik të Kosovës, Gërxhaliu Kryetar i Odës Ekonomike të Kosovës dhe Marko Gjuriq, Shef i Zyrës për Kosovë në Qeverinë Serbe.
Artikulli
Më 07.02.2025, faqja në Facebook, Albin Forca (arkiva) ka publikuar një fotografi në të cilën shihen anëtari i kryesisë së Partisë Demokratike të Kosovës Blerand Stavileci, ish-kryetari i Odës Ekonomike të Kosovës, Safet Gërxhaliu dhe ministri i Punëve të Jashtme të Serbisë, Marko Gjuriq.
“Shiqoje sesi i qëndrojnë gatitu shqiptarët e PDK dhe Oda Ekonomike. Gjuriq bënte thirrje të mos votohet Albin Kurti”- thuhet në postim.
Krypometër ka kërkuar në internet fotografinë me maqinën Google Lens dhe ka gjetur se e njëjta ishte realizuar në vitin 2015.
Në atë kohë, Stavileci kishte qenë Ministër i Zhvillimit Ekonomik të Kosovës, Gërxhaliu, Kryetar i Odës Ekonomike të Kosovës dhe Marko Gjuriq, Shef i Zyrës për Kosovën në Qeverinë Serbe. Palët ishin takuar për të nënshkruar një Marrrëveshje mes dy Odave Ekonomike: asaj të Kosovës dhe Serbisë. Mediat, në atë kohë, nuk kanë raportuar se në atë takim nuk është bërë thirrje që të votohet njëra apo tjetra parti në Kosovë.
I kontaktuar nga Krypometër, ish-kryetari i OEK Safet Gërxhaliu ka thënë se pretendimet në këtë postim janë të rreme.
Gjithashtu, Krypometër ka kontaktuar me PDK në lidhje me postimin e faqes Albin Forca. Teuta Berisha nga PDK e ka quajtur postimin në fjalë manipulim me fakte dhe propagandë.
“Manipulim me fakte, propagandë dhe fake news.”- ka thënë Berisha.
Blerand Stavileci është anëtar i Kryesisë në Partinë Demokratike të Kosovës, ndërsa në të kaluarën ai ka mbajtur disa pozita ministrore. Stavileci ka mbajtur pozitën e Ministrit të Bujqësisë dhe atë të Zhvillimit Ekonomik.
Safet Gërxhaliu kishte mbajtur pozitën e Kryetarit të OEK deri në vitin 2018, për të dorëzuar më pas detyrën te Berat Rukiqi.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)