About: http://data.cimple.eu/claim-review/81d09dc4538a1ab086332907b93c4cd5de3a4598205941dba9e793b4     Goto   Sponge   NotDistinct   Permalink

An Entity of Type : schema:ClaimReview, within Data Space : data.cimple.eu associated with source document(s)

AttributesValues
rdf:type
http://data.cimple...lizedReviewRating
schema:url
schema:text
  • മണിപ്പൂരില് നിന്ന് പുറത്തുവരുന്ന റിപ്പോര്ട്ടുകളെല്ലാം ഹൃദയഭേദകമാണ്. സ്ഥിരീകരിക്കാത്ത നിരവധി വീഡിയോകളും ചിത്രങ്ങളും മണിപ്പൂരിന്റെ പേരില് സമൂഹമാധ്യമങ്ങളിലും പ്രചാരത്തിലുണ്ട്. മണിപ്പൂര് കലാപത്തില് ബിജെപിക്ക് പങ്കുണ്ടെന്ന ആക്ഷേപം ഉയരുന്നതിനിടെയാണ് രണ്ട് സ്ത്രീകളെ ഒരുകൂട്ടം ആളുകള് ചേര്ന്ന് നഗ്നരാക്കി നടത്തുന്ന വീഡിയോ പുറത്തുവന്നത്. ഈ കേസുമായി ബന്ധപ്പെട്ട് ബിജെപിക്കാരുടെ പങ്കുവ്യക്തമാക്കുന്ന ചിത്രം എന്ന രീതിയില് ഇപ്പോള് ഒരു പോസ്റ്റ് വൈറലാണ്. ആര്എസ്എസിന്റെ ഗണവേഷം ധരിച്ച രണ്ടുപേരുടെ ചിത്രം പങ്കുവച്ചുകൊണ്ട് ഇവരിലൊരാളെ ഇന്നലെ പൊലീസ് അറസ്റ്റ് ചെയ്തുവെന്നാണ് പ്രചാരണം. "ആളെ പിടികിട്ടിയോ മണപ്പൂരികള് ആണ് ഇതില് ഒരുവനെ ആണ് ഇന്നലെ അറസ്റ്റ് ചെയ്തത് " എന്നുള്ള പോസ്റ്റിന്റെ പൂര്ണ്ണരൂപം താഴെ കാണാം. എന്നാല്, പ്രചാരത്തിലുള്ളത് തെറ്റിദ്ധരിപ്പിക്കുന്ന വിവരമാണെന്ന് ഇന്ത്യാ ടുഡേയുടെ അന്വേഷണത്തില് കണ്ടെത്താനായി. ചിത്രത്തിലുള്ളത് ബിജെപി മണിപ്പൂര് സംസ്ഥാന ഉപാധ്യക്ഷനും മകനുമാണ്, ഇവര് അറസ്റ്റിലായിട്ടില്ല. സമാനമായ പോസ്റ്റിന്റെ ആര്ക്കൈവ് ചെയ്ത ലിങ്ക് അന്വേഷണം പ്രചാരത്തിലുള്ള ചിത്രം ഞങ്ങള് റിവേഴ്സ് ഇമേജിന്റെ സഹായത്തോടെ തിരഞ്ഞപ്പോള് ഇതേ ചിത്രം ഉള്പ്പെടുന്ന ഫേസ്ബുക്ക് അക്കൗണ്ട് ലഭിച്ചു. ബിജെപി മണിപ്പൂര് സംസ്ഥാന വൈസ് പ്രസിഡന്റ് ചിംഗങ്ബാം ചിദാനന്ദ സിംഗ്(Chingangbam Chidananda Singh) ആണിത്. അദ്ദേഹത്തിന്റെ മകനോടൊപ്പം നില്ക്കുന്ന ചിത്രമാണിതെന്ന് ഫേസ്ബുക്ക് പേജ് പരിശോധിച്ചപ്പോള് മനസിലാക്കാനായി. 2022 ഒക്ടോബര് 17ന് പങ്കുവച്ചിട്ടുള്ള പോസ്റ്റില് പറയുന്നത് ഇംഫാലില് നടന്ന ആര്എസ്എസ് പദസഞ്ചലനത്തില് പങ്കെടുത്തപ്പോഴുള്ള ചിത്രമെന്നാണ്. Ch.ചിദാനന്ദ സിംഗ് ഫേസ്ബുക്കില് പങ്കുവച്ച കുറിപ്പ് ഇവിടെ കാണാം. ഇപ്പോള് പ്രചരിക്കുന്ന ചിത്രം തെറ്റിദ്ധരിപ്പിക്കുന്നതാണെന്ന് വ്യക്തമാക്കി ജൂലൈ 23ന് ചിദാനന്ദ സിംഗിന്റെ ട്വിറ്റര് അക്കൗണ്ടില് നല്കിയിട്ടുള്ള സന്ദേശവും ഞങ്ങള് കണ്ടെത്തി. "ലജ്ജാവഹം.... എന്റെയും മകന്റെയും ഫോട്ടോ ഉപയോഗിച്ച് എന്റെ കുടുംബത്തിന്റെയും ആര്എസ്എസിന്റെയും പ്രതിച്ഛായ അപകീര്ത്തിപ്പെടുത്താനുള്ള നിങ്ങളുടെ ലക്ഷ്യങ്ങള് വിലപ്പോവില്ല. ഞാന് ഇത്തരമൊരു ഹീനമായ പ്രവൃത്തി ചെയ്തിട്ടില്ല" എന്നുള്ള ട്വീറ്റ് താഴെ കാണാം. തുടര്ന്ന് ഇതേപ്പറ്റി കൂടുതല് വിശദീകരണത്തിനായി ഞങ്ങള് ചിദാനന്ദ സിംഗിനെ ബന്ധപ്പെട്ടു. "എന്റെ ഫോട്ടോയൊടൊപ്പം പ്രചാരത്തിലുള്ളത് തെറ്റായ സന്ദേശമാണ്. ഞാന് ട്വിറ്ററില് ഒരു വിശദീകരണം നല്കിയിരുന്നു. ഇത്തരമൊരു സന്ദേശം പ്രചരിക്കുന്നതില് വളരെ വിഷമം തോന്നി. മറ്റൊന്നുമല്ല, എന്റെ മകനൊപ്പമുള്ള ചിത്രമാണ് പ്രചരിപ്പിക്കുന്നത്. ഒന്പതാം ക്ലാസ് വിദ്യാര്ഥിയാണ് എന്റെ മകന് സച്ചിനന്ദ. എന്നോടുള്ള രാഷ്ട്രീയ വിരോധം മനസിലാക്കാം, അതിന് മകന്റെ ചിത്രം ഉപയോഗിച്ചത് ശരിയല്ല. ഇതുസംബന്ധിച്ച് മണിപ്പൂര് ഡിജിപിക്ക് പരാതി നല്കിയിട്ടുണ്ട്, " ചിദാനന്ദ സിംഗ് ഇന്ത്യാ ടുഡേയോട് പറഞ്ഞു. ഡിജിപിക്ക് നല്കിയ പരാതിയുടെ പകര്പ്പ് അദ്ദേഹം ഞങ്ങളുമായി പങ്കുവച്ചു, ഇത് താഴെ കാണാം. മണിപ്പൂര് പൊലീസുമായും ഞങ്ങള് ബന്ധപ്പെട്ടു. സെന്ട്രല് പൊലീസ് കണ്ട്രോള് റൂമില് നിന്ന് കൈമാറിയ വിവരം അനുസരിച്ച് പ്രചാരത്തിലുള്ളത് തെറ്റായ വിവരമാണ്. " മണിപ്പൂരില് രണ്ട് സ്ത്രീകള് അതിക്രമത്തിനിരയായ സംഭവവുമായി ബന്ധപ്പെട്ട് ബിജെപി സംസ്ഥാന ഉപാധ്യക്ഷന് ചിദാനന്ദ സിംഗ് എന്നയാളെ അറസ്റ്റ് ചെയ്തിട്ടില്ല. അറസ്റ്റ് സംബന്ധിച്ച് കൃത്യമായ വിവരങ്ങള് പൊലീസിന്റെ സോഷ്യല് മീഡിയ പേജുകളില് അപ്ഡേറ്റ് ചെയ്യുന്നുണ്ട് " എന്നാണ് മണിപ്പൂര് പൊലീസ് കണ്ട്രോള് റൂമില് നിന്ന് അറിയിച്ചത്. മണിപ്പൂരില് രണ്ട് സ്ത്രീകളെ നഗ്നരാക്കി പൊതുനിരത്തിലൂടെ നടത്തിച്ചശേഷം ബലാത്സംഗം ചെയ്ത സംഭവത്തില് പ്രായപൂര്ത്തിയാകാത്ത ഒരാള് ഉള്പ്പെടെ ആറ് പേരാണ് ഇതുവരെ അറസ്റ്റിലായിട്ടുള്ളത്. ഹുയിരം ഹീരോദാസ് മെയ്ത്തി(Huirem Herodas Meitei ) ആണ് ആദ്യം അറസ്റ്റിലായത്. ഇതുസംബന്ധിച്ച വാര്ത്തകളിലൊന്നും തന്നെ ചിദാനന്ദ സിംഗ് എന്ന ഒരാളെ അറസ്റ്റ് ചെയ്തതായി കാണാനുമായില്ല. ലഭ്യമായ വിവരങ്ങളില് നിന്ന് പ്രചാരത്തിലുള്ള പോസ്റ്റുകള് തെറ്റിദ്ധരിപ്പിക്കുന്നതാണെന്നും വ്യക്തം. മണിപ്പൂരില് രണ്ട് സ്ത്രീകളെ നഗ്നരാക്കി അക്രമിച്ച വൈറല് വീഡിയോയുമായി ബന്ധപ്പെട്ട് അറസ്റ്റിലായ ആളുടെ ചിത്രം. ഇത് മണിപ്പൂര് ബിജെപി വൈസ് പ്രസിഡന്റ് Ch. ചിദാനന്ദ സിംഗും മകനുമൊത്തുള്ള ചിത്രമാണ്. രണ്ട് സ്ത്രീകളെ പരസ്യമായി അപമാനിച്ച സംഭവവുമായി ചിദാനന്ദയ്ക്ക് ബന്ധമില്ല, അദ്ദേഹത്തെ പൊലീസ് അറസ്റ്റ് ചെയ്തിട്ടുമില്ല. ഇക്കാര്യം ചിദാനന്ദ സിംഗും മണിപ്പൂര് പൊലീസും സ്ഥിരീകരിച്ചു.
schema:mentions
schema:reviewRating
schema:author
schema:datePublished
schema:inLanguage
  • English
schema:itemReviewed
Faceted Search & Find service v1.16.115 as of Oct 09 2023


Alternative Linked Data Documents: ODE     Content Formats:   [cxml] [csv]     RDF   [text] [turtle] [ld+json] [rdf+json] [rdf+xml]     ODATA   [atom+xml] [odata+json]     Microdata   [microdata+json] [html]    About   
This material is Open Knowledge   W3C Semantic Web Technology [RDF Data] Valid XHTML + RDFa
OpenLink Virtuoso version 07.20.3238 as of Jul 16 2024, on Linux (x86_64-pc-linux-musl), Single-Server Edition (126 GB total memory, 5 GB memory in use)
Data on this page belongs to its respective rights holders.
Virtuoso Faceted Browser Copyright © 2009-2025 OpenLink Software