| schema:text
| - Huqja e statistikave për numrin e qytetarëve ‘që ikin në Perëndim’
Deklarata
“Do të habiteni sa është numri i atyre që ikin në Perëndim!”
Vlerësimi
Me kos
Të dhënat e paraqitura në artikullin me titull “Do të habiteni sa është numri i atyre që ikin në Perëndim!” nuk janë të sakta. Të dhënat e paraqitura në artikull nuk janë në përputhje me titullin e këtij artikullit. Derisa në titull flitet për numrin e personave që emigrojnë jashtë Kosovës, në artikull flitet për numrin e personave që kanë hequr dorë nga shtetësia e Kosovës. Krypometër ka gjetur se 3,142 persona kanë hequr dorë nga shtetësia e Kosovës, ndërsa gjatë vitit 2022 ishin 41,553 banorë, përfshirë emigrantët legalë dhe ata ilegalë që e kanë lënë Kosovën. Pra, numri i emigrimeve nga Kosova është dukshëm më i madh se numri i qytetarëve që heqin dorë nga shtetësia e Kosovës.
Artikulli
Më 18.02.2024 faqja e internetit ‘atdheulajm’ (arkive) publikoi një artikull me titull “Do të habiteni sa është numri i atyre që ikin në Perëndim!”.
Brenda artikullit është një video në të cilën flitet për numrin e personave që kanë kërkuar lirim/heqje dorë nga shtetësia e Kosovës.
Por, në këtë artikull dhe video, në asnjë vend nuk tregohet se sa është numri i qytetarëve që ikin në perëndim.
Krypometër ka analizuar raportet e Agjencisë së Statistikave të Kosovës dhe të Ministrisë së Punëve të Brendshme për të konfirmuar numrin e personave që kanë emigruar nga Kosova si dhe atyre që kanë hequr dorë nga shtetësia e Kosovës.
Numri i qytetarëve të Kosovës që jeton jashtë vendit, sipas të dhënave të Agjencisë së Statistikave të Kosovës (ASK), deri në fund të vitit 2018, vlerësohet të jetë mbi 850 mijë banorë.
Sipas të dhënave të ASK-së rezulton që numri i emigrantëve kosovarë gjatë vitit 2022 është vlerësuar të jetë gjithsej 41,553 banorë, përfshirë emigrantët legalë dhe ata ilegalë.
“Pjesa dërmuese e emigrantëve për vitin 2022 ishin emigrantët legal. Emigrimi legal ishte për shkak të: bashkimit familjar, martesave, gjetjes së një vendi pune, shpërnguljes së përhershme (kryesisht në shtetet fqinje), studime afatgjata me punësim, etj.. Përveç vendeve të BE-së dhe EFTA-së, një numër i kosovarëve kishte emigruar edhe në vende të tjera, kryesisht në SHBA, Turqi, Kanada dhe vende tjera”- thuhet në raportin e ASK-së.
Në raportin e ASK-së “Profili i lehtë i migrimit” janë paraqitur statistikat edhe për vitet e tjera. Sipas ASK-së, numri i personave që kanë emigruar nga Kosova në 2021 ishte 42,728 persona, kurse në vitin 2020 kanë emigruar vetëm 8,724 persona dhe në vitin 2019 kanë emigruar 34,911 persona.
Krypometër ka analizuar edhe raportet që i publikon Ministria e Punëve të Brendshme për numrin e kosovarëve që kanë hequr dorë nga shtetësia. Kjo e dhënë tregon personat që jetojnë tashmë larg Kosovës, por që për arsye të ndryshme heqin dorë nga shtetësia.
Sipas një raporti të Ministrisë së Punëve të Brendshme për statistikat e azilit për tre mujorin e 4-të të vitit 2023 bëhet e ditur se kërkesat për lirim nga shtetësia janë si në vijim: Gjithsej ishin 689 kërkesa për lirim nga shtetësia: Gjermani 515, Austri 116, Slloveni 30, Mali i Zi 11, Kroaci 7.
Në raportin statistikor vjetor të Ministrisë së Punëve të Brendshme gjatë vitit 2023, (janar-dhjetor 2023), në Divizionin e Shtetësisë kanë aplikuar 3,108 persona për lirim nga shtetësia dhe janë marrë 3,143 vendime për Lirim nga shtetësia e Republikës së Kosovës: 98.6% vendime pozitive, 1.4 % vendime negative.
Sipas MPB-së, pjesa më e madhe e qytetarëve që kanë bërë kërkesë për lirim nga shtetësia kanë vendbanim në Gjermani (2,400 kërkesa) dhe në Austri (432 kërkesa).
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)