| schema:text
| - Pretendime të rrejshme për shërimin e nyjeve me anë të një kreme
Deklarata
Ndaloni shkatërrimin e gjunjëve me operacione dhe injeksione! Për rinovimin e nyjeve ju nevojitet
Vlerësimi
Rrenë
Video me mbishkrimin “Ndaloni shkatërrimin e gjunjëve me operacione dhe injeksione! Për rinovimin e nyjeve ju nevojitet.”- është e rreme. Në këtë video reklamohet një produkt për të cilin pretendohet se i shëron të gjitha llojet e sëmundjeve të nyjeve dhe devijimeve të boshtit kurrizor, por i njëjti produkt nuk ka Autorizim të Marketingut që lëshohet nga Agjencia e Kosovës për Produkte dhe Pajisje Medicinale, për produktet medicinale që mund të shiten në Kosovë. Ortopedi Blerim Qosaj thot se nuk mund të shërohet disku në boshtin kurrizor me një suplement të tillë.
Artikulli
Më 15.12.2024, faqja në Facebook Med Klinika (arkiva) ka publikuar një artikull rreth shërimit të nyjeve.
“Ndaloni shkatërrimin e gjunjëve me operacione dhe injeksione! Për rinovimin e nyjeve ju nevojitet.”- thuhet në titullin e këtij artikulli.
Tutje, në këtë video pretendohet se dhimbja e nyjeve ndalet për dy javë.
“Lajmet e fundit në botën e mjekësisë tronditën njerëzit që vuajnë nga dhimbjet e kyçeve. Doktori tregoi të vërtetën për kremën e re që theu të gjitha rekordet e shitjeve në vetëm dy javë, saqë edhe dhimbjet më të forta të kyçeve zhduken pas përdorimit të kësaj kreme.”- thuhet në këtë video.
Kjo video ka mbi 100 komente nga persona të cilët pyesin se ku mund ta gjejnë këtë ilaç dhe 40 shpërndarje.
Kur klikon mbi këtë video të dërgon tek uebfaqja akol.themaxpulse.com (arkiva). Në këtë uebfaqe është i publikuar një artikull për fitnes, që s’ka të bëjë asgjë me paralajmërimin e faqes në Facebook Med Klinika (arkiva)
Ky artikull promovon një kremë të quajtur “daulubone”, që pretendohet se rikthen shëndetin e nyjeve.
Në listën e produkteve që kanë Autorizim Marketingu, e cila është e publikuar në faqen e Agjencisë Kosovare për Produkte dhe Pajisje Medicinale nuk figuron një ilaç me emrin “daulubone”.
Agjencia e Kosovës për Produkte dhe Pajisje Medicinale është institucion i cili rregullon shitjen dhe importin e ilaçeve në Kosovë.
Neni 16 i Ligjit për Produkte dhe Pajisje Medicinale thot se “produkti medicinal mund të plasohet në Republikën e Kosovës vetëm pas marrjes së Autorizimit për Marketing nga AKPPM”.
Krypometër ka kontaktuar me ortopedin Blerim Qosaj, i cili ka thënë që nuk ka gjasa që të shërohet disku i boshtit kurrizor me një produkt të tillë.
“Aty po tregon se si e shëron diskun në boshtin e kurrizit, që s’ka shanca. Ose, artrozat e gjurit nuk është e mundur të shërohen me këtë kremë. Artroza shërohet me ilaçe, që kanë përmbajtje për rigjenerim të kërcës ose me trajtime operative (proteza), nëse kanë prograduar. Ama me ly me kremë e me u shëru, hiç s’ka shanca. Mund të ndikojë në zvogëlimin e dhimbjes, por jo në shërim.”- ka thënë Qosaj për Krypometër.
Reumatologu Besim Demolli ka thënë për Krypometër se osteoartriti, osteoporoza dhe frakturat osteoporotike janë sëmundje kronike të pashërueshme.
“Trajtimi për këto sëmundje fokusohet në menaxhimin e simptomave dhe përmirësimin e cilësisë së jetës. Kjo përfshin terapinë fizike për përmirësimin e forcës dhe fleksibilitetit, modifikimet në stilin e jetës, për menaxhimin e peshës dhe reduktimin e barrës në nyje, medikamentet për lehtësimin e dhimbjes dhe inflamacionit, si dhe ndërhyrjet kirurgjikale në raste të rënda.”- tha Demolli për Krypometër.
Demolli ka thënë se këto sëmundje nuk mund të shërohen me suplemente. Ai ka thënë se personat që kanë sëmundje të tilla duhet të konsultohen me profesionistë.
“Është e rëndësishme të shmangen suplementet e paprovuara dhe të panevojshme që nuk rekomandohen nga organizata të respektuara si ACR dhe EULAR, pasi ato mund të jenë jo vetëm të panevojshme, por edhe potencialisht të dëmshme.”- tha Demolli për Krypometër.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)