| schema:text
| - Rrena e Kryetarit të Deçanit për Zjarrfikësit
Deklarata
Selmanaj: “Në momentin kur mbikëqyrja e pranon (objektin), normal që zjarrfikësit duhet me kalu në objektin e ri”.
Vlerësimi
Rrenë
Ky premtim i kryetarit të Deçanit, Rasim Selmanaj vlerësohet rrenë, pasi objekti i ri i ndërtuar për zjarrfikësit në këtë komunë vazhdon të jetë bosh. Zjarrfikësit ende nuk janë vendosur në objekti e ri, përkundër pranimit teknik nga komisioni komunal.
Artikulli
Komuna e Deçanit në vitin 2013 kishte nisur ndërtimin e objektit të ri për zjarrfikësit për të cilin janë investuar 172 mijë euro. Por, finalizimi i punimeve ishte zvarritur, pasi komisioni mbikëqyrës i projektit kishte bërë vërejtje në punët që ishin bërë aty. Në kohën kur po bëhej zvarritja e finalizimit të ndërtimeve, kryetari i Komunës së Deçanit, Rasim Selmanaj kishte premtuar se me t’u pranuar teknikisht objekti, zjarrfikësit do të kalojnë në objektin e ri.
Premtimi për largimin e zjarrfikëseve nga qendra e Deçanit, Selmanaj e kishte dhënë në emisionin televiziv “Jeta në Kosovë” të moderuar nga Jeta Xharra.
“…Ka pasur probleme mes kompanisë edhe mbikëqyrjes, shumica e vërejtjeve për punime jo të mira janë evituar, tash ne po e presim raportin final të komisionit mbikëqyrës dhe momentin kur mbikëqyrja e pranon normal që zjarrfikësit duhet me kalu në objektin e ri”, pati thënë Selmanaj në shkurt të vitit të kaluar në emisionin “Jeta në Komunë”.
Por, kjo deklaratë del se është rrenë, bazuar në kriteret e vlerësimit të deklaratave nga krypometri.
I kontaktuar nga KALLXO.com, Drejtori për mbrojtje dhe shpëtim, Izet Zenuni tha së komisioni ka bërë pranimin e teknik të objekti të zjarrfikësve. Ai tha se përkundër pranimit teknik zjarrfikësit ende nuk kanë hyrë në objektin e ri.
“Zjarrfikësit ende nuk kanë kaluar në objektin e ri. E di që pranimi teknik është bërë dhe ka mbetur që pasi të ndahet buxheti të mobilohet tërësisht objekti i zjarrfikësve. Besojë deri në mars do përfundoj gjithçka,” tha drejtori për mbrojtje dhe shpëtim në Komunën e Deçanit, Izet Zenuni.
KALLXO.com në tetor të vitit 2015 kishte raportuar për problemet e krijuara mes problemit komisionit vlerësues dhe kompanisë që ka ndërtuar objektin.
http://kallxo.com/mosdakordimi-i-komisionit-me-kompanine-le-zjarrfikesit-pa-objekt-te-ri/
Atë kohë zyrtarët komunalë thanë se investimi prej 172 mijë eurove është pranë finalizimit. Mirëpo, objekti i zjarrfikësve ende mbetet i pashfrytëzuar, kurse njësiti i zjarrfikësve të Deçanit janë të vendosur në shtëpinë e kulturës që gjendet në të njëjtin oborr me Komunën e Deçanit.
|
![[RDF Data]](/fct/images/sw-rdf-blue.png)
![[cxml]](/fct/images/cxml_doc.png)
![[csv]](/fct/images/csv_doc.png)
![[text]](/fct/images/ntriples_doc.png)
![[turtle]](/fct/images/n3turtle_doc.png)
![[ld+json]](/fct/images/jsonld_doc.png)
![[rdf+json]](/fct/images/json_doc.png)
![[rdf+xml]](/fct/images/xml_doc.png)
![[atom+xml]](/fct/images/atom_doc.png)
![[html]](/fct/images/html_doc.png)